|
انا ماني عارفه شلون ابتدي الموضوع بس تكفون مابي غير نصايح مابي احباطات وتجريح انا ابي اتوب ولكم كل الأجر بمساعدتكم لي وكلامكم علي راسي
قصتي
كلمت واحد بالبدايه قالي مطلق وكلمته مده سنه ونص وحبيته وكنت اطلع معاه واشوفه واحبه حيل بس بعد السنه ونص حسيت انه مشغول دايم قلت له انت على ذمتك مرا وحلفته واعترف انه مومطلق متزوج وعنده عيال حسيت الدنيا ادور فيني قلت ليش خدعتني وغشيتني قالي خفت تخليني وتروحين عني قاطعته فتره بس ماقدرت رجعت له وفهمت منه انه اهو مابينه وبين زوجته أي شي ونفس الصده بينهم يعني مايقرب صوبها ماقدرت اخليه اهو حب عمي او الشيطان او الفراغ مادري بس كملت وياه وكل بين فتره وفتره احس بالذنب وانه متزوج واقوله بخليك خلاص مابيني وبينك شي يربطنه حتى لو تتقدم لي متزوج وكوكش يهال عندك وانا بنت اهلي يرفضون
بس كملت وياه وكل يوم يزداد حبي له
بس اللي صار من قبل اسبوع دزيت له مسج بالليل بمحتواه( قاعد حبيبي) اهي شافت المسج وتهاوشت وياه وقالها بالغلط بس ماصدقت لانه مسيف رقمي بأسم رجل من يومها حست كرهته انهرت وقلت انا اهدم بيتكم انا لو احط نفسي مكانها مارضاها اكيد قلبها محترق واتفكر حسيت بذنب موطبيعي خليته يومين بعدين اتصلت والله ماسئلت عنه سئلت عنها شلونها وشلون نفسيتها ومنقهره كل زوجه ومن حقها احس بسببي بس انا بخليه بتوب لربي مابي ازيد الحطب نار كافي بس لى متى ابي اتوب ابي يهدي ويرجع ويفكر لبيته يمكن لما اكون انا موجوده يقول في بديل بس لما اخلي لهم الطريح يمكن ينصلحون وهذا انا اموت فيه واحبه بس ابي الخير ماحب الشر وابي دعائكم ونصايحكم لي ماني قايله نفس معظم البنات شلون انسى حبه لاء لاوالله بس شلون اشغل نفسي وألهيها بالخير والطاعات وادري يالمتزوجات اللي يعانون من هالشي ويشكون ويكتبون بنات ابليس ادري بتحقدون علي بس تكفون مابي ربي يواريني ويعاجبني بس ادعولي بتوبتي وربي يرزقني زوج صالح مابي تجريح انا ندمت واعترفت اوقفوا يمي ارجوكم ماعندي احد اقوله اللي بقلبي غير الله وانتوا اتهقون ربي يشفعلي
شكرا لكم
ميخالف اعتبري هالموقف اختبار من الله
الحمدلله ضميرج صاحي اكو غيرج وايد يدرون متزوج ويلزقون ويخربون حياته
بس انتي ان شاء الله فيج الخير والله يرزقج الزوج الصالح يارب وماتذوقين الخيانه
تحياتي ياحياتي
وشريحتك غيريها لان الشيطان شاطر
اكيد راح تجيك ايام ودك خلاص ترجعين له بس تذكري المسكينه ودعاويها ودعوه المظلوم مستجابه
اكثري من الاستغفار وكل ماجت سيرته على بالك اقطعيها بالاستغفار وربي يزقك الزوج الصــآلح
وادعي ربي يصرفه عنك ويشيل حبه من قلبك قولي يارب لاتعلق قلبي إلا بك
لاحول ولاقوه إلا بالله العلي العظيم…يارب فرجها على وعلى جميع المسلمين
قطعي علاقتج فيه ع قولتج متزوج وعنده عيال شتبين فيه واذا العلاقة مو نهايتها زواج ما لها داعي
واستغفري ربج وادعي الله يرزقج بالزوج الصالح
ومهما حاول يرد العلاقة لا تعطينة ويه بالمره
اهو انسان لعوب وما يراعي شعور احد
ولا ترخصين بعمرج منتي اقل من غيرج لقب عشيقة لقب رخيص ما يلوق بوحده تراعي كرامتها وشرف عايلتها
والله يهديج ,,,,,
وفي معظم البنات يغلطووون يعني بـأذن الله مافي وحده من البنااات ررااح تجرحج وانشاءالله محد راح يغلط عليج الهم انج وعيتي وعرفتي ان هالشي غلط اذا كاان متزوج او لأأأأ
اشغلي نفسج بكثر الاستغفااار طلعي مع خواتج انسي شي اسمه حب تذكر حبج الوحيد اهو انشاءالله زوجج فكري بنفسج لاتقولين احب لا قولي من الفرااغ اللي عندي يمكن تمسكت فيه وخليه اهو لحياته كفايه اهو جذب عليج ماقالج انه متزوج يعني يبي مصلحته وصدقيني لو يحبج جاان اعترف لمرته صح وقال الشرع محلل لي اربع بس انتي بنت ومن حقج يكون لج زوج لج بروووحج
وانا وربي حااسه فيج واللي بقلبج بس دوسي ع قلبج وفكري الحين شلوون تقضين وقتج خصوصا رمضاان مجبل عليناااااا
صلي السنن مع الفرض اقري قرأن سبحي حاولي انج ما تفكرين فيه
وانشاءالله ربي يشفع لج وان الله غفور رحيم يغفر لعبده والحمدلله انتي اعترفتي وتبين تتوبين لله
وانشاءالله الله يرزقج بالرجل الصالح اللي يخاف ربه
واسمحيلي ع الاطااله
ولاتخربين بيته تذكري انك لو استمريتي تكلمينه ان الدنيا دواره وكماتدين تدان ولو تزوجتي بعدين ماابغى اتفاول عليك بيحطك ربي بموقفها
لما تتذكرين هالكلام انشاءالله ماراح تكلمينه وغيري رقمك ورقمك الي يعرفه اكسري الشريحه وافتكي والله يهديك يارب
واذا تبين شي يلهيج ارجعي لربج تقربيله بالعبادات بالدعاء بالصدقه تصدقي وادعي ان الله يبعدج عن هالطريج والله يرزقج على قد نيتج
لا حول ولا قوة ال بالله
اختي انتي بالبدايه غلطتي واذنبتي لانج كلمتي رجل غريب عنج ولاااا بعد متزوج يعني اخذتي ذنب زوجته وعياله
الحمدلله الي جا اليوم الي ضميرج فيه صحى !!
لكن اختي انتي الحين لاازم تقطعين علاقتج فيه نهائيا والحمدلله الي ربج ستر عليج غيري خطج تقربي من ربج استغفري بكل دقيقه
وزوجته اكييييييييييد مقهووووووره ومحترررررره بس انتي الحين لا عاد تاخذين دور المصلح الاجتماعي >> لا تكلمين زوجها خلاااااص
خلي هالشي الي صاااااار درس لج وله
وعسى الله يتقبل توبتج ..
المهم انج صحيتي وهذا الاهم غيري رقمج وعاهدي الله انج ما تردين لهالطريج
وادعي بصلاتج وانتي ساجده ان الله يعينج ويثبتج
وصدقيني اهم ما على الوحده كرامتها وعزتها ان ما حفظتي قدر نفسج محد بيحفظها لج
وكل ما حنيتي تذكرى ملك الموت ممكن يجي باي لحظه هالشعور راح يخليج تزهدين الدنيا
وتبين بس رضا ربج ورحمته
واشغلي نفسج باشياء مفيده اوصلي رحمج قعدي مع امج وابوج وبريهم
والزمي الاستغفار
والله يستر على بنات المسلمين جميعا
اكره المتزوج اللي يغازل اكره البنت اللي تحاجي سواء متزوج او لا ليش تكلمين ماتدرين ان هذا زنا خفتي على بيته ماخفتي من ربج اعذريني على اسلوبي بس ما راح اجاملج بالدين اللي سويتيه حرااااااااااااااااااااام لازم تتوبين توبه نصوحه يعني تقلعين عن الذنب مع الايقان فيه والاعتراف فيه والندم الشديد عليه وان شاء الله ربي يقبل توبتج يا اختي الدنيا اختبار ماتسوى نخسرها بسبة نزوات شيطان طيعيني يا اختي اقري القرآن بترتاحين والله بترتاحين والجلب حشاج وحشا القراء خليه يولي مالت عليه
اختي اول شى تسوينه بعد التوبة تغيرينه رقمك ولا تحاولين تتصلين علية مهماا اشتقتيله واهم شى صلاة الليل واكثري من الاستغفار وادعي ربك يعوضك بأحسن منه بالحلال واللة يستر عليك ويهديك ياااارب