مجرد ملاحظه تقبل النقاش الحظ المايل كيف ينعدل

السلام عليكم ورحمة الله وبركاته
وصباح او مساء الزهور والورد والفل والكادي لكم جميعا

مجرد سوال ليش البنت السنعه المحترمه تطيح في رجال خيخه واي كلام يوريها نجوم الظهر
والعكس صحيح البنت العوبه المستهتره المظيعه التي لا تعرف من مهام الزوجه الى اسمها تطيح في رجال ينحط على الجرح يبرى
والله صدق ارزاق تصدقون يمكن تكفير ذنوب للزوجين هههههههههههههههههههههههه
والله ياخوات عجايب المهم تصدقون كل واحده حسب تربيت امها لها ههههههههههههههههههه

موشرط حبيبتي الحمدالله انا وريلي متكافئين بكل شي

ومذكور بالقران ( الطيبون للطيبات )

والي الله يبتليها بواحد مو زين وهي زينه يكون في شي غلط ومع الوقت يتغير كل شي والله يعوضها خير خصوصا ( اذا كانت قرببه من ربها )
اما المستدرجين الي تقولين عنهم الي هما تكون البنيه مو زينه وريلها ينحط عالجرح هذوله يسمونهم المستدرجين الي الله يعطيهم الي يبونه وهما يزيدون بضلالهم ما يحمدون ربهم ولا يتقربون منه
وفي ناس مثلا تكون البنيه داخلها زين بس تربيتها موزينه هذيله الله سبحانه برحمته يوفر لهم الفرصه انهم يستقيمون وفعلا تلاقينهم بس يلاقون العيشه الزينه تذكرو ربهم وتابو واستغفرو عن ذنبهم ( وكثار الله يستر عليهم وعلينا )

وبالنهايه على قولة يديده الحظ يمرض مايموت

الطيبون للطيبات والخبيثون للخبيثات

يمكن اول الزواج يكون الريال موزين لكن مع السنين يتعدل ويصير انسان ثاني

والعكس صحيح يمكن الريال يكون زين ومحترم ومع الايام يتغير ويخترب

محد يظل على حاله

اي والله انج صاجه

انا اعرف وحده والله كل يوم تهدد بالانتحار وزوجها حاطها يا دهينة لا تنكتين

وسياره من الوكاله .. اخر موديل ويعطيها مصروف البيت بيدها

غير مصروفها وسفرات اوربا كل سنة ..

واهي لا شهاده ولا شي بس شنو عيبه يعصب

ووقت ما يهدى يعوضها بذهب ولا سفره

واحنا يا خلاف ..

نركض ورى الرجال ..

ونداري ظروفه ونحترمه وهو زين اذا قالج يعطيج العافيه

الله يجازينا على صبرنا خير ..

اي والله انج صاجه

انا اعرف وحده والله كل يوم تهدد بالانتحار وزوجها حاطها يا دهينة لا تنكتين

وسياره من الوكاله .. اخر موديل ويعطيها مصروف البيت بيدها

غير مصروفها وسفرات اوربا كل سنة ..

واهي لا شهاده ولا شي بس شنو عيبه يعصب

ووقت ما يهدى يعوضها بذهب ولا سفره

واحنا يا خلاف ..

نركض ورى الرجال ..

ونداري ظروفه ونحترمه وهو زين اذا قالج يعطيج العافيه

الله يجازينا على صبرنا خير ..

ياحرم راشد وياخت اميره ماختلفنا ان الطيبين لطيبات والعكس صحيح بس حنى نقول الحظ الردي يعني العوبه والمسترجله حق الطيب او المسكينه الحنونه تطيح في واحد موريها نجوم الظهر
يعني الدنيا حظوظ هههههههههههههههههههههههه
ياني يمي ياني المنحوسه منحوسه لو حطو على راسها فانوسها ههههههههههههههههههههههههههه

حبيبتي ما في واحد يقول عن نفسه ناقص او في عيب انا من تجربه قعدت ويا وحده من الجمال جميله ونظيفه ومرتبه وتكلم عن زوجها حاطته يادهينه لا تنكتين بس ما لي حظ وما يبيني بس لما تكلم زوجها طلعت البلاوي كله حتى سب سابته جدام اهلها واهلة لا يغركم الظاهر محد يدري شنو بين المره وزوجها انا رايي حتى امهاتنا قالوها الرجال مع العشره والعيال والاحترام تكسرين عينه وتركبين بعد"وجهة نظر"

والله صاجه على قولة السوريات اللي ما الو حظ لا بيتعب ولا بيشقى خخ هالزمن ادعي حق بنتج يكون عندها حظ حلو بس
الرفلة تاخذ سنع والسنعه تنقرد اللهم لا اعتراض

"
الطيبون للطيبات والخبيثون للخبيثات""

حتى انا اشوف جم وحده ماتستاهل زوجهاااا بالمره
بس ترا مو الكل اغلب بناتنا شحلاااتهم رجاجيلهم بعد يهبلوووون
بس الحظ الردي مو بس بالزواج الا قولي بكل شئ

آآآآآآآآآآآآآآآآآآآآآآآآآآآخخخخخخخخخخخخخخخخخخ
ظربتي عالوتر الحسااااااااااااااس
صج اكو ناس حظهم يكسر الصخر ولاهم اوادم
وناس ذهب طايحين حشاج بصيانة وساكتين
أخ قلبي يا يما

كل شي نصيب

يمكن الزوجه العوبه على قولتج ربي بيغريها بالحياة و يرخي لها الحبل وبالتالي ينتقم منها و الله يمهل ولا يهمل

و الزوجه الطيبة ربي رزقها بهالزوج علشان يثبتها و تتقرب لله أكثر و أكثر و بالتالي الله بيجازيها خير جزاء
——–

ترى على فكره انا قريت قصة دكتور أمريكي مسيحي اسلم و السبه هالسالفه .. يقول امه كانت مسيحيه متدينه و ابوه كان راعي سكر و شرب و معذب امه طق و اهانه.. و قام يتسائل ليش يا رب تعاقبها مدام هي طايعتك و تتقرب منك.. يقول بعدها ألحد.. و بالصدفه قرأ عن الإسلام ولقى الأجوبه لأسئلته اللي ما لقى لها اجوبه بالمسيحيه و بعدها اقتنع بالإسلام و أسلم والحين صار له أكثر من 17 سنه مسلم و يدرس هندسه باحدى الجامعات بامريكا

علشان جذي لازم نتقوى بالدين علشان نلاقي اجوبه لأسئلتنا

والسموحه اني طولت عليكم

و مشكوره حبيبتي على الموضوع