|
|
شلونكم بنات
حبيت اعرض مشكله صرااااااااااحه كبيره وخطيره ودي الكل يشارك فيها
ليش مرت الحمى الكبيره تغار منها مرت الحمى الثانيه والله ان اسمع سوالف وااايد بين حريم الحمى وسببها الغيره
والله حرام يابنات محد ياكلها الا اللي تغااار انتي ريلج عندج كوني شخصيه لج تلاقونها اول ماتخذ ريلها وتدخل بيت حمولتها كل همها منافسة الجنه الكبيره ياماما ترى هذي مهما كان مرت حماج الكبير حسني علاقتج معاها لان اذا عدى الوقت وخذت الكبيره منج موقف بتحط عليك x وانتي ماتدرين شبيلج مع الايام لان مصير حماكم يتزوج الصغير وتتحسفين على كل لحظه هدمتيها مع الكبيره لان هذا موقف صار مع وحده من جماعتنا شبت على زوجة حماها الكبير من بداية زواجها لمن انقضى على علاقتهم من البدايه وتزوجوا حموينها وماشالله الكبيره حبوبه وكونت علاقات حلوه مع حريم الحمى الصغار والغيوره قعدت تتحسف طول عمرها عللي سوته بالكبيره لان صار مع حريم الحمى علاقات احلى من العسل وهي ودها ترد علاقتها معاها بس شيفيد لان اللي سوته فيها علوم ماتنقال
ياليت كل وحده اول ماتتزوج تحسن علاقاتها مع الكل وخصوصا مع مرت الحمى الكبيييييييييييره لان باجر عيالهم بيكبرون وهم بعد بيكبرون لانهم اهل فياليت ان الوحده تصلح وتبني كل شي حلو مع مرت حماها من البدايه والله يابنات ان مرت الحمى الثانيه سمعت انها متحسفه من اللي سوته مع الكبيييييييره وتقول الحين ياليت الزمن يرد ولا اني اشوف حريم حمويني مع بعض وانا لالالالا منبوذه الله يعينها بس هذا من صنع ايدها حاره روحها منها من بداااية زواجها وماعندها غير الكبيره تقارن نفسها فيها بس اشفادها غير انها صارت منبوذه من الكل بس والله اذكر ان مرت الحمى المسكينه ماردت عليها شرها بس قالت مصيرها الايام والسنين تعلمها
اللهم بلغت اللهم فاشهد
وشكرا لكم يااحلى كويتيات
بس انا لله الحمد
مافي شي جذي بيني وبين حريم حمواني ال3
كلهم اكبر مني
وانا مخليه العلاقه رسميه اكثر من انهاا تكوون عميقه
يعني يمعه وقعدة حلووهــ وسوالف حلووه
احاول مااييب طاري ريلي واقوول شنو اييب لي او من هالاموور لاني ماادري شلوون علاقتهاا ويا ريلهااا
فماابي افتح مجاال للغيره وللمقارنه
والله يتمم علينااا
وكلامج صحيح 100%
ومشكوووورهــــ
مع ان فيه تشات بينهن بس علاقتي رسمي وطيبة كلهن نفس الشئ 
لهن ياهلا ومرحبا والاستقبال الحلو وبس
وقاعده احااتي لاتيي وحده وتغاار وتسبب لي مشاكل
عااد انا بليا خوافه وكافيه خيري عن شري..
عندهاا 6 جنااين ومسوين عصاابه على حمواتهم
الجنااين على قلب بعض مومثل ماتقولين
الله يعين
والي يبي يغار يغار
والي يغارون منه دائما الافضللللللللللل
يعني مفتكه من هالسالفه ^_^ وحتى لو كان فيه انا راح اكون مرت الحمى الكبيره
الله يعطيج العافيه حبوبه
الحمدالله لا ادش معاها حيل ولا تدش معاي حيل بالعكس شخصيتها حلوه وانسانه متعلمه وفاهمه وذربه
اذا شافت علي بدلة اوجنطه اعجبتها تمدحهااا حيل
وانا اذا شفت عليها بدله او دراعه امدحهااا حيل يعني اي شي اشوفه فيهاا حلو اقول لها
الحمدالله اللي تمشي سيده وتكون علاقتها رسميه بالناس يحترمونهااا ويحبونهااا
وحماي الاصغر من زوجي متزوج
بس ما ادري عن شعورهم
وعلاقتي مع زوجته رسمية ومن بعيد لا بعيد