صج اللولب يقلل من اللي .ولا حالتي النفسية واصلة أقصاها؟

السلام عليكم و رحمة الله وبركاته

اللي ما يدري شسالفتي أقولها باختصار
طحت على ريلي يكلم حالي حال خلق الله رب لك الحمدو الشكر

و من حزتها و أنا كارهته بس بنفس الوقت أحبه أبيه و ما أبيه
عايشة حالة شك و ما ادري امسك ارضي ولا لي طحت عليه مرة ثانية اطلب الطلاق
يعني يا جماعة كرامتي انمسحت بالأرض و انداست و أحس روحي ما أسوى بيزة

و انا لي منه عيال فركبت لولب هرموني على اساس ما اتدبس فيه أكثر من جذي
و ابي اهتم بعمري توني صغيرة و ابي استمتع بحياتي ما راح اعيش طول عمري مصنع تفريخ

سوري الحين بدش بالعميق غمضو عيونكم

المهم صايرة مالي خلق اللي شسمه اللي شسمونة
و هو مسكين يحاول يشغلني يعني اشتغل بس مو مثل قبل
و الباجي يصير تمثيل
شخصيا مو قاعدة استمتع
و طول الوقت اقول ايي لأن لي الحين شايلة بخاطري عليه

بس ذاك اليوم و انا ادور بالنت عن اللولب ولا أقرا ان في بنات يحوشهم مثل برود
عقب ما يركبون اللولب

صج عاد !! في احد عنده خبر عن هالموضوع؟؟

تستمر الحالة طول الخمس سنين من تركيب اللولب
ولا بس اول 3 شهور على ما ينظف الرحم

ولي شلته هالحالة بتستمر ؟ ولا برد مثل أول

انزين في حل ؟ حبوب ولا شي تردني مثل أول

لأن بصراحة مستعدة أضحي بهالشي ولا أييب منه عيال بعد
و بنفس الوقت ما ودي أقصر بحق عمري، لأني قررت أعيش لنفسي

لا تقولون لي استخدمي العد ولا العزل لأن حملت منهم
ولا تقولون لي اخذي حبوب لأنها تسبب لي حالة نفسية و اكتئاب

بالله ما أعيش حياتي يعني

مساء الخير يااااقمر
هذولا الرجال مو عاجبهم عجب لو تولعين من اناملك شموع ينكروووووووون المعروف
وأنا مركبة لولب من 3 سنوات عادي مو هرموني بس الحمدلله تمام التمام
بس البرود اللي فيك لانك لسى شايله بقلبك عليه
كلنا اذا زعلنا منهم يصيبنا برود فترة ويروح
الله يعينك ويفرج همك
باااااااي

ما جربت اللولب بس من اللي اعرفه وسمعته من تجربه خاتي ورفيقاتي انه ما يسبب برود بس زياده وقت الدورة ورطوبه في بعض الحالات

البرود اللي تعانين منه مو من تركيب اللولب الا من الموقف اللي صدمش فيه زوجش وخيانته لش وصدمتش فيه

الله يهداه ويسخره لش حبيبتي

و الله انا شاكة ان السبب قلبي
احس اللولب لاعب بهرموناتي

لأن مثل ما تقولي كل شي له وقته
ووقت اللي شسمونه مشاعري أحطها على جنب شوي
بس صج جسمي ما فيه احساس
!!

و الله ما ادري

والله مااعتقد انه اييب برود جان كل الحريم ماركبوه بس هذي حالتج النفسيه من الي شفتيه الله يعينج تنسد نفسج اكيد تقعدين تفكرين شنو صار شنو سوه معاها كله ياثر

أنفاسي دخون

اللولب اللي تقولين عنه لولب عادي هو اللي يطول الدورة

أما اللولب الهرموني أو المارينا غير .. بالعكس يقصرها

بس أول 3 شهور من التركيب تحوشج استحاضة

ريماس

من ناحية منسدة نفسي صج حيل حيل شايلة بخاطري و متعقدة من الرياييل كلهم

بس انا يوم قريت بالنت عن البنات اللي قلت رغبتهم استوعبت حالتي و شكيت باللولب

بس تدرين النت حجي وايد
قلت يمكن ألقى عندكم اللي ينورني بهالموضوع

الله يعينج
ماعندي خبره باللولب
بس شكل البرود من حالتج النفسيه
النفسيه تلعب دوووووووور كبير
الله يصبرج

لا مو من اللولب بس أكيد ماراح تشتهينه لأن خانج
وأي وحده مكانج راح تسوي مثلج و أكثر بعد
الله يعينج

اللولب مايسوي برود بس انتي عشانج شايله عليه لانه يكلم ما الومج بس خلاص طوفي وعطيه الثقه واعتبريها زله منه ترا يمكن اهو ما يبي يسوي علاقه بس بنات ابليس منو يقدر عليهم يقطون نفسهم قط وتورط وهو مو قاصد الشيطان شاطر
خليج ريلاكس وانسي وعيشي حياتج الله يهديه لج

والله مالي في اللولب عشان كذا ما اهتم لما يقولون لي عنه بس اللي اعرفه انه يطول الدورة

لا مااتوقع من اللولب

بس يمكن علشان نفسيتج تعباانة من اللي صااار

ربي يهديه لج ومايشوف أحد غيرج ياااارب

امبلا اللولب الهرموني حاله حال الحبوب يسبب برود عادي

مااعتقد حبيبتي انا مركبته لي خمس سنين والحمدالله اموري تمام وناويه افكه هاليومين بس بنات بغيت اسالكم صج الولب يسبب مناعه للحمل يعني ياخر الحمل شوي عفيه ابي تجاربكم

الله يعينج اكيد مالج خلق الجماع معاه لانه خانج احساسج بيتغير ومشاعرج وعواطفج تجاها
صارحيه قوليله لاتكتمين بقلبج لاتيبين لنفسج الامراض والله اهو ينام وياكل ويشرب ومستانس وانتي ياعمكري عاله قلبج ونفسيتج تعبانه عيشي حياتج توج صغيره استانسي مرده لج عليج انج تدعيله بصلاتج وشغلي سورة البقره يوميا ابيتج وكثري استغفار والله يهديه
اهتمي بنفسج غيري من لبسج ستايلج عشان نفسيتج ترتاح شوي فهمتيني غيري روتين حياتج يمكن يتغير معاج