|
|
في وايد عوايل
عشان يطلعون عيالهم معاهم وتكون الطلعة عائلية
مكونة من
الزوج
الزوجة
العيال
لابد ان الخدامة او الخدامتين يكونون معاهم
ليش ؟؟؟
عشان الزوج وزوجته يمشون جدام
والخدامة تدز عربانة الياهل
او
عشان الزوج وزوجته ياكلون بالمطعم على راحتهم
والخدامة توكل الياهل
ويمكن ان سافرت الخدامة
ماراح يطلعون عيالهم الصغار معاهم ويبيخلونهم عند اهل الزوج او الزوجة ويطلعون الزوجين بروحهم
ليش ؟؟؟
لان الخدامة مو موجودة ومحد بيمسك الياهل ويدز عربانته ويوكله
.gif "Eh S(10)")
المشكلة بتقولون وين ؟
المشكلة اللي يمكن البعض مو منتبه لها
ان الخدامة ترى عينها مو على الياهل وبس
عينها على الزوجين
على تعليقاتهم
كلامهم وتشوف يمكن حتى مسكة ايدهم وشنو شروا وجم ادفعوا وبجم قاعدين يشترون مقارنة بجم تقدر اهي تشتري
جنه عمتي تقول
البروستيييج يفرض ان الخدامة تدز الياهل وفشلة احنا ندزها !!!!!!
بالنسبة لي انا
مستحيل اطلع الخدامة معاي ومع زوجي واليهال
كفاية بعد معانا بالبيت وتسمع وتشوف
بناخذها بطلعتنا بعد ؟؟
ومافيها شي احنا ندز عربانة عيالنا ونشوفهم ونجابلهم ونوكلهم
شالسالفااااااااااااااااا ،، عيالنا ترى
الا ان يمكن ( يمكن انا ما قلت اكييييييد لا تاكلوني لوووول ) بعض الحريم يبون يجابلون رياييلهم بالطلعة ،، يخافون يلهون مع عيالهم وعين الريال تزوغ هني وهناك !!!!
انتوا من اي نوع
وهل انتوا مع ولا ضد الموضوع
وشنو وجهة نظركم
وبس
حبيبتي ترى الخدامة بعد آدمية تبي تطلع وتجوف الدنيامو الا عشان تدز اليهال
احيان اتكون الطلعة كلها كبار
بس مسكينة تكرف ليل نهار يوميا
شفيها لو طلعناها شوي تستانس وتاكل معانا وتجوف الناس مثل ما احنا نسوي
انا معاج بهالموضوع .. صج انه هذا اول حمل لي وماعندي عيال لاكن ااستغرب من البعض اللي اشووفهم
والله على قوولتج مرات الخداامتين معاهم ..
انا احس الام والاب لما اهما يدفون العربه البيبي ويتمشوون يكونون ااكثر حنيه عليه وبلعكس هذا يقرب الزوجين لبعض
بلعكس لافشلة ولاشئ ..
بس على فكرة
انا ما قلت انه الخدامة مو آدمية
ممكن تكون طلعتها مع الزوجة والعيال
او
احيانا يمعة الخوات وعيالهم وحتى خدمهم تكون لهم طاولة بروحهم
انا اتكلم لما يكونون الزوجين والخدامة مع بعض وعلى نفس الطاولة بس عشان توكل الياهل
وياما شفت هالشي
اصلا وايد هالشعور حلو .. وانا اجوفه من ضمن الاشياء الرومانسية بعد
فالخدامة ماله داعي انها اهي الي توكل الياهل
شدعوة شبياكل هالياهل الي اييب الخدامة بكبرها عشان توكله
اخليها تاكل وانا او ابو الياهل نوكله ونتكفل فيه
هلاا وغلاااا .. ويعطيج العافيه على مواضيعج قمت اتحراها والله..
انا عن نفسي هاللحين ماعندي خدامه !! وعيالي لازم يطلعون وياي .. احس الطلعه تحلا ويااهم وويا سوالفهم … فديتهم
بس تتبين الصج من قبل سنتين كنت وااايد معتمده عليها (الخدامه) وكنت اطلع انا وزوجي واخلي عيالي عندها ..
وظليت فتره بعد ماراحت .. اعاني !!!!! اشلون نروح نسهر بره انا وزوجي !!
لكن شوي شوي تعودنا على طلعتهم معانا وعلى وناستهم …
اذا طلعتنا عائلية نروح بروحنا مع عيالنا ونجابلهم
بس اذا تسوق ونبي الشغالة ترفه عن نفسها…خذناها ويانا
بس من يكبرون شوي يعني سنتين وفوق اخذهم بروحهم بدون الخدامة حتى لو طلعت بروحي بدون ريلي ما اخذها خاصة اللي عندي الحين شوي عينها ضيجه وتشوف تثبت كل شي نشتريه فما احب اخذها حتى الجمعية ..
بس اي والله مادري شلون يروحون مطعم ولا مجمع وساحبين الخدامه معاهم مع ريلج شكوو هذي تيي والله الخدم يحطون بالهم على كل شي
مره رحنا بيت عمي طلعنا جان تقول خدامتنا ان خدامتهم قايلتلها عن كل شي بين عمي ومرته واااي احنا ماندري مصيبه هذول كل شي عينهم علي ويعرفونه قمنا نسمع اخبار هذي وهذي من الخدم
بسم لله على ولدي حركه مو طبيعيه وبس يركض يعني ما يعرف شي اسمه مشي فلازم آخذها علشان تركض وراه عكس اخوه الي اكبر منه هادي
اما اذا كان بالاشهر ما اطلعهم بالبيت الا للمستوصف او اهلي او حمولتي بس
انا الشغاله اخذها بيت اهلي وبيت عمي اهي تحب تطلع علشان تسولف مع خدم بيت اهلي ومرات ابوي الله يخليه يطلعنا بحر
او شاليه او حديقه وناخذ الخدم كلهم " منهم يستانسون ومنهم يساعدونا
اما اني اطلع مع ريلي واهي معانا اصلا مو حلوه ريلي يتضايق " حتى لو معانا اليهال مااخذها
صج مرات اتوتر واعصب واتنرفز من شطانتهم بس انا امهم اتحملهم ~
اذا بودي اليهال الجمعيه اسألها بتروحين اذا قالت ايه اخذتها واذا ماتبي شي تقعد ماله داعي تطلع
ماايد ابدا لكل ياهل خدامه شدعوه ضناج مو متحملته ساعتين !! استغفر الله بس