|
|
تعالوا مه كله ازرق شوفوا شنو صار
بنات انا عندى رفيجتى والنعم فيه بنت تبى تعيش بنت مكسوره ياربى شقول عنها البنت سنعه وايد تزوجت من 5 سنوات من واحد الله يهديه من تزوجت وهو يطقها لا والطق اللى يزرق يعنى يعطى الوان المهم امس دقت على قالتلى دزيلى السايق ابزورج المهم يت عندى والله يابنات انا قلت اكيد مسويه حادث جسمها كله ازرق قتلها ليش اشفيج قالت طاقنى ريلى قبل يومين واليوم بالغصب طلعت قتله ابطع عند رفيجتى طبعا اهى ماتروح الا حقى عشتو علشان اهله جيران اهلى يراعى العشره ولد الحلال المهم اهى عندها 2 اعيالها وماتبى اتحمل قاعده تاكل من وراه احبوب وهو راعى شقيق مخدرات كل شي قتلها ليش
شنو السبب هالمره جان تقول قتله البيت مافيه شي فاضي يبلنا طلبات البيت طبعا قام صارخ وقعد يهاوش انتى بس ادورين الفلوس والاكل اتقول انا ضحكت قتله اي انت صارلج من قبل رمضان بس يب الجيل وعقبها ماكو شي
المهم تقول طقنى طق سنه بساعه طبعا اهى المستشفى احفظوا ويها يقولولها سوي تقرير عند المحقق واحتفظى فيه علشان ماتدرين شنو يصير والبنت عندها فوق 15 تقرير المهم انتوا بتقولون وين اهلها طبعا الام مالها سلطه مكسوره والابو عندها البنت عند زوجها لى القبر تقول اروح اورى جسمى لبوي اقوله شوف يبا جسمى يقولها اكيد انتى غالطه عليه مع ان ابوهه يدرى بفعال ريلها بس يكابر الحمدالله والشكر المهم البنت ماعندها وظيفه والله يانات اهى ودها اتطلق حتى انا قتلها انا اساعدج رحنا اندورلها شقه والله يابنات محد راضي ايجر حق كوتيه ليش ياربى قلت حق زوجى عطها شقه من عندنا من بيتى خلها تسكن لى ماتعدل ضروفها ريلى عصب وقال لاددخلينى بمشاكل مع ريلها ريلها راعى سوابق يعنى باجر يقول متغيبه ويلاقيها عندنا يشتكى علينا بنات انا ودى اساعدها اشلون لاتقولون خليها تروح لبيت ابوها ولا تقولون خليها اتطلق اهى ودها بس وين تروح ياربى لاوظيفه ولا سياره ولا عمات عين تكسر الخاطر امس طول الليل ابجى على حالها اقول لو اهى عوبه جان قام حظها لاول ولاقوة الا بالله علمونى فيدونى جزاكم الله خير ابى حل منطقى شنو تسوي معاه
لا بعد ابوها يدري خووش ابووووووو شكله يبي الفكه من بنااته ماحب النوعيه
خل تطلب الطلاق منه
هاي انسان ظالم .. شلون يضرب المره .. بعدين الكويت عطت المرأه كل حقوقها .. خل تشتكي عليه وتاخذ حقها
شدعوه شمسويه علشان يضربها ضرب .. اذا تمت ساكته مب بس هي الي راح تتضرر عيالها مساكين راح ياكلونها .. لانهم بيكبرون وهم يشوفون هالاهانات والضرب الي قاعده تتعرض لها امهم
ماقول غير ربي يصبرها ويقويها .. ويحنن قلب ريلها عليها
الله يسخره لها ويهديه ويصبرها مسكينه
ليش صااابره لهدرجه عليه اذا ماراح ينعدل حاااااااله
تطلب الطلاق ويمشي لهـ معاش من الحكومه وتعيش مثل هالناااااااااس
شنو هذا الحيوان وين قاعد بأي عصر
صج عمى بعينه وكسر ايد ان شاء الله
والله مو كفو بنت الأوادم متحملة اسلوبه القذر
خل تطلق منه اشرف لها لا يتعقدون عيالها ويشاركونها الطق والاهانة
عســـى الله يهديه لها .. مادري احس حل مصيبتها صعب
ماكو اللا تدعي ربها وتخلي احد من اهل ريلها يتدخل خاصة اذا كان يمون عليه
خليهااا تكثر من الاستغفااار
لازم تتطلق منه
مصبح عليها بكف وممسي عليها بكف
لالا تتلطق احسن
وبعدين هذاا لازم محد يتزوجه
شنوو متعقد ولا مرييض
بس كافي اظن صبرت واهو مو راضي يتسنع؟
لي متى بظل على هالحال؟؟
واذا صار فيها شي لاسمح الله ولا تعوقت؟؟وين يروحون عيالها؟؟
حسبي الله ونعم الوكيل
عندها اهل وابوها حى ما مات
اوكى اواسيها بس ما اتدخل بينها وبين ريلها اهيا بالغه وعاقله وعندها اهل
ياما حريم يصير لهم اجود من حالها وتصبر
انتى دورج بس تدعين لها اذا صج تبين لها الخير
يعنى انتى ارحم عليها من ابوها وامها
لا تاخذج العواطف وتتدخلين بينها وبين ريلها
دام راضيه فيه ولى الحين قابله انها تعيش معاه
خلاص انتى مالج غير الدعاء لها
وليش تبين تسكنينها عندج بصراحه انا مستغربه والله طلع ريلج اعقل منج
لا تزعلين من كلامى
هذى مره وعلى ذمة ريال شكو تسكنينها تبين يتذابح مع ريلج زوجها اللى من ارباب السوابق
اهى خلاص خذت تقرير طبى ولا رفعت عليه دعوى ولا شى
شكو تتدخلين بحياتهم
لو هى اختج جان عذرتج بس وحده من اقصى الناس
حبيبتى البيوت اسرار وياما حريم يتعرضون لاكثر من هالشى ولا يتحجون
الله يعينها ويسخر لها ريلها مالها عندنا الا الدعاء
وانتى حبيبتى شكو تقولين لزوجج نحطها عندنا اولا مرة غريبة عن زوجج تبي تساعدينها عطيها فلوس اقنعى امها تساعدها بس مو تحطينها فى بيتج وهذي مره غريبة على زوجج ماتسمعين قصص ومشاكل البنات اللى رفيجاتهم خذوا ازواجهم ونصيحه منى لاتقولين لزوجج قصصها وشكثر مظلومه مع الوقت الزوج بيرحمها وحزتها بتطقين على راسج خلى زوجج برا الموضوع حتى لو سال عنها قولى ماعليها ولاتسولفيله عنها نهائيا
صح كلام فديت شوشو . حبيبتي خلي زوجك بعيد لايغرك الانكسار والمشاكل الي هي فيها .
اما بالنسبة لها ف هي غلطانة صابرة على شنو ؟ تروح تشتكي عليه ويقطونه بالسجن وترفع عليه كل القضايا الي تقدر ترفعها . يمكن هالسي فيه صلاح له هو لو انمسك عن خرابيطه . وتروح لبيت اهلها وتقول انا ماني طالعه من هنا وماعندي زوج خلاص.
الله يعينها ولا تيأس من رحمته سبحانه . الله يفرج همها