|
|
يا حلو التغيير بكل شي
وكسر الروتين والجمود
اللي بتناقش فيه معاكم
كل متى تغيرون أثاث شقتكم او بيوتكم او حتى لو غرفة النوم
؟؟
ما اقصد التغيير بأنكم تفرون الأثاث وتغيرون مكانه
لأ
اقصد التغيير باللون والشكل والستاير
تغيير شااااااااااامل
وان طق براسج هالشي ،، شلون تقنعين زوجج بضرورة التغيير ؟
وهل يساعدج ابهالشي ؟؟؟
……….
عن نفسي
انا اموت على التغيير
قبل 4 سنين غيرت مكان شقتي وحطيت الوان يديدة بكل مكان ماكانت موجودة بشقتي القديمة عشان احس ان التغيير صار بكل شي واحس اكثر بالتجديد
الحين اقول لزوجي بغير لو بس غرفة النوم مووووووو رااااااضي ،، حدي بس قاعده اضيف ابأي مكان بالبيت شغلة بسيطة
لوحة
ولا قطعة صغيرة
عيزت احن وأرن 
بس زوجي رافض ويقول تو الناس ومعتبر الشقة للحين يديدة
طبيعة زوجي ما يحب التأثيث بس انا غرامي ،، احس ان الطلعة كلها فن لووووووول ولون وتنسيق بطريقة فنية
تلقوني بالمحل اجابل قطعة قطعة واتخيلها بالبيت وزوجي قاعد بزاوية ينافخ
ميوووو يالله
ميووووو ماشالله عليج ما مليتي
ميوووو اقولج امشي دخت ركبي عورتني ظهري عورني
وبس نوصل البيت طار للقهوة
توك تعبان ريولك وظهرك جنك وحده تطلق !!!!!
هههههههههه
يالله دوركم
بصبغ دار نومي يقول شكو صبغج جديد طيب بتفنتق انا هم ماكو فايده
بس ولا يهمج راح اغيرر ولا لي شغل المفاجئه في ها الامور حلوه خصوصن اذا مضبطه الوضع
وها الشهر مخططه اغير مطبخي اجدد مافيه انا وحده امل بسرعه لازم شي جديد والا افر مكان الاشياء اللي موجوده عندي
والله ياحلو التغيير يجدد النفسيه
ويعطيج دفعه حيويه ونشاط
انا للاسف ما مداني اجدد او اغير شيئ لاني اول شيئ سكنت شقتني عقب رحت بيت اهلي لان ريلي سافر دراسه بره
وعقب لحقته ف لي الحين ماجربت التغيير والتجديد
وناطره نرد الكويت ونستقر واسوي شقتي على كيفي ومزاجي لوول
لمن تغيرين اي شي بيتج حتى لو شي بسيط تحسين براحه بجووو يديد <- انا احسس هيك ..
بصراحة مو بسهولة هالشي…بس حاولت أغير بغرفتي وجمعت كل الصور الي عجبتني من النت وطبعتها بمطبعة على طول الباب وبنت خالتي سوتلي ديزاين خاص وجد حسيت بالتغيير…
حلو التغيير بس يبيله بيزات…
كافي النفسيه تتغير سبحاان الله
ودى بلون غامج الاسود وحنيت ماكو فايده نطرته لين سافر يدرس يعنى قبل سبوعين ماله جيه وشليت الغرفه بكبرهاا وجبت صبااغ وصبغت من صبغات الجديده وشريت غرفه واثاثتهاااااااااااا طبعا الغرفه اقصاد ولما جاء قلتله تغير ماقال شى لينه فتره غايب عنه وتالى اهو الى دفع القصد هههههههههههههههههههههههههه
كيد نساء
لكن الرياجيل ما يحبون التغير المكلف يبي تغير بدون دفع فلوس
وبعدين طلعي معاه استانسوا وتعشوا او تغدوا لكن تسوق ما انصحك الرياجيل ما يحبون تسوف الحريم لان حنا غير ؟؟ علي كيفنا ونتقصي علي القطع
وانكاسر وهذا ينرفزهم ويضايقهم علشان كذة يعصب
والله يوفقك حبيبتي
انا اثاثي يديد بس ايدي تحكني لازم اغير لو شي بسيط
ولدي الصغير فوضوي وبسم الله عليه حركي يعني كل تحفه احطها
القاها ثاني يوم لعبه بيده
هذا بالنسبه للاكسسوارت اما الاثاث توني مسويه غرفتي النوم
وغرفه اليهال وكله من حوستي انا والدفع على ريلي