متى تنقال الويه من الويه ابيض اقولها الحين ؟؟؟

المهم ماالكم بالطويله انا من بعد استخاااره واحلام شفتها والحمدلله بالاول والاخير الي طمني باختيار مصير حياتي
وطلعت من الحيره الي انا كنت فيها بفضل من ربي سبحانه لانه كل ماكنت افكر بموضوع الطلاق اييني خوووف واقول بنفسي الناس بتتشمت ولا برجع بيت اهلي بالسرعه معقوله ولو انه ماشفت الا الاهانه والتحقيرر من ريلي
المهم بيوم قمت من النوم الا اوصله حجي انه انا مابيه وكل اللي ابيه منه الطلاق وجذيه ولا حاجيته ولا رديت على تليفوناته ولمن شاف الحقران مني حاول ايرد ويسال وياه لبيتنا جان اسويله ستقبال له لا صار ولا استوى خليت الخدم ايسوون كل انوع المشروبات حاره وبارده وصواني حلو ومالح واستقبلته باحسن ميلس ابيتنا وفيه شي استقبلته فيه
بس بقول لكم بعدين ……………………………………. وقعد معاي وقلتله نفس الحجي الطلاق الطلاق الطلاق
انا موقادره اكمل معاك واسمحلي ولو سمحت بدون فضايح وقال وقيييل خنتطلق بما اننا اهل مانبي يصير مشاكل واهلنا يفترقون بسببنا واهو كلش منصدم وبراسه انه انا ما تركته الا عشان ذيج السوالف الي صارت باول اسبوع زواجنا والي صار بعدها ولتجريح والتحقير الي جفته منه
وانا قلت بخاطري انا كارهته ومابراسي الا الطلاق ليش افتح مواضيع وبيبان على نفسي ولو اني كنت ابي ارد اعتباري
بعد سوالفه فيني وكنت احس مافيه شي بالدنيا بيخلني ارد اعتباري الا شي جايد وانا مابي المشاكل ونفس ماقلتلكم احنا اهل ومابي القطيعه
فتعوذت من ابليس لان خفت انهار لو تكلمت بشي وقلت بنفسي انه طلبي الطلاق منه وبدون اسباب وبهالسرعه اكبر رد اعتبار لي خصوصا اني شفت القهر بعيوووووووونه شي ماتتخيلونه وربي لاني حتى لمن كان عندنا بالبيت طلعت له منقبه لانه مايستاهل ايشوفني خليته يحس بالاهانه انه انا حرمت نفسي عليه بهالطريقه طبعا ككل كلامي كان زين ومافي أي شي يجرح ولا يغث بس ماعطيته لا ابيض ولا اسود خليته يضرب اخماس باسداس لانه كل ماقال علشان جذيه تبين تتطلقين اقوله لا بس من الله بدون سبب الا التوفيق الله ماكتبه بينا ولو انا تحجيت بيفكر انه انازعلانه وابي يراضيني بس انا لايعه جبدي ومابي مراضاة ولا شي
المهم بعد جم اسبوع وصلني انه يفكر ايطلقني وانه حس بالاهانه مني واني انا وحده قشراا وطلع كلام كله جذب بجذب وظلمممممم ماشفت نفسسسسه والله يا بنات حتى تكلم عن شرفي حتى ملابسي الي كنت البسها عنده صارت حجوه بميالس رياييل واشياء وايد تغث ماعاد ابي اتذكرها وايد تتعب نفسيتي منها بس ماقول الا اللهم اني مظلوم فانتصرر
والحمدلله تطلقت منه اخيراا
وبصراحه مشكورين لوقفتكم معاي وربي كنت تايهه وقتها وانتو كنتو لي اخوات واكثرر …….بنااااااااات الاهم من هذا كله فيه شي يديد ويعتبر قنبله هههههه… صاير بحياتي وودي اقولكم عليه لكن بعد ماشوف ردودكم لي بالدعوه الي من قلب ان الله ينصرني على اللي ظلموني بهداية اخواني واخواتي ورزقهم بالزوجات الصالحات والازواج الصالحين والذريه الصالحه وطولة العمر لامي وابوي ويجمع شملنا بالدنيا والاخررره ولجميع المسلمين يارب