موضوع خاص حق المتزوجات المتان او اللي متان كانوا وضعفوا بسسسس

كلكم لازم تدشون وتقولون رايكم

انا من تزوجت وانا متينه بس مو المتن الكريه اللي صبه وحده لا حمدلله متناسق

وريلي عمره ما تذمر وقالي ضعفي

بالعكس كله يقولي انا ابيج جذي ويابطتي وياحلاتج ويا ويا

وانا بقلبي احس انه جذاااااااب

وطبعا ماننكر ان فيه رياييل يحبون المتن بس انا مو حابه شكلي فاحس انه يقص علي

وانا حدي لايعه جبدي من نفسي والله

فالحين موضوعي

وخاصه للي كانو متان وضعفوا

هل لاحظتي ان حياتج تغيرت

حياتج بكل نواحيها العامه والجنسيه والرسميه واللبسيه والحركيه وكل شي

وهم اللي رياييلهم كانوا يقولولهم يابطتي الحلوه لاتضعفين هل عقب ما ضعفتي حسيتي ان صج ماكان يبيج تضعفين ولا بس عشان لا يكسر فيج وصارت حياتكم غير عقب ماضعفتي

واقولكم شي عني انا مو كل شي البس حق ريلي مع انه واااايد اشياء اشتريها بس لما البسهم احس مو حلو علي

فافسخه وارده الكبت لان اقول اذا انا اشوف نفسي ويع ليش احرج نفسي والبس جدامه

مع ان ذاك اليوم كنا بالسوق ولا نمر عند سكشن قمصان النوم شاف شي جان يقولي ليش ماتلبسيلي جذي قتله مو حلو علي ومن داخلي حدي تحطمت والله العظيييييييييييييييم

واي بنات وايد اكسر خاطر روحي وريلي يكسر خاطري لاني ماني قادره البسله كل شي مو لان ما احصل امبلا كل شي احصل بس ما عندي الجرأه اني اطلعله بهالشكل

اضعفي نصصصصيحه قلبوو

اختي شوي متبتبه وريلها يا حياتي ما يتكلم ويرضى بكل شي قنوووع اسم الله عليه ، ويوم سوت ريجيم قبل العيد وضعفت حيل صار جسمها يهبل قالها ريلها اللـه جسمج يهبببل اضعفي اكثر .. الخ

بس حريتيني يوم تقولين شفنا قمصان نوم وقلتلها مو حلو علي :@ حتى لو كان يشوفج حلوة وجسمج عاجبه بعد كلامج عن نفسج راح يشوف انج متينه ومو حلوة ، مو مهم تكونين متينه او ضعيفه اهم شي تكونين واثقه من نفسج يا ما متان رياييلهم يموتون فيهم من ثقتهم بنفسهم وياما رششيقات ماعندهم ثقه بروحهم وازواجهم شايفينهم ويع !! < دشيت عرض بس عشان انصحج :d

موفقه عيني

أنا كنت متروسه وضعفت تبين الصج
اي والله حدا مستأنس علي
حتي أنا صرت البس اللي أشتهي
وثقتي بنفسي زادت والحمد لله
ترا الريال ممكن تعجبه مرته اذا مليانه وخصوصا
اذا ما قط شافها رشيقه
بس تضعف ويصير جسمها سمبتيك يستخف عليها
خصوصا بقمصان النوم

شوفي يا قلبي طبعا الثقة اهم شي لا تقولين متينه وجذي لا اهم شي اقتنعي بنفسج وثاني شي اذا انتي متضايقه ليش ما يكون هذا الشي حافز قوي لج وتضعفين بما انج مو متينه وايدة فهذا معناته بسرعه راح تضعفين وبسرعه ببين عليج الضعف فشدي حيلج وانصحج بأتكنز اللي اهو رجيم حسين دشتي خوش رجيييييييم وبسرعه يضعف

وبالنسبه لي انا كنت قبل بطوطه وعقب ضعفت وبعدها ملجت بس ريلي ما شافني ايام المتن شافني وانا ضعيفه واهو حابني جذي واكيد اذا صار جسمج سمبتيكا امبيييير الثقه بيرتفع وما في ريال ما يحب يشوف مرته سمبتيكا فشدي حيلج عالريجيم والجاي الاخضر مع الزنجبيل وادعيلي

فديتج والله ذكرتيني بنفسي اول ماتزوجت كنت مليانه اشوي من تحت و لما شفت اني قاعده انحرج من نفسي ومقهوره لان لي خصر وخلفييه مطلوووبه جداً ههههههههة وكله يمدحني وانا امدددددح نفسي جدامه وادلع نفسي وكل كل كل شي لبسته ولانه يشوفني واثقه من نفسي فديته كله يمدح واعجبه بس سويييت رجييييم وقعدت امشي يوميا ورحت الجوري مالت المساج بحولي شهرييييين والحمدلله جسمي صااو وااااااو والله أنهبل خصوصا كان مسافر بهذاك الوقت والله أنهبل قااال ماضن في وحده احلا منج ولا في وحده جسمها مثلج والله اذا جسمج فيه تقسيمات تكفيييييين ظعفي كل شي رااااح يتغير حتا نفسيته معاج

والله يسخر لج رجلج ويخليه لج

لاااااا انا مو مافيني ثقه بنفسي بالعكس وايد واثقه وهالشي الناس تحسدني عليه

بس انا اقولج ليش قتله جذيه

لان لو قتله انشالله راح اشتري والبسه لك كل يوم بيقعد يقولي ها وينه ما لبستيه وانا مابي يحطه اباله

متى ما ضعفت راح افاجاه والبسه عرفتي ؛)

مو انا هذا اللي قاعده اقوله ليش احرم نفسي الوناسه والثقه

واحرمه اهوا ان يستمتع معاي ويمتع ناظريه

والله يخليلج ريلج ويزيد وناستكم ياعمري

حبيبتي انتي مشكوره عالنصايح

وانا الحين انشالله انشالله ناويه اضعف

ومابي منكم الا التشجيع

والله يخليلج ريلج و ويزيد محبتكم

واااااااااااااي عليج بالعافيه حبيبتي والله يتمم عليج انشالله

والله يخليلج ريلج ودوم انشالله يشوفج احلى وحده

واااايد عطيتيني بوش يسلموووو حبيبتي

Ma3qoooola kl bnat leq8 rasheqaaaat

خليج وااثقه من نفسج

ولا في وحداا من دوله عربيه جسمها يخررع ولوعه

ومتزوجه دكتوور كويتي ويموووت عليهاا

اهي لا شكل ولا حتى طبعها كريهااا

وحده من البنات شايفتهاا بحمل قمصاان تاخذ وتقاايسهم واخر شي شرتهم تقول احس ما يناسب عمرها ولا جسمهاا

وريلها يموت فيهاا اصلا كله يتكلم عنها خخخ

اهم شي الثقه

ودام تقولين متنااسق بل عكس يناسبج لا تقولين جدامه ما يناسبني

واذا انتي جذي مو عاجبج جسمج سوي رجيم

واشتركي بناادي ولبسي اللي تبين

: )

لمن ضعفت قالي مو حلوه عليج الضعف..

إنزين واللي مو متزوجه..اطلع يعني p: ???
خل اقول تجربتي وانحاش لووول…انا كنت متروسه وزني بالثمانينات الحين69 ..بس يبيلي بعد..ويهي خق عن قبل ..وكل من يشوفني نص يقول اتيننيييييييين صايره..والنص يقول هااا فلانه شفيييج مريضه :s هو ياحافظ ليش هالاحباااط !
يدتي ام ابوي اتقول يمه خاف مريضه انتي؟؟حبيبتي اكلي اكلي ..صايره خشب ….واي إيديده ليش هالاحباط
المهم حبيبتي..
ادري تقولين نعم مومتزوجه لووولp:
انتي سويله نيو لووك ..ضعفي وغيري من ستاايلج حتى لو عاجبه جسمج ..ترا الإنسان ملول وخاصة الريال

يبتيها عالجرح لوووووووووووول
انا ابيييي اضعف بس اهو مو راضي وسويت رجيم وطنشت فيه استغربت انه مستخففففف على جسمي واللوك وين اللي قبل يبي المتن!!يقول انتي بكل حالاتج حلوة هذا لزين انه مايكسر فيج
طبعا الحين رديت وزني يبيلي بعد رجيم قاسي ادعيلي ولج بالمثل ياااااااااااااارب

الرشاقه حلوه والاهم انهاااا صحه…