راح اقووول بالاختصار المفيد انا مررررررررريضه بمرض اسمه مرض الغييييييييررررررررره
يعني مو غيره عاديه لاء لدرجة اني اغار من خوااااااااااته حتى تكفون شلون ابرد قلبي بكل صلاة اصليها ادعي اقول يارب ريحني من هالشي الي فيني يعني لدرجة انه بس يرن تليفونه اركض اروح اشوف وحده من خواته داقه عليه احتر وأسكت وقلبي يغلي ماااااااااااااااااادري شنو الحل نفسيتي اتعبنت والله وايد
الله يعينج الصراحه
هذا مرض
عالجي نفسج
الله يعينج حبوبه اذا انتى تعرفيين انه مرض ومعترفه فيه خلاص حله بأيدج عالجى عمرج ……..الله يهديج
مشكله صراحة وفيني بس على أخف
روحي معالج نفسي ترا مو عيب انا ودي مرات اعالج هالشي بس ماحصلي
او لجوءج لربج وترك وساوس الشيطان اكبر علاج
انا بقرا معاج ردود البنات وبشوف
موفقه خير
لا حول ولا قوة الا بالله العلي العظيم
خواااااااته انتي خليهم هم اغارون منج
مو انتي اللي تغارين الله يهديج بس
الله يعينج يا قلبي جذيه بتاكلين بروحج
ادعي ربج يخفف من هالغيره مالج الى ربج
الله يعينج ويشفيج
روحي دكتور نفسي او اي احد يعرف خليه يعالجج مو زين لج
ذكري الله عاد تصدقين كل شي زاد عن حده ينقلب ضده
خفي على روحج عشان راحتج………………… الله يعينج
اختي الغيرة حلوة والرجال يحب مرته تغار عليه بس الغيرة الخفيفة ولازم يكون عندج ثقة بزوجج وحاولي تبطلين هاي الغيرة واطفيها شوي شوي لان راح تخليه يختنك من هاي الغيرة ويحاول يتهرب منج ومن البيت هذا بايدج ترى حاولي تلاحكين روحج مدام انتي معترفة بغيرتج مو طبيعية
ترا راح اتييبين المشاكل حق نفسج صدقيني وريلج راح يأذى وخوات ريلج اذا لاحظو يا انهم راح يتضايقون منج او يزيدون ويقهروونج فديري بالج حطي نفسج مكان ريلج يعني مثلا فكري ان ريلج يتدخل ويغار ويأذيج ويسمعج حجي اذا كلمتي اخووج .. والله يبرد على قلبج
هذيلا خواته حبيبتي يعني لحمه ودمه الله يهداج هالحجي غلط وحاولي تحبين اهله وخواته من حبج له اهو يعني عشانه تحبين كل شي يحبه مو تنقهرين
والله يخليه لج يارب وتعوذي من ابليس وديري بالج عليه لا يروح منج بسبه هالغيره
تعوذى من بليس وماكو الا العافيه ولا تخلين الشيطان يلقى طريج حق قلبج ويشغلج .. تعوذى منه وبكل صلاه ادعى ربج واذا تحسين انج مو قادره تسيطرين … راجعى دكتور وربى يبرد على قلبج ويصلح حالج اختى ..
لازم تحطين فبالج ان خواته امه خالاته عماته .. كلهم هذولا عايش معاهم من واهوا صغير و يحبهم حب غير عن حبج ..
انتي غير بنسبه له ماكو مقارنه بينكم كل حب له طريقه ..
المهم حبيبتي انا اقول عالجي نفسج لان الشي انتي عارفه انه مو طبيعي والله يعينج ويشفيج يارب
حبيبتي ترى الغيرة الزايدة ما تفيدج ويمكن تكره ريلج فيح
حاولي تعالجين نفسج وتدعين وتستغفرين
الله يعينج
دامنج حاسة بغيرتج الزايدة و قاعدة تدعين بكل صلاة وعارضة مشكلتج بالمنتدى … يعني عندج رغبة صادقة بالتغير
ترى مافيها شي لو رحتى لمعالج نفسي أو إستشاري ، مو علشان ريلج و لا خواتة و المشاكل الممكن تصير بالمستقبل
(( علشان نفسج بالدرجة الأولى ، علشان أنتي لا تتعبين أكثر لآن الغيرة بتتلف أعصابج ))
ويمكن ما لا داعي تعلمين أحد من خواتة أو أهلة إذا الموضوع يسببلج أحراج ، شوفي إلى أنسبلج وسويه بس لا تسكتين
و الله يوفقج و يبرد على قلبج يا رب