التربية وحياتك الزوجية شلوون؟؟!!

حبيبتي الله يكون بعونج
هذي الأمومه مو هذا جهادنا احنا يالحريم
والله تأثر وتتعب وتاخذ من طاقتج انا مثلج مرات وعندي ولد وصغير بعد بس السهر والتعب طول النهار بس أنصحج بشي واحد حطي يومين بالاسبوع لج انتي ابدي بنفسج دلعي روحج واهتمي بنفسج ابدي بالتدريج وحاولي تخلين يوم لج معاه تطلعون وتستانسون
وخليه يشارك بمسئولياتج خففي على نفسج الضغط
الله يسهل أمورج
ويصلح عيالج ويكتبهم من الذرية الصالحه
ويهنيج بزوجج ويهنيه فيج

والله انا نفسك

بعض العيال يشقوون الله يصلحهم

تعبو وتعبونا وياهم

خلي يساعدج في التربية

ماعندي عيال

اذا الله اكرمني بقولج تجربتي

بصراحة انصحج نصيحة لا تخلين تربية اليهال تشغلج عن زوجج لان حاليا اعيش نفس حالتج والسبب اني اخلي كل وقتي حق اليهال والتدريس وتالي اليل تعبانة مالي خلق شي وساعات انسي نفسي تداركي الموضوع دوسي على قلبج اشوي خلى ساعة فراغ حق زوجج قعدي وكشخي قدميلة شغة يحب ياكلها او وكلية بيدج سوي كل اسبوع ليلة حمرة مميزة واللة انشاللة تتعدل النفسية والشيطان بالمواضيع شاطر كوني اشطر وحافظي على زوجج ساعات اسوي كل هذا وبعدين ارجع بس الحياة تمشي واللة يعين

الموضوع اكيد متعب بس حاولي تنسقين بينهم وبينه ودام انه لمحلج فمالج عذر
دايما فاجئيه على الاقل بالويكند مثلا :
روحي الزوارة الاسبوعية سواء بيت اهلج اواهله وخلي العيال عندهم وطلعي شوي وياه اوحتى قوليله خروح البيت واختلوا بنفسكم شوي وونسيه وبعدين ردي للعيال_ اوحجزوا اوتيل اوشاليه واذا ماتقدرين تخلين اليهال عند احد اخذيهم بس خليهم كلهم بغرفة وانتي وياه بغرفة وتفرغيله_ تقدرين يوميا تنومين اليهال مبجر وطلعي وياه
لاتخلين الوقت يتحكم فيج انتي تحكمي فيه عشان الله لايقول ايي اليوم اللي تتحسفين فيه