|
|
السلام عليكم
شلونكم وشخباااركم ياابنااات
سوووري بنااات على التاخيير بس اتعرفون اول ايام برمضان والتهيت حيييل اللله يكون بالعون
والف الف شكر لكل بنت ردة علي واثرت فيني ويعطيكم الف الف عاافيه لان جد خلتوني اخطي خطوه ان شاءالله اتكون خيره بحياااتي واتغير شي للافضل ان شاءالله
بذكركم بموضوعي على شاان معااي هذا الرابط
https://www.q8yat.net/showthread.php?t=667727
طبعا انا بعد مااستخرت وكنت جد تعبااانه نفسياا قررت اني ادق على وحده من بنات عمي اهي اصغر مني بالعمر بس انا هي الوحيده من بين بنات عمي ارتاح لها
طبعا انا لاحظت من ردود البنات في بعضهم قالو طرشي اخوج او امج طبعا انا اكبر اخواني عمره13 سنه .
اما امي مااحبت انها هي اللي اتكلم لان امي من النوع اللي كل شي عندهاا بالدنيا عيب وفشله وامي طبعها جدا حياااويه
والسبب الثاني اللي ماشجع امي انها اتكلم ام اللي بتزوجه ان شاءالله ان امه فيها طبع خاييس من النوع اتحب اتشمت يكفينا الشر والله يسامحهاا..
المهم اللي صاار,,
اني قررت بعد مااستخرت
اني ادق على اخته اللي قلتلكم اني ارتاح لها وفعلا دقيت عليها وقلت لها كل اللي بخاطري وكانت طول المكالمه اتقولي اي والله ماالومج والله يعينج يعني البنت معااي..بس قالت لي ترى يافلاانه احنا مالنا شغل هو اللي كل ماقلنا له قال قال انطرو شووي ,,
عاد هي قالت لي شوفي يا فلانه ترى انا بقوله انج دقيتي وقلتيلي كل هالكلام اوكي ,,قلت لها انااا اي قولي له لان لكل شي نهايه ولمتى بنطر بعد انا ..
المهم واللي انا انصدمت منه !!!!!!!!!!
انها دقت علي بعدها اليوم الثاني وقالت لي انا يا فلانه قلت لاخوي كل كلامج
وقالي اخوي قولي لها ترى محد له دخل او له ايد بالموضوع وهو من كيفه اللي يحدد العرس واذا عندج كلام دقي عليه وقولي له اللي عندج وعطتني رقمه هو طبعا قايلها عطيها رقمي …
طبعا انا لي يومين منصدمه على متضايقه مشاااعر متداخله
ماني عارفه شتصرف؟؟
شرايكم
وبسس حدي تعبت من التفكيير؟؟؟
اتمنى تنصحوني كاخت..
ادق ولا لا؟؟
و بعدين مو عيب ولا حرام هذا ريلج مالج عليج يعني زوجج على سنة الله ورسوله .. كلميه و تفاهمي معاه دام الموضوع بإيده
و اهو ماقال هالحجي الا يبي يتفاهم معاج انتي مايبيج تتفاهمين مع غيره بموضوع خاص فيكم ..
والله يوفقكم وايسر اموركم
طبعا خواتي ايقولون لاتدقين دزي له مسسج وكتبي كل اللي بخاطرج فيه
وآآمي الله يحفظها اتقول لاتدقين ولا اتدزين مسج وعزي نفسج
وآآنا اقول لمتىىىىىىىىىىىىى
ابوج ليش ما يتكلم ؟
مآبي اضيق خلقج بس مآ ايد الخطوه الي سويتيها ..
يعني لو مخليه امج تكلم احسن .. حتى لو طبعها حياويه ..
بالعكس مافيها شي .. الحين يمكن يلاقون سبب يتكلمون فيه ..
عسى الله يفرجها عليج ..
شنو 4 سنين معلقج
انا اقول دقي عليه وواجهيه قوليله يابن الناس تبيني ولا لا؟؟
اخاف مغصوب على الزواج ومايصير جذي
وشوفي شنو حجته؟؟بس ما اعتقد في سبب يأجل الزواج هالكثر يعني حتى لو يدرس يمديه خلص دراسته…
انزين أهلج راضين على هالوضع؟؟؟
بصراحة زوجج غير شكل اعرف الرياييل يتمنون تقصر وقت الملجة وهذا ناقعج ومنطرج على شنو؟؟؟
وعسى ربي يوفقج
والله يكتبلج الخير يارب
وانا من قبل لا اقراها وانا مو مأيده انج تدقين
وبصراحه عقب ماقريت ارفضها رفضا قاطع …>> اشتطيت حدي
تدرين ليش لانه اتوقع انه هذا اللي يبيه من البدايه انج انتي اللي تجين وتقوليله يلا متى نتزوج لانج بالبدايه رفضيته
مسكين يبي يرد اعتباره
وبعدين يامعوده خليه لا تقطين نفسج عليه
واهم شي انج ملجتي وضمنتي نفسج عيشي حياتج ولاحقه عالزواج ..> يازين العزوبيه بس
بس شوفي كلش كلش اذا انتي شايفه ان السالفه مصخت … > واهي فعلا مصخت خصوصا اذا كنتي كبيره
خلي احد من خوالج ولا عمامج يروحون يعرفون مصيرج لي متى يعني ومتى ناوي يحدد العرس لازم لازم يعطيهم كلمه وانتي تعرفين اللي لج واللي عليج
وعفيه طمنيني عنج
لا اثقلي ودامج قلتي لاخته اكيد درا انج متضاايقه والله يووفق
وخلي الرياجيييل أهم اللي يتفاهمون
ان جذي مابصبر
|
المشاركة الأصلية كتبت بواسطة ياحلااتي
 وآآمي الله يحفظها اتقول لاتدقين ولا اتدزين مسج وعزي نفسج
وآآنا اقول لمتىىىىىىىىىىىىى |
تعزين نفسج وأنتى معلقه ماتعرفين شنو مصيرج ؟
اى عز اى بطيخ>>>>>>>>>معصبه حدى
لاحبوبه دقى وأتفاهمى معاه وشوفى مايته وشيبى
ترى العمر يركض والسنين تمر خلصى الموضوع وشوفى شالى يخليه يأجل
وخل يحدد لج مده يايصير ريال ويسوى العرس يايفتح الله
والله يهديه لج ويكتب لج الى فيه الخير