|
|
السلام عليكم
شلونكم بنات
شخباركم انا عضوة يديده وحبيت استشيركم بشغله محيرتني
متقدملي واحد مطلق
وصليت استخارة
بس صايرة الحين سالفه المهر
اهوا يحاول ينقز ان انا ما اقدر اعطيج مهر وايد
قلت له اكيد ماراح اخذ مثل مهر مرتك الاوليه بس مو يعني 1000 اكيييد
اهوا يوم قال جم سألت امي وقالت لي 6000
للعلم انا اكبر خواتي
يعني ما عندنا خبره بهالسوالف
ولما نسأل احد عن مهر المطلق ما عندهم علم يا ريت تفيدوني للعلم اهوا ماراح ياخذني إلا بعد فترة طويله
واهوا معاشه قوي فوق 1000 يعني بهالفترة ماراح يقدر ايمع ولا شالسالفه ؟
وشلون اعرف اذا الريال بخييل ولا لأ؟
مع انه ما يقصر على عمره اخاف باجر يبخل علي وتعرفون الريال البخيييل ما من عيشه معاه
وسبب الطلاق الأولي قال اياه بس ودي اتأكد من اهل البنت بس اخاف نسأل يطلعون على الريال حجي
احنا سألنا عنه وقالو كل خير بس خوفي من البخل
بلييييز ابي شوركم يا بنااااااااااات
شكو تاخذين مهر قليل انتي بكر لازم تاخذين مهر كامل ومكمل
هو مطلق ذنبه ع جنبه وديري بالج سالي عن سبب الطلاق
بعدين الفلوس مو مهمه انتو تشترون الريال بعدين اذا قلتيله هالكلمتين اكيد راح تكبرين بعينه وماراح يقصر معاج
واصلا المهر المفروض ماتتكلمون فيه كل الريال ومدة ايده على قولتهم وكل واحد وظروفه ومقدرته
قال صلى الله عليه وسلم { خذوهم فقراء يغنيهم الله من فضله }
موفقه انشاءالله
ومشكورة على الرد بردتي جبدي
ريحوني بنااات
سواء الريال مطلق والا مو مطلق
لازم يكون لج مهر انتي بالاخير بنت وبتجهزين ومن حقج تكونين نفس البنات
ومافي قانون يقول الريال المطلق مهره اقل
واهوا ماعليه قاصر
بلغيه انه مهرج 6000 نفس ماقالت امج
واذا رفض المكتوب مبين من عنوانه انه اهم شي عنده الفلوس وخايف يتخسر نفس قبل ومو جدي بهالموضوع
وخليه يدور وحدة ارخص لان السالفة مو لعب ومو بضاعه
استخيري واذا ارتحتي وافقي مهما كان المهر ..
الفلوس ما راح تجدم ولا تأخر ..
العيشة مع الريال هي المهمه ^_^
ربي يوفقج وييسر لج
استخيري حبوبه وسالو عنه عن الاستعيال ببالزواج والله يوفقك للخير يارب
والحمدلله والشكر الله وفقهم وماشاءالله من ثاني شهر حملت الله يتمم عليهم يارب
وصج والمنفصل مو عيب ابدا يمكن تكون مرته الاولانيه اهيا العوبه ,,
انتي صلي استخاره
وسألو عنه اذا ريال زين وارتحتيله توكلي على الله ,,,
بس دام معاشه قوي ماشاء الله شحقه متردد بالمهر ؟ شالمانع يعني ؟ في سبب معين ؟ يعني قروض اقساط مثلا ؟
حاولي تعرفين السبب واذا كان مقنع توكلي على الله
|
المشاركة الأصلية كتبت بواسطة موت وميلاد
 ياحبيبتي انتي صلي الاستحاره واذا ارتحتي جدمي على الموضوع
بعدين الفلوس مو مهمه انتو تشترون الريال بعدين اذا قلتيله هالكلمتين اكيد راح تكبرين بعينه وماراح يقصر معاج واصلا المهر المفروض ماتتكلمون فيه كل الريال ومدة ايده على قولتهم وكل واحد وظروفه ومقدرته قال صلى الله عليه وسلم { خذوهم فقراء يغنيهم الله من فضله } موفقه انشاءالله |
كلامها عدل