|
|
الله يسخر لكم رياييلكم يا رب
الرياييل كللللللللللللللهم جذي الله يسامحهم يعلون الجبد علما يصلحون لج اي شي خربان!
مكيف
مغسلة تخر
لمبة محترقة
انا قبل في بيت اهلي كل شي اصلح بروحي
عزكم الله من سيفون الحمام لي واير الكهربا لي اللبمة المحترقة
لكن قبل لا اتزوج قمت اقرا وايد عن طرق التامل مع الزوج وانج لازم ما تسوين عنه شغله والا ماراا يحس بدوره في البيت وراح يدور وحده غيرج يمارس هالدور معاها … وهذي النصيحة تتكرر في لكتب والتلفزيون والدورات والمتخصصين
فقررت اشيل ايدي من كل شي واخلي شغل الرياييل للرياييل! وظليت جذي لما تزوجت ما اسوي شي مو شغلي واخلي اللمبة محترقة ان شالله شهر ولا اغيرها
كنت في البداية احن .. بعدين قام يمل مني وطفش حتى قعدة ما يقعد في البيت
فتعلمت اني ما احن! الا اذا شي ضروري يعني المكيف يخترب بالصيف لا بحن ونص !!! والا افطس 
الحين قمت ما احن كلش حتى علامكيف، يعني اذا خربان بغرفة انام بأي غرفة ثانية، اذا البيلر خربان بحمامي اسبح بحمام اليهال، اذا اي شي من ماشلة البيت خلص عادي اكل اي شي بداله
يعني بطلت حنه بس ساااااعااااااات اتحلطم شوي ، خخخخ ما اقدر
الزبددددددددددددددددددددددددة:
1) لا تسوين عنه شغله مهما كانت الظروف!!
2) لا تحنين علشان ما يطفش من البيت قوليله مرة وحده وبعد فترة ذكريه وخلاص سكتي
3)لا تطلبين منه وهو تعبان ولا وهو مرتاح ولا وقت الاكل ولا وقت الاحم احم$!!! عيل متى والله الصج مادري!! بس دوري وقت مناسب ، عقب الاكل وانتى يعدكم ما قمو من الطاولة، شاي العصر بعد ما يشرب الشاي، مسج بالتلفون وهو بالدوام ( مو دايما بس للضرورة لا يقول لاحقني حتى بالدوام) خلي مسجات الدوام كلها حب وغزل
4)اذا سوى شغله لو صغييييييييييرة شكري وحبي راسه وقوليله عسى الله يخليك لنا ويديمك فوق راسنا ويا عمري ما تقصر وخليه يتعقد من لسانج الي ينقط عسل
5) صبري لان باختصار مالج غير الصبر
6)لا تطالعين الشغله الخربانة طول الوقت بتتأزمين، شغلي نفسج عنها لما ربج يحلها احتسبي جر الصبر انتي صابره صابرة صبري باجر احسن لج
7) حتى لو كنتي ربة بيت او دوامج يخلص قبل دوامه لا تسوين انتي شغل الرياييل وتجابلين العامل والصباغ والسباك وتييبين اغراض الجمعية وتودين الهدوم المصبغة حتى اليهال الطبيب لا تودينهم! شخانته ابو!!! …. صدقيني باجر تندمين وبالذات ان معظم الرياييل يتقاعدون مبجر بتلاقينه تعود على الدلع الماصخ وبيستانس انه كل شي عليج وشوي بتلاقينه من ديوانية لي ديوانية ومن سفرة لي سفرة ومن طلعة مع بو فلان وبو فلنتان وانتي تكرفين وراسج يشيب وويهج يذبل من الكراف والمسؤولية … وما توعين الا حط فوق راسج شريجة!!!
8) الاستغفار الاستغفار الاستغفار 100 مرة ياخذ بس دقيقتين! ما ياخذ شي كلما تذكرني استغفري
9) والدعاااااااااااااااااء عقب كل اذان وعقب كل صلاة وبأي وقت ربي يسمعج
هذا الي عندي خلونا نشوف افكاركم
انا ماعرف اسوي شي بشغل البيت وقبل كنت نفسج احن اذا مثلا الليت اخترب الحيين خدامتي تبدل الليتاات لووووول
واذا شي ثاني اقوله يسويها وبعد شهر يالله يسوييه
وانا معااااااااج
موفقه حبوبه
| 8) الاستغفار الاستغفار الاستغفار 100 مرة ياخذ بس دقيقتين! ما ياخذ شي كلما تذكرني استغفري 9) والدعاااااااااااااااااء عقب كل اذان وعقب كل صلاة وبأي وقت ربي يسمعج |
يعطيج العافيه
مشكوووووووووووورة
ضربتي على الوتر الحساس
انا شقتي لي الحين ما سكنتها (عروس) يديده بس يبيلها جم شغله يضبطها ويعل القلب على ما يسوي شي
كل ما قلت له قال بعدين
امي تحن علي خل ريلج يسوي و انا احن عليه
عندكم بعد افكار؟؟
الله يسخر لكم ويسخر لنا
اهو انج تشترين الاوراق الفسفوريه الملونه فيها لزقه تكون صغييره
اذا مثلا لمبه احترقت كتبييه عليها
اذا حنفية المطبخ مثلا اختربت كتبي عليها طبعا قوليله ترا الشي الفلاني يبيله تصليح وبس لاتقولين عقبها كتبي بالورقه وحطيها مثلا على مراية الكونسل او مراية التواليت ونبهييه ترا الي اكتبه هني عشان اذكرك مو تهمله بس عشان ما تنسى
وجذييي ماتحنين لووول
عاد انا ام الحنه بس خل اتزوج حلوه الفكره لوول بجربها
اذا احترقوا اقوله جنه ظلمه
العصر اعيدها واي ظلمه
اقعد اعد الليتات
و اذا كان طالع اقوله بطريجك اشتر لمبات
ولا اقوله امي بتزورني اليوم ..تلقينه اييب اللمبات و يركبهم و يسنع الشقه بعد لووول
يعني ملاحظه مني ..و حنه اشوي ..راح اخذ الي ابيه
ريلي عقب الحنه ايسوي الشغلة اللي ابيها
عندكم ليت دار الخادمة خربان ويبيله تصليح
مسكينة الخادمة عايشة على ليت الحمام مالها <<<تكرمون
حتى كوي الملابس تبطل تكرمون الحمام وتكوي
والسالفة صارلها شهر ونص الحين وماكو فايدة <<<< عمج اصمخ
ومالي خلق افكر لأني مو متزوجه مابي اتعب راسي توني صغيرا لوووووووووووووول
عاد انا ابوي ما يسووي شي الا بالحنه وعقب ما تطلع رووحج
.gif "Eh S(1)")
وتقبل مرووؤري ..،
وكل الحريم حنه هههههههه
نصييييييحة
لاتحنين
يطفش الريال!
انا مع اني ما قمت احن الحين – الا نادر يا ربي انسى شسوي!!
لي الحين يقولي "حنانة" ولا يقولي عيالج اطلعو عليج بالحنة
؛)
بطلو حنة وكثرو دعاء
ربي كثر ما نطلبه يفرح بدعائنا وطلباتنا ويغضب علينا اذا ما طلبناه! تخيلو يا ربي يا حبيبي
وابن ادم يذلج ويكرهج ويصدج ويتحلطم عليج لي طلبتيه
هاذي مشكلتي .. ولا طريقه تفيد معاه ماكو الا الاستغفار والدعاء
الله يهديهم
بس ما جرتها شريت له لوحه وطبعا من زمان ولي الحين ما علقها ؛)
اذا جربت بقولج النتيجة
وحيالله الحلوات الي مو متزوجات. حلو تتعلمين هالسوالف مبجر ؛)
انا استفدت وايد من تجارب الحريم قبل لا اتزوج
بس انتبهو غالبية السوالف حش وتحلطمومشاكل
لا تتعقدون
ترى اغلب الي رياييلهم زينين ما يتحجون يخافون من العين
ونادر الي يشارك يتجربة ايجابية فلا تتعقدون
الحياة حلوة بس ما تخلى من مشاكل
ونفرح فيكم قريب بنصيب زين يا رب
وحيالله الجميع اخاف احد يزعل ؛)