|
|
بدش بالمضوع على طول الصراحة انا وزوجي تهاوشنا على سبب تافه وايد والي اهو الخدامه المهم انه انا مارظيت يزفها واهو ماسمع كلامي جان يقولي اذا مو عاجبج روحي بيت اهلج وعنده اني انا الغلطانه عشان كنت اصرخ لمن قالي روحي بيت اهلج بعد عصبت شسوي كلمته مو سهله……..المهم انا مارحت تعوذت من ابليس ومارحت قعدت مكاني بس صارلنا 4 ايام محد يحاجي اثاني والله جنه اغراب قاعدين في بيت واحد واهو عنده اني انا الغلطانه بس مايفكر انه كلمته مو سهله انه انه يقول روحي بيت اهلج شنو طردة اهي ولا شنو عدل ولا لا؟؟؟؟؟
والصراحه كرامتي ماتسمحلي اني اروح احاجيه او اكلمة لانه هذا راح يكون جني انا الغلطانه وبروح اتسامح مننه لازم اهو يحس وايي يعتذر ……. والصراحة هذه اول مره مانكلم بعض هالمده واحنه على فكرة متزوجين عن حب وعندنا بنت الحين شنو رايكم بنات انا رايي انه اظل ما اكلمه لمن يحس …… ابي تقولولي رايي عدل ولا لا؟؟؟؟؟؟؟؟ وتتوقعون راح ايي يكلمني ولا راح يطنش؟؟؟؟؟؟؟؟؟؟؟؟
وسوى واجباتج عدل وراح تلقينه اهوه بيفكر بالموضوع ويحس انه غلط بهالكلمه ولاتتوقعين اعتذار
لكن توقعى انه بيحاول يرد طبيعى معاج بدون اعتذار وانصحج لاتمانعين تردين معاه طبيعى بدون لا يعتذر
لان طبيعه الريال حتى واهوه غلطان يعصب عليه الاعتذار
والله يسهل اموركم ان شاءالله
ريلج حبيبتي ! انا اقول الريال كان معصب واذا واحد كان معصب شي طبيعي يقول كلام بس مو من قلبه ومايثمنه !
روحي له وكلميييه هذا ريلج وانتي الي عصبتييييييه !!!
يعني ليش تصارخييين ! احد يصارخ علي ريله !
حبيبتي تعودي اذا ريلج معصب لا تتكلمييين زف الخدامه سكتي لين يهدي وبعديييين قوليله الي انتي تبيييينه !
الله يهنيكم يا رب بزواجكم ويخلي لكم بنيتكم … اللهم آمين
اختي … انتي قلتي انه سبب زعلنا تافه فما كان له داعي كل هذا يصير … صح؟
انتي كان المفروض انه عقب ما غلط على الخادمه … تاخذين على جنب وتقولين له ترا الي سويته غلط وهذه خادمه
برقبتنا يوم الدين … وترا السالفه كذا وكذا وكذا … وكل شي بالهداوه … صدقيني الرجال حتى لو اهو غلطان
اذا جيتيه بالاسلوب هذا راح يعاند زياده
في شي ثاني … اذا كان هذا فعلا سبب خلافكم … فما اتوقع انها توصل انه انا كرامتي ما تسمحلي … ما يخالف
اذا كان هذا اول خلاف بينكم … خليها تجي منج المره هذه … صدقيني راح تكبيرين بعينه … بس لا تجين بطريقه عصبيه
قولي لها انت بو عيالي ومالي غناة عنك وشوي شوي راح ترجع الامور مثل ما كانت ان شاء الله 
وبعدين هذا اول الطريج 
… الحياه الزوجيه لازم يكون فيها مشاكل
الله يوفقج ويسخره لج للي فيه الخير والصالح … الله آمين
انا اقول تعوذي من البليس مره ثانيه و كلميه …عيل شخانتكم مجابلين بعض جذي بنكد و ضيقه …والله يا قلبي ربج ما يرضى جذي
كسبي اجر و صيري احسن منه و كلميه عادي مو شرط تراضينه ..
ولا كلش كلش و السالفه حازه بخاطرج ..اعرف وحده اذا تهاوشت مع ريلها تكت له رساله اشطوله طول ويهه على قولتها ..و تفضفض كل الي بقلبها بطريقه رومنسيه و حلوه و عفويه ..ذكريه بحبكم و ذكريه بالغلط الي صار و انج و اياه غلطانين
بس لازم عقب ما تتصالحون تقولين له لا يعيد هالكلمه …و لا تيي هالفكره في باله ..
و ربي يهديكم و يصلحكم
ولا تنزلين نفسج حق احد بعدين بيتمادى كل شوي بيزعلج وانتي تروحين وتراضينه
انا اقولج صبري ولا تروحين له خليه اهو علشان يتأكد ان اهو الغلطان واذا تساهلت الامور بينكم قولي له
ان هالكلمه هذي مو سهله وفهميه ولا تسكتين عليه وتخلينها بقلبج اوكي
وموفقه انشالله
وكلميه عادي ولا تعاتبينه بالمره
الا اذا فتح اهو الموضوع
انا اشوف جذيه احسن عشان الحب اللي بينكم …..
خلي بالج لا تعيدين الكرا لان الريال ما يحب المره تغالطه مباشره
عن تجارب وخبره
قعدي بمكاااااااااااانج وفردي ويهج وحبي نفسج قبل لا تحبينه يعني لا تعكرين جوج وكشخي واهو راح يكلمج واذا ما كلمج عادي تصرفي
وراح يعتذر منج عالكلام اللي قاله
يعني اذا راسه يابس نصيحتي لج انتي اللي كلميه و قصري الشر على قولتهم عشان ما تكبر السالفه على شي مثل ما قلتي ان تافه
بس اذا كان عنده عادي يراضيج.. المهم كل شي يرد ..خلاص تدلعي شوي عليه و انتهى الموضوع
تعوذي من ابليس وتسامحي منه مهما يكون اهو ريلج ابو بنتج ولا يوسوسلج الشيطان ويقولج كرامتج فوق كل شي السالفه بسيطه وتصير اب كل بيت
نذبح ابليس راضيه وحاولي لا تستفزين زوجك لين هالدرجة اهو الريال تري حكيها ابالج وبينكم بنووته ربي يخليها ترى الرياييل كل شي يخربطون لما يعصبون و بعدين يتحسفون
طولي بالج ولا تزعلين على هالسالفة ترى السالفة بسيطة
الرجال طبعه مايحب يراضي
انا لي اربع سنين اذا زعلني زوجي انا اللي اراضيه والله يشهد على كلامي
حبوبه انا وايد فادني الدعاء وصلاه الليل والاستغفار وايد تحسن وضعي مع زوجي