|
|
ـ الحمدلله على كل حال الهم لا اعتراض
ـ يومي مثل امس باجر راح يكون مثل اليوم أكل اشرب انام من الفراغ كل يوم احس بعله بجسمي من الفراغ اطق واصار
ـ خ على عيالي من غير سبه من الفراغ اقول ياارب اخذ عمري وانا ساجده وحامده وشاكره
ـ بتقولون ادرسي بقولكم ممنوع بتقولون اشتغلي بقولكم هم ممنوع بنات انا حيييل تعبانه بدوامه احس نفسي وصدري ضاق ياااارب ولا بنت تحس يلي احس فيه ياارباكيد بتقولون اشغلي وقتج اطلعي تمشي بقولكم هم مع منو ألله جد مع منو لا صديقات لا خوات نفس الناس والعالم قبل شهر رحت الافنيو ابي اشتري شغله تصدقون ماعرفت اشتري يوم شفت الناس حسيت جنه عيونهم تطالعني وتقول حرام هذي ليش كله بروحه مريت على بنات وااايد بقهاوي خنقتني العبره تبون الصج بجت حسيت صج بوحده تذبح تقولون مو لهدرجه ما عندج احد بقولكم لا عندي بس شسوي بناس معقده ومنافقها همها نفسها جوات لا صدت وحده حشو بالثانيه قولو الحمدلله والشكر الله لا يبلاكم وصديقات وحده بس تبيني للمصلحه فقط لاغير وتذكرني لا حتاجتني وحموات ماقصرت مرات حماي عبت روسهم من ناحيتي لين قامو يتجنبون بس بالرسميات ويالله خوال عمام آه بس شقول شخلي قطعه من كل صوب بقولون مستحيل بقول للاسف هذا الواقع ادري بتقولون شللون نساعدج وانتي صكيتيها من كل صوب بقول دعوه منكم تشرح لي صدري بنااات ماتصدقونانا من فترة دخلت حالة اكتئاب الله لا يوريكم والحمدلله بالقران تشافيت والحين احس باعراضها مره ثانيه والله تعبت وتعبت عيالي معاي والله يكسرونخاطري حيييل ياارب متى يكبرون بناتي ويصرون هم اهلى وخواتي وصديقاتي بنااات هذي مخلص حياتي صطرته لكم من منو الغلط مني ولا من الزمن
ـ الي بتسال عن الزوج بقولها بختصار تعرفون المثل الي يقول لابس عباته داشر بحياته هذا هو لانه هو يمشي ومطبق المقوله الي يقول انا نفسي ومن بعدي الطوفان
احمدي ربك انك بديرتك هذا والله يكفى عن كل شي المشكله لو مغتربه
وماتعرفين احد وتحسين بهذا كله شتسوين
الحمدالله كما ينبغي لجلال وجهك وعظيم سلطانك
يسخر لج زوجج ويهديه ويصلح حالج
تكفين لاتيأسين لايهمج احد بالدنيا حبي نفسج وخليها الاولى عن الكل اللي يبي يسلم حياهالله اللي يهتم جزاه الله خير
انتي عندج عيال انتي عيونهم دامج تقدرين تطلعين وعندج سياره طلعي تمشي وتسوقي يبلج ثقه بنفسج اكثر والله مايهمج بعدها احد كل انسان يحتاج احد يمه حاولي ترجعين علاقتج بزوجج حاولي حاولي ادعي واقري البقره والواقعه ابتسمي دايمن حتى لوميته من القهر روحي الممشي لعبي معا عيالج غيري اثاثج لوتقدرين لبسي كشخي زوري امج وابوج بريهم سويلج صدقه جاريه روحي ندوات دينيه الدنيا حلوه صدقيني والله محد ينفعج لازوج ولااهل ولاصديقات عندج اللي فوقج اهو ربج احن عليج من امج وابوج شنو تبين اكثر بس ماقول الا ربي يسرلج امرج ويفتحها عليج وتروح الضيقه منج صدقيني يبلج بوش اب وتصيرين اسعد وحده شوفي هواياتج شنو نميها ربي يفرجها عليج والله من كل قلبي
بس بنصحج نصيحه طلعي روحي لاتاثرين بعيالج والله حرام لازم تطلعين تونسينهم
ادعي ربج ثلث الليل ان الله يشرح صدرج و ييسر لج امرج
آلله يفرج همج ويسخر لج زوجج وكل من حولج ويحفظ لج عيآلج =( !