بنات شوفو زوجي شسوى فيني قبل العرس ): ابي اتطلق

بسم الله الرحمن الرحيم

بنات انا حدي منقهره وابي حل حق الدقره اللي سواها فيني زوجي وللاسف للحين ماصار العرس وانا متضاااااايقه حيل
من حركته وافكر اتطلق منه مع اني للحين مادخلت عليه وعرسي بعد جم شهر بس بط جببببدي بحركته البايخه

اقولكم باختصار انا توني مملجه من شهرين وعرسي بعد 5 شهور وزواجي تقليدي يعني ماشافني كلشش . بس انا شفته
مره وحده وانا بحسن نية وعلى ابو اني اكلمه واتعرف عليه قبل العرس خذيت رقمه من اخته ودقيت عليه كنت بسلم عليه ببارك له بالشهر وبساله عن شغله بسويها بس للاسف والصدمه اني تفاجأت من رده علي واحترييييت حيل من رده الماصخ تخيلو بنات انا زوجته وداقه عليه بسلم وبسولف وياه مع العلم اهو يصير لنا من بعيد يسوي فيني جذي
تخيلو اول ما دقيت عليه توني قلت السلام عليكم فلان جان يقول هلا نعم قلت فلان انا فلانه زوجتك جان يرد شنووووووو انا بحسن نية عبالي ماسمع قلت فلانه فلانه زوجتك جان يقول وانتي شحقه دااقه الحين ومنو سمح لج تدقين شنو قلة الحيا هذي استحي على وجهج واقسم بالله منيه ليوم العرس ان شفت رقمج بجهازي لافصخ الملجه واطلقج قبل ليلة عرسج فاهمه ولا لأ جان يسده بوجهي .
والله من يومها وانا كله بجي ودموعي على خدي وكرهته كرررررررررررهته خلاص مابييييه عوووع فوق ما انه سحت وجيكر بعد نفسية وشايف نفسه يحمد ربه قابله فيه والله العظيم اني من يومها وانا طاقتني الغلقه والضيقه واحس صدري بينفجر من الهم وانا الحين افكر اطلب الطلاق وودي افاتح امي بالموضوع بس قلت اخذ رايكم بنات
انتو شتقولون اطلب الطلاق ولالأ وشلون اواصل مع شخص بالنوعيه هذي مايقدر ولا يحشم هذا وانا للحين ما صرت ابيته يسوي فيني جذي عيل شلون لو ينصك علينا باب واحد اتوقع ياكلني واذا هذا اوله ينعاف تاليه الصراحه وابي رايكم بنات ترى حدددي محتاره ومتضايقه ):

انتي الغلطانه المفروض مادقين دام اهو ماطلب يمكن هالشي يطيحج ممن عينه ومايحب هالسوالف حتى لوانج زوجته

اممممممم والله مادري ..

بس انت اللي سويتيه غلط ..

المفروض الرجال اللي يطلب رقمج ويدق عليج ..

امااا انت بصراحه جريئه حييييل بتصرفج هذا ,, ولا حتى الشوفه الشرعيه ما شفتيه ,, تالي اتدقين عليه ..

عسىى الله يهديج ويهديه لج يا رب ..

الحمدالله والشكر ليش جذي مرته انتي بس يمكن اهو سوا جذي عشان انتوا مايصير عندكم تحاجون بعض

حبيبتي انتي تعرفين نوعية اهلج واهله

اذا رؤية شرعية ماصار ولاطلعات بملجة ولاشي

اشلون تدقين عليه وانتوا هذي عاداتكم !!

جان جسيتي النبض على الاقل من اخته او حتى بمسج

ريلج ردة فعله وايد مالغ فيهاااا بس خلاص عادي هونينها وتهون

لاتدقين عليه كلش والله يوفقج

بس طلاق لأ السالفة ماتسوى

امبي هذا شفيه ؟؟ قطيعه شالتخلللللللف خو انتي مرته مو غريبه عليييه حتى لو زواج تقليدي واذا مايبي يكلمج في اسلوب ارقى من جذي بوواااايد هذا من اولها جذي ينعاف تاليها

والله مادري شقولج بس قولي حق امج السالفه وعن اسلوبه الوصخ معاج هذا اذا سكنتو ابيت واحد شنو بسوي بالله

اي انتي غلطآنه المفروض ماتاخذين رقمه بس هم اهو غلطآن بعد , عيب يكلمج جذي وبهالاسلوب الخايس كان يقدر عقب مايخلص من المكالمه يدز لج مسج يقولج يا فلانه ماله داعي نتواصل الحين او اي شي .. وانتي استخيري دام للحينج على البر , اذا ارتحتي عقب صلاتج كملي وياه وسنعيه على ايدج واذا لا مو مرتاحه طااف اللي خلقه خلق غيره

انتي بعد وين متصله عليه مفرروض اهو اللي يطلب ممكن تطيحين من عينه حتى لو زوجته لانه الريال مايحب البنت اللي تقط نفسها عليه وادري انج مرته بس تختلف النظره عندهم لانه مو اهو اللي اتصل لا انتي وهالشي صدمه لانج جريئه حتى لو انج مرته
يعني بالعقل لاشافج ولاطلعتي ويااه ويايه باره مبرده متصله عليه حدج قووويه

مالومه !!
شهالقافة والطفاقة !! العن ابو الفشلة صدق!!
الولد أثقل منك ؟؟
أنتي رايحة اتدقين عليه ؟ وشالعذر تاخذين رايه بشغلة !
الله يالهوالة !
هو لو يبي يكلمك كان دق عليك !!
أكيد إنصدم !!
داقه عليه وتقولين انا فلانة زوجتك !! ياسعده ياهناه !!
أصلا أتحداك إذا نسى حركتك وجرأتك !!
ألحين صار سحت وجيكر وعووووع !! أجل ليه ماخذه رقمه اتدقين عليه ؟؟
يوم طلع رجال وتكانة وثقيل صار جيكر وعووووع !!
استغفرالله !

انا الي اشوفه انتي مو غلطانه ولا شي امبي الحمد الله والشكر صج مو صاحي

وانا اتفق من الاخت قولي حق امج لان من اولتها اسلوبه زفر باجر شلون تعيشين معاه

استغفر الله

حياتي هذا زواج انصحج انج تقعدين معاه جدام احد من اهلج وتكلمينه وتعرفون بعض اكثر احسن لج

ترى باجر ان تسكر عليكم باب مارح يفيدج غير الندم ..

يمكن عاداتكم وتقاليدكم ماتسمح حق المرة تتصل الا بعد ماتتزوج
عجيبه صراحه ……….

امبيه قص ويهج شتسوى عليج هالشفاحه ؟؟
احنا الي عادي عندنا الرؤيا الشرعيه وعادي نكلم بعض بالتلفون عيب الوحده تاخذ رقم الريال وتدق عليه ..
لا واذا دق اهو عليها ماترد من اول مره من الحيا .. انا والله كانو يترجون عشان ارد على مكالماته ميته من الحيا وانتي داقه تباركين ؟؟
يعني باجر بيدخل عليج بتقولينله يلا جاهزه تعال ..؟؟
الصراحه حركتج تفشل وايد وايد وايد حتى لو زوجج مفروض البنت تكون ثقيله الريال اهو اللي يطلب يكلمها مو انتي رايحه تدقين ؟؟
اهو ماشافج من الاساس فماله معنى تدقين واهو ماطلب هالشي .. حتى لو زوجته الحيا مطلوب ..
واهو بعد اسلوبه وقح المفروض مايحرجج ويوصلج المعلومه بصوره اذرب من جذي ..
يعني اثنينكم مادري اشلون الصراحه

امبيييييييييييييييييييييييييييييييه حدددددددددددددددددددج غلطااانه المفروض تستحين امبيه صج فشللللللللله

الحمدلله والشكر زوجته وحلاله شنو هذا من صجه ويع