الحمدالله . بسس هل هذه نهايه المشكله

السلام عليكم اخباركم حبايبي
انا امس نزلت موضوع عن مشكلتي
انه بنت خالتي ضايفه زوجي
ومشكورين كل لي ردو ع الي ونصحوني
ولو ردو بدعوه الله يوفقهم ويحقق لهم لي يبون
حبيت اطمنكم تراضينا انا وزوجي
وبعد ماتكلمنا قام يضحك قال وش الحركه البايخه لي مسويه
انا قلت وشو قالت تدرين عرفت انه شاك انها انا البنت
قمت اقول والله مادري قال انتي ضايفتني ليش شاكه فيني
قلت والله مو انا هو ماصدق قمت احلف له هو شك لانه شايف الايميل عندي
قال طيب وحده تعرفينها قلت وش قالت لك يوم قام يقول لي
وقمت اسمع كلامها الماصخ ياعمري وياحبيبي وفديتك ومادري شنو
قعدت ابكي هو انصدم قال شفيك انا قعدت ابكيييييي من القهر من الحره لي فيني
بنت خالتي من لحمي ودمي لي مارضى عليها الا لي ارضاه لنفسي تسوي فيني كذا
وتطلع كذا .. هو خاف قال شفيك انتي تعرفينها قلت اي صديقتي
قال وش عليك منهااا تموت ودخل فتح المسن قدامي وحذفها الحمدالله
وشافني مقهوره حيل قال منهي قلت مابي اقول ودموع بعيوني
قال تقرب لك قلت ايه وهو يعرفها عطووووووووووووووووووووول
قال خلاص لاتقولين لاحد السالفه قلت وانت لاتقول قال خلاص الله يستر علينا وعليها
بس مادري هذا الحل معها؟ ووبتوقف عند كذا ولا وش بتسوي ؟!
انا لولا انها بنت خالتي وبنت يعني سمعه وعرض كان مسحت فيهاا الارض من القهر لي فيني
بسسس جات منها من القريب

الحمدالله الحمدالله انه تفاهمنا ووعدني مايقول لاحد
بسس ماظن هي بتوقف وخايفه منها هي لعوووووووووووب حيل
يعني انتهت المشكله بكذا واسكرها ولا شلون
لانه منكم كثير نصحوني اكلمها واخانقها؟!

عسى الله لا يفرقكم

انتي متأكده انها تدري انها تكلم زوجج انتي !!

اذا اي كلميها قوليلها عيب عليج اللي تسوينه… ماحطت عينها الا على زوجج !!!

وقطعي علاقتج فيها بعد هالاشكال ماينفع تنزلين لمستواها

دقيقه خل استوعب السالفه

الاقااارب عقاارب وانا اختج انتي فشليهاا وواجهيهاا
وزوجج شكو ضاايفهاا !!!
الله لا يفرقكم يارب

الله يخليكم لبعض

بصرراحه شي محير اذا سكتي خوافج تزيد واذا تكلمتي خوافج تصير سالفه

الله يهديها حبيبتي هالمره طوفي السالفه ولكن اذا سوت شي بعدين قولي لأهلها وانتي غلطانه ليش ماسويتي كوبي للمحادثه عشان يكون لج دليل صيري ذكيه اذا يوم من الايام ضرتج كلميها وقوليلها المحادثه مسجله عندي خرعيها والله يهديها وونصيحتي الباب اللي إييك منه ريح إسحب عليه سيفون لوووووووووول اشرايج بالمثل تبعي خخخخخخ

تسلمين حبيبتي

اي تدري اصلا ايميل زوجي باسمه واسم ابوه فلان الفلااااني
يعني عيني عينك اكيد تدري
وهي قبل مايخطبني كانت تمدح فيه وتقول مزيون ويهبل وميته عليه
اكيد بقطع علاقتي اصلا علاقتي فيها مو حيل
بسس انا حشمتها عشان خالتي لانها زي امي
مو عشانها هي
نورتي حبوبه

الله يكمله بعقله و يخليه لك و لعيالك و يعمي عيون البنات عنه

اي والله وتوني اصدق
كان فيه كلام بظهر حسد اما توصل لهدرجه ماتوقعت
هي ضايفته مو هووو وهو اول ايميلها كان اسم اخوها الصغير
عمره 15 شكله هو مسوي لها الايميل وبعدين غيرته لاسمها
زوجي حسبها ولد وهي قامت تمصخهامعاه وتدلع
امين حبوبه تسلمين

امين حبوبه تسلمين
والله هذا لي احس فيه حيره بموووت
مادري اسكت لها ع الحركه البايخه والوقحه لي سوتها
او اتكلم واسوي سالفه وازعل خالتي واطلع ع بنتها سوالف
مهما كان عشان خالتي مو عشانها هي حسبي الله عليها

انا سويت كوبي للمحادثه افا عليك ماطافت علي بس المشكله انا ماحب المشاكل والفضايح
خصوصا هي بنت وبنت خالتي بعد ههههههههه فديتك اي والله يبون بقوه
يهبل المثل مثل راعيته

امين حبوبه بس انا لسى عروس لي 3شهور ماعندي عيال
بس ان شاء الله يصير عندي
امين ياربي نورتي يالغلا

الحمدلله انكم تصافيتو وطاح الحطب

والله لا يفرقكمّ