زواج الطالب / الطالبة

السؤال ببساطه ..

هل تؤيد زواج الطالب الجامعي بطالبه جامعيه .. ؟
تكلموا بكل ما يخص الموضوع : )

اي اكيد
بس مو شرط

مافي مانع بالعكس شي حلو بس يفضل ان ايكون موظف عشان يصرف عليها وايكون متفرغلها اما اذا كنتو اثنينكم تدرسون فبتلهون..

وهما لي الحين يدرسون يعني

ولا عقب التخرج

اذا عقب التخرج

اوكي وين المشكله

بنات هل الطالب يعطونه مهر كامل الحكومه ؟!
و سؤال 2 : جم تعطيه الحكومه معاش ؟! ..

؟؟؟؟؟؟؟؟

اب اب اب

انا لما تزوجت كنت طالبة وريلي بعد ..

اي يعطونه 4000 كاملين .. والشؤؤن يعطوونه .. 370 ..

اي سؤال انا حاضرة ..

.. ^^

عن نفسي لا الواحد لاتوظف هذيك الساعة المفروض يفكر بازواج لان معانات زواج الطلبه انا مجربتها تزوجت وانا بثالثه ثانوي وزوجي اول سنه بالجامعه وغربه وماخلصت طلعت من الثانويه عشان اعرفو اني متزوجه جني مسويه جريمه افصلوني وغصب كملت دراستي منازل بالطول والعرض يالله خلصت ودشيت معهد وتخرجت بطلعه الروح انجح دز والله اني ثالث يوم من ولدتي اداوم مايرضون يعطوني اجزه وصارلي 8سنين وانابالغربه وعندي الحين بنت عمرها4سنوات ولدسنتين ونص واخذت اجازه من الدوام من غير راتب متشتته بين زوجي واعيالي ودوامي احسن شئ الزواج بعد التخرج علي طول

انا طالبه وريلي طالب بعد

يعطونه مهر كامل عادي

بس يعني مانقدر نصرف على اي شي لازم كل شي نعمل له الف حساب

عشان المعاش يكفينا والحمدلله على كل حال

حق البنت اي عادي

بس طالب لا الصراحه مو حلوه حقـه و لا حــق بنت النــاس

الحيــن الوحده بتطلع بتكشخ .. الطالب من وين له يصرف !!

بياخذ من امــه و ابــوه ؟؟

كلـــــش مو حلــوه واللي يسوس جذي صج يطيح من عينــي و ما اعتبــره ريال

الريال لازم يتحمل المسؤوليه و مايرضى على روحــه و اهو ريال و متزوج الناس تصرف عليه

الزواج مسؤوليه
انا ما أأيد الزواج للطالب والطالبه
حتى لو كان الزوج موظف والزوجه طالبه ما أأيد نهائيا
احسن شي تتخرجين وتمسكين الشهاده بغيدج وتتوظفين بعدين لاحقه على الزواج
والزوج حلاته متخرج ومتوظف و شبع من حياة الشباب والعزوبيه والطلعه وصار راكد
وعنده معاش قوي ويقدر يشيل مسؤوليه بيت
بس زواج طالب وطالبه هذا (بروي) = يعني لعب
الحياة الزوجيه بالحقيقه غيـــر عن اللي في بالج
الزواج يبيله قلب
وانتي عندج دراسه.. كملي دراستج صدقيني وبعدين الزواج

حبيباتي اللي متزوجات ..
قولولي كل شي ! مشتته بهالخصوص ..
الموضوع محيرني شووي ..
كنت رافضه الفكره بس جني هاليومين غيرت رايي .. وسط استغراب

انتي طالبه بأي سنه؟
واهو بأس سنه؟
بينكم حب ولا خطبه أهل؟

ثالثه .. الاثنين ! بس اكبر مني بـ سنتين / 20 و 22
شلون عااد .. يعتمد على طبيعة دراستنا ..
لا هذا و لا ذاك ! ..
ناس ماحديني لهم ..