زوجي يحاتي الحج والسبب الزحمه!! غيره

هلا بالبنات
اللي راحت الحج منكم
شلون الجو العام والزحمه –لانه سي السيد يغار من الزحمه وعنده عقده منها
والله بلشه اقوله يبا احنا رايحين بيت الله مو المارينا ههههه
وشكرا

اختي معروف الحج الرياييل مو مع الحريم بس بالباص

وحتى الباص الحريم ورا والرياييل جدام

يعني راح تشوفون بعض بسسسسس بالمناسك

هذا اللي اعرفه .. والزحمه على حسب الحمله .. مع انه اكيد هالسنه شويه مو وايد

بيروحون الحج والسبب الامراض

وان شاء الله تحجين .. ولا تنسين تدعين لنا

خل يستانس هالسنه قليل الي بيحجون

وبعدين الثقه حلووة والا هوو فاهم الغيرة غلط !

مثل كلام اختي الي فوق وفلحج كل واحد في حالة وقفت منى الحريم ابعيد عن الريايل

مو سالفة ثقه والله
بس قصده الزحمه الزحمه فهمو قصدي

هالسنه ماعتقد إنها بتكون زحمه….,

حبيبتي خل يغار ويفهمها صح ولا غلط ويثق ويشك كيفه لوووووووووول
عاد ريلها هذا ومن حقه يغار > ترى آنا أغار وايد فأشجعه حدي احم :$
شوفي غاليتي الحج بس بالمناسك نفسها زحمة ترى والله ماراح يدري عنج إلا بالفون طول اليوم وزين تشوفينه..
وهالسنة ترى وايد خفيفة وماتوقع أحد بيروح اليوم قريت إحصائية أ العادة هالوقت يكونون مسجلين حق الحج جريب 9 آلاف إنسان بس الحين العدد صار 2500 بس !
فاستغلوا الفرصة وتوكلوا ولاتضيعون هالفرصة جود ربي مايكتبلكم بسنين ياية..
وموفقة ياقلبي ^^

مادري استغربت من كلام الحجيات(حلوه الحجيات)عجبتني
انا كنت24ساعة مع زوجي ونمنا بغرفه وحده بعد
ودايما اشوف الريايل مع الحريم
لان لازم وجود المحرم