|
|
عندي سؤال بس مايتعلق فيني وبصراحه ودي اعرف اللي انخطبوا شنو اهما الاسئله اللي يسالها الخاطب لها وشنو الاسئله اللي لازن اهيا تسئله اهو يعني المتعارف عليه
وثاني شي اشلوون تعرفون هالشخص زين وكريم واخلاق يعني على اي اساس تبدي الموافقه اول شي
اخر شي شنو الاشياء اللي يجب تجنبها من البنت اوماتسويها وتسالها
جم عمرج
متي تسوقسن
تطلعين بروحج
جم لج سنه وتتخرجين اذا تدرس
من متي تداومين حق الموظفه
تطلعين من رفيجاتج؟
وطبعا هي تسأله وين تشتغل وجم عمرك
انا الصراحه ما سألته ولا سؤال لان ولد عمتي فعارفه من هذااا
بخصووص انتي شنو تسوين خليج علي طبيعتج علشان اذا باجر تم الزواج يلاقي شي وينصدم
بالنسبه اشلون اعرف اخلاقه
طبعا الوالد يروح يسأل عنه بمكان شغله بمكان وين يروووح
التزامك الديني؟
شنو الشي ال ممكن تضحي بحياتك عشانه؟
امادري ودي اعرف اهو شنو يفضل يكون بشريكه حياته وشنو اهما الصفات اللي كان يبيها مادري ماعرف اساله استحي
وين تدرسين
شنو تخصصج
تحطين مكياج ولا لا
هذيله الاسئله اللي اذكرهم
اهني من جوابه راح تعرفين عقله كبير ويقدر الحياة الزوجيه او لا .gif "Eh S(3)")
شنو اهي الصفات التي تحب أن تشوفها في زوجتك ؟
شي حلو تاخذين فكره عن اسلوب حياتكم والاشياء الي راح يحطها قوانين عليج 
تشوف ان ضروري الإنجاب في أول سنة من الزواج؟
على حسب جوابه راح يكون التفاق بينكم وعلى حسب ظروفكم اذا تبين تأخرين الحمل او لا
انت تعاني من أي مشاكل صحية ؟ أو عيوب خلقية؟ يا ترى وراثيه ولا لا
هذا سؤال ضروري عشان اذا في شي ماتبينه من البدايه تكون عندج فكره ولا تنصدمين
اشلون علاقتك بوالديك؟(إخوانك ، أخواتك ، أرحامك)
اشلون تقضي وقت فراغك ؟ وشنو هواياتك << وايد مهم .gif "Eh S(13)")
الجواب راح يخليج تعرفين العصاري والمغرب وين يروح اذا كان راعي نوادي ولا طيور ولا دواويين وغيره
انت شخص اجتماعي ولا لا ؟ تحب المواجيب وتقوم فيها ؟
اذا اجتماعي حلو لانه راح يكون معاج في كل المناسبات ويقوم بالواجب وعادي عنده صديقاتج يزورونج وتزورينهم .gif "Eh S(17)")
لو تدخلت والدتي أو والدتك في حياتنا الشخصية؟
اذا قال عادي هذيل امهاتنا رحتي وطي يعني على اي مشكله يدخل امه واهي صاحبة القرار
الله يوفقج ..
بس لو انا اخليه يسالني بس ما اساله
• ماهو تصورك عن مفهوم الزواج؟
• ماهدفك في الحياة وماهو طموحك المستقبلي؟
• ماهي الصفات التي تأمل توافرها في شريك حياتك؟
• هل تعاني من مشاكل صحية أو عيوب خلقيه؟
• هل من الضروري إنجاب الأطفال في السنة الأولى؟
• كيف هي علاقتك بوالديك وأهلك؟
• هل أنت إجتماعي؟ ماذا تعني لك الصداقة؟
• ماهي هواياتك وكيف تقضي وقت فراغك؟
• هل لديك نشاط خيري أو تطوعي؟ مامدى مساهمتك في المجتمع؟
• هل تحب السفر؟
• ماهي طبيعة عملك؟ وكم راتبك؟
• هل خطبت أو تزوجت من قبل؟ وهل لديك أولاد؟
• ما الذي عجبك بي يدعوك للموافقة على الخطبة؟
• أين سنسكن بعد الزواج؟
• هل تعارض على وظيفتي؟
• حدثني عن شخصيتك؟
• هل تؤيدين ترك الأولاد مع الخادمة في المستقبل؟
• ماذا تعني لك المرأة؟ وماذا يعني لك الرجل؟
• كيف هو التزامك بالدين الإسلامي؟
• لو حصلت مشكله بيننا في المستقبل كيف تتم معالجة الأمور؟
والفال لنا حنا بنات المنتدى العوانس كلنا بالزواج بالزوج الصالح عاجلا غير آجلا آمين يا رب العالمين