|
|
السلام عليكم بنات وايد ترددت اني اطرح سالفتي لان ادري راح القا ردود جارحه بس قلت خل اقول يمكن القا جم وحده تريحني
مشكلتي اهيا اني ساكنه فبيت حمولتي بس انا ساكنه معاهم داخل شقتي مو معزوله عنهم
قبل لا اقولكم شلون سكنت
ابي ارجع شوي لي ورا و بقولكم سالفة حماي لمن طلب الزواج و تزوج
تزوج يمكن قبل 5 سنين
و اول ما قال حق اهله ابي اتزوج و لقى البنت اللي يبيها
على طول اهله يابوا مقاول عشان يشوفلهم مكان يبنيلهم شقه صاده و باب بروح
و اهما بيتهم بطن و ظهر صوب حديقه والصوب الثاني استقبال
يعني دايما يدشون و يطلعون من صوب الحديقه فبنولها شقه من صوب الاستقبال عشان ما يشوفونها لمن تدش و تطلع
و زهبوا الشقه و خلصوها من الالف ليل الياء قبل لا تملج
و كله من فلوس ابوه و خاله قالوله هذي هديه زواجك البنيان و كلشي علينا
و يت العروس معززه مكرمه
وبعدها يا دور زوجي
و قال بتزوج ابي بنت فلان (عني انا) و رحبوا و مدحوا وايد بأبوي لان من نفس عايلتهم
و خطبني و ووافقنا
و كانت خطبتي 7 شهور
يعني مده كافيه انهم يسوونلي شي على ما املج
بس للأسف ملجت و كانوا متوهقين فيني ما يدرون وين يحطوني معنى ماشاء الله بيتهم كبير و اي مكان يقدرون يبنون فيه بس مادري ليش عزوا وحده و خلوا الثانيه
و فوق هذا قالوا حق ريلي انت عليك البنيان و كلشي على حسابك
و انا ريلي صغير و توا متوظف اذا بيبني على حسابه لازم ياخذ قرض
وانا قلت له خلاص نسكن معاهم عشان مابي احمله شي اكبر منه
و فكرت وين اقعد حان اقوله فوق عندكم صاله و غرفتين بينهم حمام شرايك نسكر الصاله و ناخذهم؟
قالي اوكي بس اقول حق اهلي
و لمن قال حق امه جان تقوله ميخالف بس على شرط ماتييبون خدامه لاني ماحب الخدم يصعدون فوق
و قلت ميخالف لاني بس مابي اثقل على ريلي
و قالي اول بستأذن مناختي لانها قاعده بوحده من الغرف اذا رضت تطلع تروح الدار الثانيه
قلت اوكي
و سألها جان تقوله اي ميخالف بس نطروني لمن اخلص من امتحانات الفاينل بعدين اطلع من الدار
و كان باقي على امتحانات الفاينل شهر
و عقب ماتخلص الامتحانات راح يكون باقي اسبوعين على عرسنا
يعني ما يمدي نضبغ و نأثث و نحط طوفه و نغير الارضيه و الحمام
مع هذا سكت و قلت يالله ميخالف
و نطرت و خلصت الامتحانات
ننطرها تطلع ما طلعت
جان تقول انا ماراح اطلع الا لمن يغيرون حمام الغرفه اللي بروحلها و يصبغون الدار!!!!!
يعني ليش ما تكلمتي من زماااااان؟؟؟؟ ليش توج تتكلمين؟؟
و غيرولها الحمام و ضبغولها الدار على ما صار كل هذا و انقلت اغراضها
الا باقي عالعرس اسبووووووووع
مسكين ريلي مفروض هالوقت يتدلع معرس بس اهوا كل يوم يقعد من لبصبح يجابل العمال
و ما خلصت الشقه الا بنفس يوم العرس
و ما دقوا على المحل اييبون غرفة النوم الا حزة الحزه و قالولهم لازم موعد يالله الاسبوع الياي
و انا عقب العرس نمت بالفندق ولا يدقون يقولون له انتوا تعالوا قزروها بغرفتك على ما تجهز شقتكم!!!
انا مت من القهر و دقيت قلت حق امي جان امي تقولي انا ادفع لج حق الفندق قعدي اسبوع زياده ولا تروحين جذي!
المهم ما رحت لال بعد اسبوع و همن لمن رحت و لا كلشي على عفسته حتى ما غسلوا الحمام و لا حطولي بخور
ييت و انا اللي سنعت شقتي
و الحين انا متضايقه من هالعيشه اي كلمه اي شي اقوله ينسمع
كلشي يتشرفون عليه بحياتي
و مالي خصوصيه 24 ساعه اسمعهم و يسمعوني
و فوق هذا لمن اطلع خالتي تدش بكيفها لي داري
و مرات نكون نايمين يقعدون يطقوون الباب حيل على اسباب تافهه و غير هذا اشياء وايد
تعبت والله مليت ماني متصوره اني بعيش طول عمري جذي و كلمت ريلي قلت الله يخليك سو اي شي لو بس باب معزوول يقولي مايصير قلت له خل نطلع قالي لا قلت نسكن بالدوانيه اهم شي مكام معزول قالي لا
و لمن اكلمه عن هالموضوع يحقرني او يعصب
يعني شالفرق بييني و بينها هذا وانا بنت عايلتهم جذي و الغريبه عازينها و رازينها و مالهم شغل بحياتها
لان ما أعتقد بيرضون انكم تغيرون الشقه أو تبنون مره ثانيه ويتأمرون عليكم !
مثل ماقلت من قبل : خلك بعيد وارجع سالم !!!!!!!!!!
مالج الا الصبر باجر ان شاء الله لي حملتي ويبتي ياهل بيضيج عليكم المكان وراح يضطر انه يوسع او يطلع وان شاء الله يسوي الي يريحج فيهم وشغله ثانيه لا تقارنين روحج بالثانيه عشان لا يصير حزازيه حياتي ,,
و معروفه من زمان بنت الناس فوق الراس وبنت العم للمداس …
2#2زنص ولا حاطه ففيها ثلاجه وغنفات بس هذا قبل لا اي البيت من تزوج حطيت بالغرفه جوله كهربا وبراده وبعدين حملت يبت سرير البنت وكبتها ومكرويف ولا دريشه الغرفه وحده بغرفه البنت ولا قبالها دريشه حماي وباتبي متر باب حماي الثاني حمدي ربج
دام ماااااله شقه معزوله ما ارضا اقد ولا اقول ميخالف اهم شي راحتي ولو لحين بتقولين حق ريلج ماراح يغير منه شي
بس والله لانه هشي يديد عليج بس ييبي اول بيبي وراح تشوفين الصكه والضيج وريل راح يحس من نفسه
ولا تقارنين بينج وبين مرت حماج ماتدرين شنو كانت ظروفهم حزتهاا
مرت حماج ماخلفت؟؟ماعندها يهال ؟؟خل يطلعون بيت بروحهم واغزي شقتهم بس همن عباله وخوفج مايرضون
والله مادري شقولج صبري بعد شتسوين
|
المشاركة الأصلية كتبت بواسطة ليال ليان نواره
 اذا انتي تحلطمين انا شقول غرفت نومي 3#3 وغرفه بنتي
2#2زنص ولا حاطه ففيها ثلاجه وغنفات بس هذا قبل لا اي البيت من تزوج حطيت بالغرفه جوله كهربا وبراده وبعدين حكلت حطيت سرير البنت وكبتها ومكرويف ولا دريشه الغرفه وحده بغرفه البنت ولا قبالها دريشه حماي وباتبي متر باب حماي الثاني حمدي ربج |
الحمدلله على كلشي
بس انا اللي حارني ان انا عيشتي فرق عن الثانيه هذيج تدش و تطلع محد يدري عنها و انا حتى نومتي يدرون متى نمت و متى قعدت و اذا حسوا اني قاعده يطقون علي الباب
و اذا طلعت خالتي تدش شقتي و توصل لي غرفة نومي يعني محد يرضاها
و يحز بالنفس ان هذيج من اول ما تزوجت كلشي زاهب لها و انا ييت عقب عرسي باسبوع و قمت انرتب الشقه حتى ما تكلفوا و قالوا حق الخادمه ترتب