|
|
بنات انا زوجي صايرت له مثل الكوره يحذفني وارد اراضيه دايما ديما سواء كنت انا الغلطانه او هو 
ابي انساااااه ابي التهي
دايما اساعده بمصروف البيت علما اني انا مو موظفه هالله هالله بالاعانه100 وحتى الجمعيه ابخل على نفسي وعلى ولدي كثر ما اقدر بس عشان ماتطلع الفاتوره قويه وكم مره ادفع له مكالماته واضغط على نفسي كل ماجاني على حب ونص كاااااااااااشخه ودايما اقوله كلام حلو واهو اسلوب زفر وطناااااااااااش
انا زينه حيييييييييييييييل مع اهله مع انهم يقطون علي كلام يرفع الضغط يقولون انتي خبله طيبه
الطيب صار خبل
المهم انا والله يابنات نظبفه وحريصه واهو مابي اظلمه نظيف بس كل يوم كل يوم اذا مافي بصل وثوم مايعيش ومعروف يضحكون عليه اهله مسمينه بصله
انا منحرجه اقول الموقف قاعده احوس حول السالفه الزبده
اربعة ايام رايحه عند اهلي يعني بغير ابي انساه شوي رايحه وانا زعلانه منه طبعا طبعا مادق انا دقيت ورديت طبعا طبعا لما رديت انا لزقت فيه مالت علي خبله كله من كتاب اسرار الحريم يخليج مغفله على بنه انتي اللي لازم تكسبين الريال بالكلام الحلو وكله هذا خرابيييييييييييط كل مالعنتي سلسفيل اللي جاب عم خال جد ولد عم سايقهم حبج اكثر
قاعده اسولف انا وياه منسدحين نبي ننام يقولي تصدقين انا قالي رفيجي سالفه مضايقته ولاعرفت احلها قلت انا شنو لعل وعسى احلها
قال رفيجي ياني بدوانيه يقول اهو يحب زوجته وكل شي فيها حلو بس فيها ريحة حلج
منحرج شلون يقولها يخاف يحرجها وتزعل منه
قلت له ياحبيبي اهو عنده عيال قال اي مادري
قلت ترى المره كل ماحملت وجابت تتعب حييييل الياهل يمص من دمها شعرها عضمها لثتها اسنانها ياخذ منها حيل فتتأثر
الواحد لايقول حق العور انت اعور لازم اييها ويكلمها يقولها ياحبيبتي وياقلبي انا احبج واموت فيج بس انا ملاحظ عليج شغله
انه لثتج واسنانج تعبانه انا بوديج على حسابي عياده خاصه تعالجين وانا بعد معاج
حلو
قالي
حلو قل حلاه
المهم
قالي تصدقين ترى انتي فيج
انا انصدمت شنو شنو شنو انا انااااااااااااا
قال هونج هونج اشفيج شفتي شفتي زعلتي
اكيد ابي ازعل انا مافيني لاتظلم قال آآآآآآآأأأأأأأ انتي فيج شوي
شنو شوي انا مافيني قال اذا طولتي ماكليتي فتره طوله تطلع لج ريحه شوي
والله يابنات مالي ورب الكعبه مافيني لو فيني ازعل بس ماراح اعصب واسوي سالفه
اهو قاله وانا فتحت حلجي جني وحده ملسوووووووووووووووونه
احتريت
احترييييييييييييييييييييييت :
احس ناااااااااااااااااااااااااااااار شبت بقلبي
هذا بدال ماتقولي كلمه حلوه تصبحين على خير ماعندك كلمه زينه اسكت ابرك والله رفيجك ابرك منك على الاقل حارص على زعلها الزينه عندك وعند اهلك ماتبيها اللي مسويتلك يادهينه لاتنكتين ماتبيها اللي لا ييت البيت كاشخه ومنومه ولدها مبجر عشان بس ماتزعجك ماتبيها اللي ماتطلب وتسحب منك فلوس ماتبيها انا استااااااااااااااااهل خبله
يبي يكسرني محتر اني جميله والناس تحبني واثقه من نفسي يبي يكسرني اعرفه والله يحتر لاني مو بحاجته يحب يذلني بس يهباااااااااااااا ويعقب
والله لراويك لأتوبك وديته الجمعيه وقمت اخمط اخمط من الاغراض اشوف اغلا شي وآخذه
شفتو الغرغره الزرقه خذيت منها 4 حبات الكبيره
وجل الفم 5
ومص الحبوب 4
وشغلات ماعرفه اي شي مكتوب عليه للفم اخمط منه وايد اهو انصدم طاحت اخدوده
يقولي بس انتي خذيتي وايد اقوله انا ريحت حلجي خايسه مو صح
وخر
واخذ اخذ اشوف حماما زيت للشعر ماقريت شنو ولا ماركت شنو ولا من شنو اشوف السعر في بدينارين وفي بخمسه
آخذ اللي بخمسه
.gif "Eh S(9)")
بغى يبجي بالجمعيه قبل اشح على نفسي عشان خاطره وهذي آخرتها
ولا فوق هذا لاكلمني يكلمني معصب يناتر
شسوي فيه تكفون صبايا ابي احره شرايكم
.gif "Eh S(15)")
وحرام هو حاول يراعي مشاعرك
ولا تكبرين السالفه اشوفها تعدى ـ عديها 
سوري والله السالفه تضحك
اولا واضح ان لا رفيجه ولا بطيخ قصده نغزه عليج
وبعدين شنو ابي احره ؟
لا تسوين سوالف يهال عناد ومادري شنو ترى ما يخرب البيت الا هالسوالف الصغيره
ادري تضايقتي منه بس ترى خشمج مو مثل خشمه يعني كل واحد يشم شي ما يشمه الثاني << لغز هههههههههههه
المهم قصدي يعني ريحتج عاديه او حلوه بس غيرج يشمها حلوه او مو حلوه نفس الشي اهو
وبعدين ماله داعي تعاندينه بالخساير لو مكثره ماجلة بيتج ولا اغراض حق عيالج ابرك
بس ماله داعي كل هذا اولا انتي ما تشتغلين ليش تصرفين عليه ؟ منو المفروض يساعد الثاني ؟
حتى لو ما يصفى له شي من معاشه عطيه الي يستاهله مو كل شي على راسج كلها 100 مو 1000
واذا على هذي السالفه دايما اكلي اول ما تيوعين لا تصبرين ودايما بين الوجبات اكلي حلاو و علوج ولا تنسين المضمضه والقرقره
وحلاو المص من الصيدليه بالنعناع خصوصا اذا زوجج قاعد وجذي تكسرين عينه ما يفتح حلجه عليج
وانتي خليج احسن منه كل ما خلص اكله قولي له حبيبي هذي مضمضه و غسول فم تستخدهم بعد الاكل و الزقاير اذا يدخن
وخلاص انتهى الموضوع لا تكبرين السالفه واهي ما تستاهل انسي عادي هذا زوجج مو احد ثاني عشان تعصبين عليه
تقولين عن روحج مغفله وخبله وتقولين عندح ثقه بنفسج !!
واضح الثقه عال العال عندج !
وترا النظافه والكشخه وتنويم الطفل قبل لايرد الزوج كل الناس يسوونها مافيهاا منه !
وانا اشوف انه حاول يوضح لج بدون لايجرحج بس انتي قلبتيها هووشه وعناد بلاا معنى
بس ما يبي يضايقج فقال عندي رفيجي متضايقه من ريحه حلج زوجته
توقع انج راح تفهميني
بس لما شاف انج ما فهمتي قال خلاص بقول وخاصه عقب ما سمع ردج
بعدين ما فيها شي خيقولج ترى لو اهوا اللي ريحه حلجه خايسه جان ما تتحملينا
وطبيعي انج ما تشمين هالريحه فيج لان الانسان اللي في ريحه تعود عل ريحته وما يشمها نفس اللي وياها
بس نصيحتي الريال لا تعاندينه لان مو من صالحج اخذيه بالكلام الحلو
الكلام الحلو يلين الصخر ما ادري الحديد انتي كيفج اختاري شنو تبين
الصخر او الحديد
هو كان يبي يوصلج موقفهـ بس مايبي يزعلج ويضايقج وجابها لج باسلوب حلو..
عادي قلبونهـ سوي الي يبي والحياة تمضي فديتج
الله يوفق مابينكم ويخليكم حق بعض ..
صرفى من فلوسج لج وشترى شورات حقج من بودى شوب وغيرى فرشت اسنانج ومعجونج واذا طولتى ماكليتى اكلى لوبسكوته عشان الريج بس يتغير
ومرات بكتيريا بلمعده اهى اتطلع ريحه جربى تاكلين روب اكتيفيا بين الوجبات يقضى على الريحه
مابينا رسميات وميانه
نتقبل من بعض اي انتقاد
خو احنا مجابلين بعض انشالله العمر كله مويوم او يومين
اي شي ما يعجبه يقولي مازعل بالعكس عشان اعدل الخلل
وانا نفس الشي معاه … لانه شارين بعض.. واهو الي عودني علي طبع الصراحه بينا
كبري مخج وطوفيها وخلي روحج رياضيه