شوفو سالفتي !!

انا ولله الحمد متزوجه صارللي تقريبا 7 سنوات وعندي بنتين وولدي ربي يخليهم … المهم عندي خادمه فلبينيه زينه مهتمه بالعيال بغيابي وانا وريللي مو من النوع اللي يحط عياله عن اهللي ولا اهله … حتى ما اامر على خدامتي على النظافه اني ادقق من الناحيه او ان اعصب معاها نهائا ولا اخليها تطبخ كله علي انا حتى الاكل انا اللي اجهز لها واقدم لها .. المشكله انها لي سوت اي غلطه بسيطه مثل ساعات تعاند عيالي مع انهم صغار لا تتفهم هالشي تعاندهم بزياده ويعصبون وولدي الوسطي عصبي اشوي وهي تعاند اروح حق زوجي اقوله اهي معاهم كذا وكذ كلمها يمي تييه ولا جنه في شي ما يقولها كلش يزفني انا ولا اهي يقول انا مستحملها عشان اليهال اخاف تسوي شي اقوله لازم اهي تخاف منك … والله يا بنات يزفني انا جدامها ولا اهي تنزم والله يومها ما قدرت ابلع ريجي من الغثه اللي بقلبي والله ليش جذيه على الاقل خللي مكانه عندها

وانا الحين زعلانه صارللي اسبوع على هالحاله والمشكله اهو الغلطان وصارحته بس ما دري يعرف وما يعترف ؟؟ ما دري

انتو شتقولون ابي تفاعلكم معاي حبيباتي … ربي يحفظكم

غيري خدامتج وتنتهي المشكله ما ادري ليش ما احب الفلبينيات بس شكل مرتب

بقولج شي

ليش اتدخلين ريلج بهالسوالف ؟؟؟

تصرفي مع خدامتج بنفسج ولاتشاورين ريلج
يعني اذا في شي مو عاجبج قوليلها ان الشي هاذا غلط ومو عاجبني
ولا يتكرر
وانا يايبتج حق عيالي واهم شي عيالي

حبيبتي ريلج يخاف على عياله من الخدامة وطبيغي انه مايزفها لانه خايف منها

ويحط حرته فيج

علشان جذيه من اليوم ورايح انتي حلي مشاكل خدامتج بنفسج ولاتقولين له شي
وبعدين بقولج من واقع خبرتي

ترى الخدامة لااتدلعينها
خليهت نشنغل
والله انا جربت اذا دلعتيهم يتمادون عامليهم برسمية حيل ولاتضحكين معاهم ونصيحتي لج لا اتدخلين الريال بالسالفة ولاتحلين خدامتج اتكلمه نهائيا علشان اتخاف منج انتي مو منه

اول شي الله يحفظلج عيالج

وثانيا ماحب الريال لما يتدخل بسوالف الخدم او يزفها جدام الزوجة مثلا او يزف الزوجة جدامها .. والغلط من الزوجة ترا

غلطتج اول شي انج تسكتين على نفسج .. ليش تخلين زوجج يزفج جدام هالخدامة !!! مارح تحترمج اصلا

وثانيا شكلج طيبة لأنج تقولين ماتدخلين بالخدامة ولاتقوليها سوي هذا وذاك . .

نصيحة

خليج صارمة مع الخدامة في الشغل (بس برحمة طبعا) وخليج صارمة ولج كرامة جدام زوجج ولو زفج قوليله بالغرفة مو هني لوسمحت!! خلي نبرتج جادة
وثاني شغلة الله يهداج ماحطيتي عندج الا فلبينية ؟؟؟ هذيلة مايقعدون بدون ريال ديري بالج على ريلج

وثالثا . . لاتنطرين من زوجج يعتذر ميخالف تسامحي منه ووريه الصدر الحنون وقلبج الطيب وصارحيه وقوليله على اللي زعلج بس بهدوء

ترا الدنيا ماتسوى تزعلين اسبوع!!

سوري على البدليات قاعدة انوم ولدي واكتب بالظلمة

انت الغلطانه اصلا لازم ما تدحلين الريال بمشاكلج مع الحدامه و لا تخلينه يتعامل معاها

انا بالعكس مو كل شي بس هالمره غير لانه اهو اللي سامعها تعاند اليهال على كل شي والمشكله يقولي وانا ما اقصر يا بنات اقولها بشكل وااايد هادي وهذا طبعي بس تسوي روحها اهي الكل بالكل فطريت اقوله وما كو رد منه سااايلنت …

حبيبتي لاادخلين ريلج بمشاكل الخدم لازم انتي تكلمينها مره ومرتين وقوليلها اذا تبين المكتب اوديج ورديها وافتكي

غيري الخدامة وترتاحين

الخدامه لازم المره اللي تكلمها لان الرياجيل مايعرفون يتعاملون مع الخدم
ومن ناحية عيالج انا طفااااااااااااااارتي اللي تعاند عيالي
اطوف اي شي الا انها تعاند عيالي
فهميها انها موجوده عشان عيالج ولا تدلعينها زياده عن اللزوم
واذا اشتكوا عيالج منها قوليلهم روحوا اشتكوا عند ابوكم عشان يحس فيج

والله اسوي كل اللي قلتيه اقولهم روحو قولوله والمساكين يقولون عيالي ماما سفريها ما نبيها بس المشكله اهي لازقه فينا تبينا حيل وصارلها الحين سنه ونص تقريبا وهي متعلمه وايد وتعرف امور الاطفال وهم ساكته عنها كله عشان اليهال والله متى يكبرون والله مره ثانيه ما اييب فلبينيات سيلانيات ولا هنديات احسن بعد كبار يصيرون

الخدامه انتي المسؤوله عنها ريلج ماله شغل

صااااااااجه بكلامهاا

ديري بالج لاتدخلين ريلج بسالفه الخدم
انتي صاحبة البيت ودبري امرج هذول الخدم ذيابه وماتسوى السالفه تزعلين كلميه بهدوء قوليله لاتفشلني جدام الخدامه بيني وبينك ديري بالج من الخدم ذيابه

غيريها وانتهت المشكله