|
|
السلام عليكم ورحمة الله وبركاتة
شلونكم ؟؟ شخباركم؟؟ بدون مقدمات بدخل بالسالفه علطول
بنات ان محتاجة تنوروني بآرآؤكم السديدة وخبرتكم بالحياة بحكم انكم متزوجات ومريتوا بفترة الخطبة وما بعد الخطبة
مابي اطول عليكم بنات أحس ان مشاعري متقلبة وموقادره افرح ……..سمعوا السالفه
انا بنت موظفة عمري 25 سنه وموناقصني شي الحمد لله حلوه ومثقفة ومعاي شهادة تقدملي واحد من برا العايله وبعد السؤال والتحري طلع زين وماعليه كلام وحسيت من كلامهم اني نازله عليهم من السما واخيرااا لقوا البنت اللي يحلم فيها ولدهم
بعد الملجه صارت أحداث عكرت فرحتي ووناستي
اول شي المهر بنات انا مومصدقة ان في ناس تعطي مهر بهالقيمه معقوله شويه يعني انا اقل اقل مهر بالعايله كلها وفوق هذا قالوا احنا مانبي نسوي عرس انتوا سووا عرس,,,,,,ليش اهو عرس ولد؟؟؟ طبعا قالوها بطريقه غير مباشره (تلميحات)
بنات لاتفهموني غلط انا المهر مو هامني أهلي ماراح يقصرون معاي بس المشكله انا هنيه حسيت بقيمة اهلي والمستوى الي عايشه فيه ومدى الحريه اللي عايشه فيها وهالعايله نوعا ما متشددين أخاف ما أتأقلم معاهم لان ماكو تكافؤ بالمستوى الاجتماعي أخاف انصدم واندم بعدين وهالاشياء مابينت الا بعد الملجه
بنات أول زياره لهم بعد الملجه قالواااااااا مشاكلهم العائليه ,,,,,,,,,,,شكووووووووووا
بس بعدين عرفنا ليش قالوا مشاكلهم يتهربون مايبون يسوون عرس لوقايلين بنسوي العرس بالبيت عادي راح نتقبل وضعهم
والله بنات ضاق خلقي حيييييييييييييييييييييييييييييييييييييييييييييل:eh _s(16): ليش ماطلعت السوالف هذي قبل الملجه
تكدرت حييييييييييييييييييل وزعلت وبجيت
.gif "Eh S(11)")
مادري شسووووي ؟؟؟؟بيني وبين نفسي أقول اللي هذا أوله ينعاف تاليه وانا بالنهايه موناقصني شي والله يوفق الجميع ابي رأيكم ضروري
وشغله ثانيه بنات بسألكم سؤال: خلوا سالفة المهر والمشاكل العائليه على كتر
ألحين هذا تقديركم حق ناس عطوكم بنتهم تقولون لهم العرس عليكم ؟؟؟ شصاير بالدنيا
بنات تأيدوني ((((اللي هذا أوله ينعاف تاليه))))
لاني اعرف نفسي اذا تم الموضوع ماراح انسى الموقف هذا ابدااا
وحتى لوتحصل مواقف بسيطه بالمستقبل (زعل …الخ) وهذا شي وارد راح اتذكر البدايه
ناااااااااااااااااااااطرتكم ابي اسمع رأيكم بالموضوع وهل مرت عليكم مواقف جذيه
تحياتي
فكري عدل اهم شي الريال مو اهله
الله يوفقج و يهديج حق القرار الصح
مالك الا الاستخارة
تقبلي مروري
لان هذا زواج مو مشكله عابرة ياقلبي وتلقيلها حل عالطاير
استشيري امج وابوج واشرحي كل اللي بخاطرج فيه وتشرطي وقولي الي تبينه والله يوفقك للاصلح ان شاء الله
يعني لاتكبرين كل شي منهم
المهم انتو تحددونه مو اهم !!
والعرس انتو اشرطوه عليهم !!
واذا انتي تبين الريال وشاريته بيختلف الوضع
تقدرين مع الايام وباسلوب حلوو وبكلام حلوو
تغيرين من طبعه
اهم شي الريال عاجبج ولا لأ
زين معاج ولا لآ ؟؟
خلي اهله على كتر الحين
لا تكبرينها اذا مشاكل بسيطه بس اذا انت منتي مرتاحه هم منتي مجبوره
المهم سويت عرس وساعدونا باشياء بسيط
اثاري الموضه عند اهلهم انه البنت اهي بكيفها تسوي عرس والا ماتبي
لعلمج اخته دقت بايام الملجه وقالت تري فندق مريديان اسعاره حلوه
اهني شبيت ضو واهلي قامو ينقدون المهم عطيناهم طاف وسويت حفله بصالة الزبن علي قد الي عندنا بامكاني بفندق بس لاني ماكنت راضيه بالعرس واهلي شويه والصاله قريبه من بيتنا
المهم اثاري ااخته وكل بنات العايلة العرف عندهم البنت العرس عليها عكس عايلتنا ويوم كلمته قالي اصلا اختي من 20 سنه سوت العرس برجينسي عادي كل بنات العايله جذي
يعني احنا العايله الشاذه
المهم بالاول عبالي بخل طلع لا عرف وتقاليد عايلتهم تقول جذي وهالشي تري هابين فيه الحين
والحمدلله لابخل ولاشي طلع انسان كريم معاي والحمدلله صج مافي تفاهم ولاحوار ناجح بينا لانه زواج تقليدي نفس البطيخه ياحمرا ياخضرا
قرقت وايد وهذرت اني استخيري وشوفي نفسج مدامج عالبر انا لو يرد الزمن مراح ازعل وابجي علي عرس لاني فهمت السالفه لكن راح اكنسل الملجه لانه التفاهم زيروووووووووووووو بيني وبينه
والله يعين الكل
واذا انتي شفتي الولد هل هو يستاهل انج تتساهلين بهالشغلات عشانه يعني قصدي اذا الرجال ما ينعاب لا تفكرين بهالامور
واحسن انج تصلين اسنخاره
عالنت فكري واستخيري وشاوري خواتج وامج هم اللي عندهم الحل
وادرى بالوضع ,,انا لو مكانج اشاور ابوي واخليه هو اللي يقرر 
اذا حسيت بتردد وماقدرت اخذ قراري ,..,’’
مع الايام ندمت اشد الندم رغم انه زوجي خوش ريال بس اهله ناس مافي بقلبهم لارحمة ولايعرفون لايقدرون ولايحترمون وطلعت عايلتهم مفككة حيل واقطيعة الارحام متفشية بينهم
اقسم بالله اني للحين احب التراب يلي يمشي عليه زوجي بس لو يرد الزمن افكر مليون مرة لان احس اني ظلمت بنتي بهالعايلة
فكري عدل ترى اهل الزوج ركن اساسي من اركان الزواج مهما كان الزوج كويس
اذا مو مرتاحه منتي مجبوره دامج عالبر
ثاني شي اهلج ليش موفقين جذي ليش قاطينج يعني لا مهر زين
وفوق هذا مايبون يسون عرس
ليـــــــــش شنو السبب اللي يخليهم يقولون جذي
ترا باجر اذا ماتفقتي معاه قال اهلج قطوج على لا مهر يسوى ولا عرس سويت
وتبين تعنفصين على هذا لو حصل خلاف الله لا يقوله
بس انتي ياحبيبتي استخيري اكثر من مره لين تشوفين نفسج مرتاحه او لا
بعدين شنو رأي اهلج في الموضوع مو معقوله بيقولون نقط بنتا ها القطه
شيقولون الناس انتو اللي تبون ولدهم والا هم اللي يخطبون
دام مو قادرين على العرس ليش يخطبون ويملجون دام المهر طاف وقبلتي اما
عرس يقولون انتي سوي لا حبيبتي دام انتو على البر للحين فكري ياقلبي
وحده تعرف عايلتنا وعايلتهم واشبكتنا يعني خطبه تقليديه
الريال مااعرفه بس لما سألنا عنه يمدحونه حتى ماطلب انه يكلمني مادري شنو اطباعه شنو شخصيته علشان جذيه اخاف اني اضلمه
وانا البنت الوحيده بين اخواني والكبيره فمادري شلون أتصرف ؟؟
اهلي قالوا راح يكلمونهم على سالفة العرس
((اللي نعرفة ان اذا صارت حالة وفاة عند اهل المعرس اهل العروس يسوون حفلة محفوفه حق بنتهم))
بس انا احس تكدرت حيييييييييييييييييييييل ومااحس بالفرحه لدرجة اهلي قالوا لي قرري اذا ماتبين خلاص اهم شي تكونين مقتنعه