بروح تايلند شهر عسل وينكم ياأهل الخبرة ؟

اهلا بناااااااات كنا بنروح ماليزيا شهر عسل بس غيرنا لبانكوك و بوكت …اول مرة اروح ! الي راحت تقولي عن خبرتها بلييز و الاماكن و السوق يقولون سوقهم يونس

ماكو وقت على السفرة و جزاكم الله الف خير و بانتظاركم يا حلويييييييييييييييين

مارحت وعليج بالعافيه مقدما

مارحت إن شاء الله البنات يفيدونج

وزواج سعيد وسفرة موفقة وربي يهنيكم

هلا حبوبة . .

عاد خوووش اختيار

انا رحت بشهر العسل ومن عقبها كل سنة نروح لأن جد تايلند روووعة بيصيير فيكم ادمان عليها اذا فريتوها عدل

شوفي بالنسبة لبانكوك لاتقعدون فيها اكثر من 3 ايام .. لأن اغلبها مجمعات وفي رحلة السفاري حللوة لاتطوفكم

وبالنسبة للمجمعات عندج مجمع سيام اللي فيه الاكوراريوم حلو بعد دشوله .. ومجمع طوكيو و أم بي كي روووعة كل شي يخطر في بالج موجود

وبالنسبة لبوكيت .. قعدو في منطقة باتونغ بيتش patong beach وانصحج بفندق ميلينيوم امبي خياااااالي ورمنسي وسعره رخيص اهو 5نجوم .. وعلى السوق علطووول
اذا تبين دشي موقع asia rooms او booking وشوفي صوره وايد حلو وهادي

وفيه مجمع اسمه gyyncylon في بوكيت صاير لزق الفندق اللي قتلج عنه وايد حلو هالمجمع ومحلاته كله فناتك وفوق فيه سينما وفيه طابق بس للالكترونيات وبولينغ والعاب …
وبره المجمع في سكوير مطاعم يعني مكدونلز وبيتزا وستاربكس .. ماكنا ناكل الا من ستاربكس كنا نشرب قهوتهم بعد ماكنا ناكل لوول كنا ماخذين من هني صمون الفيصل وهالسوالف خخخخ

وعندج رحلات بوكيت لاتطوفييييييييييينها . .

بكل فندق في كشك صغير مكتب سياحة ورحلات رح يطلعولج كتيب فيه كل الرحلات عاد انتو طبو وتخيرو .. واذا بتختارون رحلة بحرية روحو بالقارب السريع مع انه اغلى بس احلى واووووونس

واحلى رحلة اللي فيها رحلة حق جزيرة racha island هالجزيرة هاادية وبحرها كرستال من النظافة وفي من ظمن هالرحلة snorkeling ويخلونج توكلين السمج
بس صج عجيييبة وزوجج رح يستانس حيل على هالرحلة

وفي شغلة بعد .. اذا تحبون سوالف البانشيات وجذي عندج رحلة الـ ATV روعة لاتطوفونها اذكر صج ظحكنا انا وريلي حيل لأن انا بس كنت اصارخ بالبانشي اول مرة بحياتي اركبه ويدخلونج بغابة صغيرة وتلبسين خوذة فكانت تجربة روعة والله ..

ووووو ادري طولت عليج .. بس عندي جم نصيحة

بالنسبة للسوق والتكاسي ديرو بالكم لحد ينصب عليكم .. اي شي يقولوكم قوليلهم نص السعر حتى لو ظحكو عليكم مالج شغل تراهم عيارين وبس يبون يربحون من وراكم . .

واذا رحتو بوكيت جربو التك تك ترا يونس .. بس جربوه بالليل عشان الجو لاتخيسون بعدين لوول ..

واذا تعشيتو وخلصتو نصيحة بعد 10بالليل لاتتمشون لأن تنترس البارات والمناظر البشعة .. روحو الفندق ريحو ولا شبكو عالنت او روحو سبا خل يدلكون ريولكم foot massage صج يريييييييييييح وعجيب ..

كنت اطلب حقي حرمه وحق زوجي واحد يدلكه واحنا قاعدين عالكرسي ونطيحله سوالف واحنا متخدرين جنه سكارى لووول الا احنا واصلين الفندق دايخين بس نبي ننام

ونصيحة ثانية .. اذا انتي متحجبة اخذيلج المايوه الاسلامي من النصر .. انا عندي 2 اخذهم معاي بكل سفرة ..
وكنت البسهم اذا رحنا الرحلات البحرية وعادي لايهمج احد خليج واثقة من روحج .. بتشوفين وايد مايوهات بس عادي طاااف
اصلا قبل كنت استحي بس بعدين قلت بالطقاااق بالعكس لما نركب اليخت كنت اطقها سوالف مع الجروب اللي معانا ويصير الجو يونس ومنها تتعرفين على اوادم وتخلينهم يصورونكم لوول

وحتى هالمايوه بيفيدج اذا ودج تدشين مسبح الفندق ..

وووو هذا اللي عندي ادري قرقت عليج وايد بس حبيت افيدج ياقلبي

حياتي الله يوفقج ان شاء الله و يهديلج ريلج و يبارك فيكم يارب العالمين

انا ما اعرف شي عن تايلند

بس نصيحه انا قبل شفن بموقع بوكنج دوت كوم فنادق في بوكت
نظام فلل و حمام سباحه و جاكوزي و مو غالي بحدود الليله50 دينار
فنصيحه دام انكم معاريس احجزوا فيلا تكون فيها خصوصيه و وناسه لكم
لاتحجزين فندق عادي و غرفه عاديه حرام ما تسوى بعدين انتي عروسه
تدلعي اشوي اهناك

الله يوفقكم و يسعدكم يااااااااااااااااارب

انا اقول ان البنات في السياحه و السفر يفيدونج او اقري تقاريرهم اهناك واايد حلوه

عسى الله يهنيكم

الله يوفقج يا رب

وما رحت لها

ان شاء الله البنات يفيدوووونج

لا يطوووفج الفنتازيا وورلد ببوكيت اللي تروووح بوكيت وماتروحله غلطااااااااانه
وعندي بيبي ايلاااند تهبل روووووووووووووعه

هلا اختي مثل ماقالو البنات عن المجمعات والرحلات

بالنسبه لي لو اموت ماروح بعد وصااااخه ارف خلي الطبيعه على صووب صج جبال وجو مره حر ومره عادي ومره رطووبه حر موت ومطر بس سبحان الله ماااعجبتني وكل الي كتبو عنه البنات عن المجمعات وغيره رحت له بس وصخه شوارعهم وريحتهم اوف ارف اذا عن الطبيعه روحي لبنان وغيره طبعا انتي حجزتي اقصد كل وحده تقول طبيعه في دول احلى منها بالطبيعه انا سكنت في بوكت فندق اسمه اسبيرو حلوووو ونظيف

حياااااااااتي مااا تقصرين والله بعد عمري انا اول مره اروحلها بس زوجي وايد رايح لها فيعرفلها عدل بس قلت اسألكم عن السوووووق لوول اي بسوي مساج و ودي بمساج السمج يقولون روعه و انا مو متحجبه بتسبح و قالي شورت و تي شيرت ما كو مايو بس اذا لقيت مكان خاص برايفت بنحجز اي بانكوك بس 3 ايام و بوكت بنطول فيها و فندقنا على البحر انا احب البحر و نويه اتنقع فيه جني ربيانه و ارد لكويت سوده من التان حياتي والله تسلمين جزاج الله الف خير ما قصرتي على النصايح لا خلا و لا عدم انشالله و هذي بوسه لج تسلمين و يا حلو قرقتج والله لوووووووول

مشكوريييييين بنات ما قصرتوا والله يعطيكم الف عافية و انشالله بستفيد من نصايحكم

حبيبتي والله شسوي انا مع اهلي كلا نروح اوروبا ملييييت فيها جمود بس قلت نغيير و احس شرق اسيا تونس وايد ناس يروحون لها شهر عسل و اكيد زوجي بوديني اماكن نظيفه و بليل ننخش بلفندق نروح سبا و لا نقعد بلبلكونه

انا اخر سفراتي كرهت اوروبا ما يعاملون خواتي عدل لانهم متحجبات بس انا مو متحجبه بس احتر على خواتي … عموما مشكوره يالغالية ما تقصرين

والله ما عندي فكرة
بس تبارك الرحمن عسى دووم مستانسه

أحلى مكان رحتله بتايلاند بشهر العسل كانت جزيرة سموي وناااااسه وكان وقتها براس السنة صج صج ونااااسه
جزيرة صغيره وكنا نأجر جيب صغير ونفتر بالجزيرة كلها ومرات ياخذ ريلي سيكل وانا وراه قزززز هههههه
والله أيام حلوه .. قعدنا في فندق اسمه اذا ما خاب ظني شي buddy وايد حلو ..
وقعدنا تقريبا 8 أيام كانت أحلى الأيام .. لا يطوفج عصير الرقي إلى عالبحر والذره المشويه خطيرررره
وبعدين رحنا بوكيت وقعدنا بفندق اسمه maleisa ماليسا عباره عن شاليه صغير وداخله حوض سباحه يننننننن ومطبخ
اذا بتعيشين صج سكني فيه هههه وايد حلو وعندج في البوكيت شارع باتونغ بيتش تمشين على طوله شوبينغ وهالسوالف وكافيهات ومطاعم على البحر ..
تقريبا قعدنا 5 أيام وهم هناك اجرنا سيكل وقززززز عالبحر
ماليزيا انا ما حبيتها كلللللش ديره تخرع صراحه وشعبها وصخ ويخرعون مالهم أمان .. اذكر كنت قاعده مع ريلي بكافيه ولا اييله واحد اشكره يقوله تبي حشيش !!!! أنا بعدها حطيت X على ماليزيا…
روحي تايلاند شعبهم وايد طيبين وحبوبين وأمان ..
وانشاءالله الله يوفقج وتستانسين بشهر العسسسسل

حياتي مشكورة على المعلومات و النصايح انشالله بستانس في بوكت انا متشوقه لها واايد بس ماليزيا يقولون طبيعتها خيااااااال مادري والله يمكن اروح لها بعدين لوووووووول اهم شي السيكل يحليلج شكلي بقلدج عاد انا مو متحجبه فبجرب كل شي عاادي مشكورة يالغالية

عجيبه خوش اختيار انا كل صيف هناك وهالصيف بروحلها مع ريلي طبعا بوكيت لو شنو ماتملين كلها رحلات جزر وتجديف وغوص بس بانكوك بس حدج 3 ايام سوق وبس لانها وصخه و تقمت وانشالله تعجبج وتستانسين