|
الســـــلام عليكم ورحمة الله وبركاته
شخباركم ياكويتيات كل عام وانتم الى الله اقرب وبخير وبصحه وسلامه والجميع يارب
دائما مايقولون العيد فرحه لكن عمري ماحسيت فيه ومدري متى افرح بالعيد والبس لبس جديد وافرح مثل الناس الي تفرح
طبعا اناا بنت سعوديه سكانه في شمال السعوديه واهلي وجماعتي يسكنون في غربهااا
انا ياكويتيات خواتي متزوجات وعايشين في الغربيه مانجتمع على عيــد ابداا تصدقون عمري ماعيدت على خالتي اخت امي وقلت لهاا كل عام وانتي بخير ولا حتى بنات خالتي ..؟ ودي احس بهذا الشعور اكون انا وبنات خالتي مع بعض وخالتي وجدتي مااشوفهم الا بالسنتين مرره تخيلوا بناتهم مااعرفهم وهم من عمرري والي اكبرر بنات عمي مااشوفهم الا من سنتين الى 3 سنواات ودي اجتمع معهم نعيد مع بعض لالا مستحيل يصير عندنا هالشيء حتى خوااتي الحين مايعيدون الا عند ازواجهم هم ودهم يعيدون عندناا بس امي ترفض تقوول عيب تتركين زوجك وماتعيدين عنده وعند اهله واناا البنت الوحيده الي عند امي
اااااااه بس اجواء العيد تجنن عندهم سواء عيد فطر او عيد اضحى الناس تفرح لما يجي العيد انا اتضايق لانه ماعندي احد ولا نروح لاحد لاتقولون لي ليش انا انخلقت وجيت لدنيا ماشيه كذااا
احب اتابع منتداكم وخاصه بالاعياد احب اشوف تحضيركم للعيــد وفرحتكم يمكن احس بالعيد معكم
لكن ابد ابدا مااحس بالعيـــــــــــد ابد ابد
مااقول الا الله يصبرناا على الحيـــــاة الي تعتبر شبه ممله اخر مره شفت فيهاا خواتي من 7 شهور
ولاشفتهم بعدهااااااااا
طفشتكم معي بس حبيت افضفض لكم لااكثرر
كل عاام ونتم بخير وعيدكم مبارك
بس عودي زوجج انه اول يوم العيد تقضينه عند اهله وثاني يوم خلي يوديج لاهلج عشان تكملين العيد عندهم انا اهلي اللي بالسعوديه جذي يسوون بناتهم اول يوم عند الحموله بعدين يسافروون لاهلهم بس لازم تعودينه
وعيدج مبارك
والله ياكويتيات امي لهاا فوق 20 سنه ماعيدت عند امهااااا ابداا الا بالفون
روعة الاحساس لو اني متزوجه اسافر لهم لكن صعبه عندنااا البنت تسافر عند خواتها وتعيد عندهم لو اخوي عايش عندهم ممكن اعيد عند خوااتي
هذا حظنا من الدنيااا وكمان حريم اخواني يروحون عند اهليهم الي في جده والي بمكه والي بالطائف لكن خوات ازواجهم يرفضوون تعيد عندناا يقولون كل يوم يجوناا رجال للبيت شلون مين يقوم بواجب الضيافه اقول ماعندي حرمه
احنا مجتمعناا ذكووووري اكثر من احنا البنات اقصد مجتمع عيلتي
يلا ادعي ربج يهونها ويسسهلها عليج وتتزوجين ان شاءالله وتحسسين بفرحة العيد مع ريلج واهله .,
مااظن صعبه يجون عندنااااااااااا
اشكركم ياكويتيات على تفاعلكم معي
؛
؛
حبيبتي مو مهمه جمعت العيد
المهم يمر عليكم العيد و انتي و اهلج كلهم بخير و صحه حتى لو كنتو بعاد عن بعض
بس المهم ان كل وحده مرتاحه و بصحه و عافيه
و الله في ناس تعيّد بالمستشفى و المرض ياكل اجسامهم و ماعندهم احد يزورهم !
حمدي ربج
و الله يخليلج امج و يطول بعمرها
ليش ما تحسين بطعم العيد؟ عيدي مع امج , لبس ملابس يديده و طلعي مع امج و ابوج تمشو و غيرو جو
مو لازم تعايدون على احد ,, دام كل واحد ساكن بعيد عن الثاني
و الله يعود عليكم العيد بالخير و الصحه و العافيه
و يرزقج الزوج الصالح
؛
؛
اوان شاء الله يجمع شملكم انتي واهلج وحبايبج
بس حت ولو *الجمعه حللوه ولا تتعوض وعاادي *واجد فيه كذا نفسش
الحمددلله ع كل حال
الود ودي اجيش الحين علا خط بوحدريه *بس اي منطقه ههههههههه
؛ حبيبتي مو مهمه جمعت العيد المهم يمر عليكم العيد و انتي و اهلج كلهم بخير و صحه حتى لو كنتو بعاد عن بعض بس المهم ان كل وحده مرتاحه و بصحه و عافيه و الله في ناس تعيّد بالمستشفى و المرض ياكل اجسامهم و ماعندهم احد يزورهم ! حمدي ربج و الله يخليلج امج و يطول بعمرها ليش ما تحسين بطعم العيد؟ عيدي مع امج , لبس ملابس يديده و طلعي مع امج و ابوج تمشو و غيرو جو مو لازم تعايدون على احد ,, دام كل واحد ساكن بعيد عن الثاني و الله يعود عليكم العيد بالخير و الصحه و العافيه و يرزقج الزوج الصالح ؛ |
بعد عمري !
شتسوين بعد هاذا حآل عآيلتكمـ
صبري و آن شاء الله رفيجآتج و آمج يسدون مكآن آلكل