اسمحيلي يا قوية . زوجك ليس برجل فلا تتباهي فيه عند الناس وسميه ( )

(( اسفه .. اكتب الموضوع بنرفزة ))

بعض البنات في المنتدى .. (وخارجه)

كل ما دار حديث عن الرجل ( المخطئ باي شئ) ..

قالت :

" انا ريلي ما يقدر يفتح حلجة .. ما يقدر علي "

اثارتني فعلا اكثر من وحدة … تقول ك

انا ما اطيح عليه ولا اترجاه ولا اخذ بخاطره .. تركيه هو يركض وراج !!!!

سيدتي يا قوية …

زوجك هذا اللي تتركينه ويركض وراج وتزفينه ويترجاج …. ببساطة ما هو برجل

علام تفتخرين عند صاحباتك بزوج تنقصة الرجولة ؟؟؟

تعرفين شنو الرجولة ؟؟؟

الرجولة تعني
كرامة
وقار
احترام
كرم
نخوة
قوة شخصية
لا يغلط على امرأة او يستضعفها .. لتبقيه رجلا وليبقى رجل
وعموما …. تعني كل القيم والاخلاق السامية …

اما اللي تتكلمين عنه اللي مخزمته … ومطيحه حظة .. ويركض وراج … يرحم والديج شوفيلج اسم ثاني له

بس لا تسمينه ريال

اذا كنت انت المرأة استضعفتيه … فما ابقيت له عند الرجال ؟؟؟؟

والله … الحرمة السنعة … لو ريلها ضعيف … كانت تتكلم عن قوته بين الحريم وتوصله السما
تنعته بعنتر بالبطولة
وبحاتم الطائي بالكرم
ولقمان بالحكمة
و و و … وبكل ما جمع الرجال من حميد الصفات ….

مو تطيح حظة اكثر ما هو طايح حظ !!!!

شوية كرامة يا بنت الناس … خليلج وخلي لريلج شوية كرامة !!!

يا ستي فضيها سيرة … وشوفيلك قسم غير المتزوجات … تراج متزوجة ريال رجولته بعقد الزواج فقط ذكر انه(الزوج) !!!

واسمحولي على الطرح بانفعال … لان الوحدة في حدود ما تقدر تتنازل عنها من الاصول .. وتشوف عقليات ما نتمناها في مجتمعنا المسلم العربي المحافظ … بعدنا اهل ديرة الخير والشيمة والشيم ,,, لكن !!!!!

………………. وتبقى مجرد وجهة نظر

تسلميييين

رفع لعيونج

فقدتج مدندنة قاعده اقول وينها ماكو موضوع يديد اليوم @@
ميرسي حبيبتي على الموضوع
الله يهديهم انشالله

/
.,

فعـلآ..كـلامج صحِ 100%..

تتفـاأخر فيـه بس عًٍ شنـوٍ..؟!
إنتي قـاأٍعده تذلينـه وتخلينـ الناس تـاخذ صوره عنـه..
حتى لو كـاأٍن كلامهـاأٍ تأليف..بسبب العقد والنقص اللي فيهـاأٍ..

تسلمين يـاقلبي ع هالطرح الحلوٍ..

.,
/

الله يعطيج العافيه صح كلامج والادهى ان البنات اللي توهم متزوجين يتأثرون بهالكلام الله يهدي الجميع

كلامج عدل بس اهم من حرتهم يقولون هالكلام

تسلمييييييييييييييييييين مدندنه
والله يوفقش ويرزقش الزوج الصالح
ويعطيش العافيه ع الموضوع

كلامج صح 10000000 %

كلامج بمحله حبيبتي والى الامام بمواضيع قويه جذيه ههههههه

معاج حق

على فكرة انا معجبة بمواضيعج ..

تسلم ايدج ..

كلاااااامج صح اي وحده اتكلم جذي ما فيها ذرة انوووثه
وتسلمين عالطرح المميز

معاج بالكلام ..

وللأسف والله مفهوم الرجولة ترا تغير بهالايام او بالاحرى الناس فاهمينه غلط

تسلميييييين على هالكلام اللي صح مية بالمية الرجال مهما صار يبقى رجال ماتسيطر عليه مرته والا تمشيه على هواها المرة اللي تحب زوجها تمشي على راحته وتسعده وتشيله بعيونها وماتسمعه الا الكلام الطيب منها

مشكوره حبيبتي والله انك ذكرتي كثير من الاخوات وخاصه الي توهم متزوجين;;;;;;;;;اذكر انا كنت بمشاكل مع زوجي على هالنقطه ليش مايصير مثل زوج فلانه اثاريه كله كلك بكلك بصراحه الي توهم متزوجين يحتاجون زي هالمواضيع لايصيرون مثلي كل شوي هواش لكن عرفت ان الحياة بالتقاهم

وااااي فديتج مدندنه خووووووش مواضيع
معجبه بكل الي تطرحينه للاماااااام دوووووم