قوووووووووووووووووة حريم
شلوووووووووووووووونكن
انا حبيت اعرف انتوا مثلي
هل طفولتكم وماضيكم وحياتكم الاسرية
مثل مشاكل امج وابوج واخوانج
لها اثر على حياتج الزوجية ؟؟؟؟؟؟؟؟؟
وشنو هل الاثر سلبي ايجابي للاحسن للاسوا؟؟؟؟؟؟؟؟؟؟؟؟؟؟؟؟؟؟
انا وااااااااااااااايد اثرت علي الطفولة ومشاكل امي وابوي علي حياتي الزوجية
صرت مثلهم للاسف مع ان بداخلي ما ودي وكنت مصممة اني ما اصير مثل امي
بس للاسف اكتشفت ان مو بيدي اختار شخصية زوجي
ولا بيدي امسح ذاكرتي
صرت ما اعرف اسولف لالالالالالالالالالالالالالالالازم نجرة ونقاش حااااااااااااااااااااااااد
مثل اهلي بالضبط
ابي كل وحدة تكتب التاثير ايجابي وسلبي وشلووووووون وشلوووووووون نتجنبة ونعالج الخلل؟؟؟ نبي تجاربكم او ذكرياتكم ؟؟؟؟ طبعا لا تقلدون اول وحدة تكتب لان كل عايلة غير عن الثانية
ودمتم سالمين
موضوع مهم اختي فلونه
فعلا انا كثير مأثره ذكرياتي على شخصيتي وخصوصا بعد الزواج
انا انولدت ببيت مافيه بنت غيري يعني مدلعه واي شي ابيه يتنفذ تقريبا الوالد الله يعطيه الصحه دلعني
لكن بعد الزواج حسيت اني تعبت فعلا لان يبيلك تستخدمين مع الزوج سياسه خاصه وشخصيه تناسب شخصيته
الله يعيين الجميع فلونه
,, واتمنى كل مشاكلنا تنحل..
مشكورة عالموضوع حبيبتي انا الحمدلله كانت حياتي يوم كنت صغيرة عكسج انا هادية بطبعي واكثر الناس يقولون عني برووود حدج
لووووووول وامي وابوي اكيد كان بينهم مشاكل كل بيت ما يخلى من المشاكل بس ما كانوا يبينون لنا هالشي ولا يصير جدامنا
بس فيني شغلة مرات ما اعرف اعبر عن شعوري ودي اتكلم ودي اقول ما اقدر ما يطلع مني وكلمة لا غصب تطلع 
انا حدي داخله لقافه >>>يعني عارفه نفسج
بس صج ترا الطفل ترتبط عنده العقد وهالعقد تصير سلوكياات
يعني مثلا بيت كله يصرخون مو شرط بين زوجين مثلا الام والابو مايتكلمون الا بصوت مرتفع
العيال بنهايه يبنون عايله بهشكل كله صراخ في صراخ …….
وبعد في شي ثاني اذا الام والابو قبال العيال اقولون حبيبي ولا حياتي ومن هالكلام … العيال اذا كبرو بشوفون شي طبيعي وراح اصير اسلوبهم نفس اسلوب الام و الابو ….. وبنهاية هذا راي
تقبلي لقافتي d:
اكيد الطفولة تلعب دور كبير بحياة و شخصية الانسان بالمستقبل عن طفولتى كانت كئيبة لاقصى درجة ابوى مات الله يرحمه و كان عمرى 3 سنين و امى الله يرحمها كانت وايد جافة بمعاملتها لنا و كانت تفرق بين الولد و البنت و كانت تموووت بالصبيان و تخاف على زعلهم اما انا و خواتى فبالطقاق كلينا ما كلينا زعلنا او بجينا مو مهم و بغياب دور الاب تفرعنو علينا اخوانى و كانو يطقونا احنا البنات على اتفه الاسباب و مافى اسلوب تفاهم و كان ما عندنا اى حقوق وامى تشوف و ساكته و ترتب على هالشى ضعف بشخصيتى و عدم ثقة بنفسى و هالشى خله فينى تأتأة و صعب نطق الكلمات و السبه هالشى ما صار عندى رفيجات الا لما رحت الثانوية صارت عندى شوية ثقة المهم بعد ما تزوجت كانت ثقتى مهزوزة بنفسى حتى ما كنت ناوية اتزوج لانى كنت اقول لنفسى هل راح اقدرعلى مسؤلية الزواج؟ فكنت ما اعرف اكلم زوجى و لا اعرف اتعامل مع اهله بحكم انى كنت ما اطلع او اقعد مع الناس قبل الزواج فصارتلى وايد مشاكل مع زوجى و بسبب عدم ثقتى بنفسى اعتمدت اعتماد كلى على زوجى حتى بقرارات شخصية ما كنت اعرف اتخذ اى قرار ولانى ما كنت شايفة الدنيا قبل الزواج و لا اختلطت مع البشر فكنت على نياتى زوجى فسر هالشى على انه خبال فكان على طول يراوينى انى ما اسوى شى من دونه و استغلنى بوايد اشياء غير جذبه الدايم لى يعنى لا من زوج و لا من اهل بس ذكرت شى قبل بمشاركتى بموضوع ان صار شى كبير بينى و بين زوجى عزز ثقتى بنفسى و فتح عينى على اشياء وايد و صرت شخصية ثانية صرت اعرف اتحاور و اتخذ قراراتى بنفسى و الاهم صرت اعرف ادافع عن نفسى و ما اخلى احد ياكل حقى الحمدلله على كل حال و اسفة عالاطالة
والله مو متزوجه بس يسلمو خيتو لان جد تفتحين عيونا على اشياء مكن نكون نغلطها ونتصرف نفس اهالينا
في اشياء أثرت فيني ايجابي واشياء سلبي ..
طفولتي كانت مع ام تخلي حقي لغيري لانها تمون علي وطبعا اثر علي بزواج والزوج لقاها فرصه وصار فرعون وكنت ما اطلب لو كاكاو استحي
واخاف وماكو شخصيه ابدا والحموله تشيل وتحط وانا على الله وبطفولتي سبحان الله تعرضت لكثر من حادث بس الله ستر وحفضني والحمد لله
اتصدقون بغيت انخطف وكنت رايحه لبقاله والحمد لله ركضت رديت البيت وانا ابجي وقلت لامي وابوي ماصدقوني بس رحنا بالسياره واقول ابوي هذا اهو وما صدقني والثانيه والثالثه والحمد لله سبب لي خوف بعد الزواج ما اطلع الا مع زوجي لاني متزوجه 14 وصغيره
والحمد لله تغيرت شخصيتي من ابو زوجي شخصيته قويه وعادله وصريحه الله يرحمه حتى زوجي يقول مرات تذكريني بابوي
طولت عليكم ماعليه قلبتو المواجع
.
اكيد أثرت طفولتي على حياتي الزوجيه انا مثلج تقريبا ..
وبعد ما اقدر اطلب منه اي شئ احس ما اقدر…
وما اقدر اقوله شنو يضايقني يعني عايشه بكتمان ماله حدود
الحمد الله ماعشت بجو فية صراعات لكن فى اشياء تعودنا نسويها وحنا صغار مثل طريقة الاكل او الجمعة اوالنوم ليلحيم معلقة بمخى واذا ماصارت احس فى شى غلط والسالفة مضايقة زوجى انة مشى الامور لاتدققين وايد
حبي لزوجي الان وتعلقي فيه ما جاء من فراغ انا عشت عن زوجة اب ظالمة ومع اب ما يدري عن شي حياتي كلها مشاكل وضرب واهانه الله لا يعيدها الحين انا متعلقة بزوجي لانه عوضني عن كل شي فقدته واحيانا اخجل من نفسي اني متعلقة في بزيادة بس ما انلام عشت حياة محد عاشها مع ابوي الله يسامحه
جان زين حياتي الزوجيه مثل حياة ابوي وامي
اي والله حطيت ايدج على جروح تعور اختي انا ربيت بين امي الطيبه وابوي المتسلط على كل شي وهالشي خلا المشاكل تزيد خاصه غقب ما كبروا اخواني وبدا كل واحد فيهم يبنيله شخصيه مستقله وهالشي ما عجب ابوي غير جذي مشاكله مع امي الي ما تخلص ولا زالت فكان الزواج لي اهو المهرب الوحيد الي يمكن اتنفس منه واعيش براحة بال فقمت اتحمل عيوب ريلي واهله الي ما تنطاق ولا اشكي لحد عشان احافظ على بيتي واتجنب الهواش وهالشي خلاهم يستسبعون علي وللاسف ريلي عرف نقطة ضعفي هذه وقام يستغلها صج انه الحين وضعي تغير بحكم اني الحين ارمله بس احس لو مو مشاكل اهلي جان دققت بزواجي اكثر مو انحاش من مشكله عشان اطيح بمصيبه الحمدالله على كل حال
انا التاثير كان ان تربيتنا كل واحد يعتمد على نفسه وكل واحد مثل ماعليه واجبات عليه حقوق لازم ياخذهم فنبت شخصيه نوعن ماقويه واستقلاليه حاول الزوج ان يدفنها بس لان اهو يحاول وانا اقاوم الذل وطمس الشخصيه …ادى الى انفصال لان حسيت شخصيته حيل منهزه ونوعن ما مريضه فما عجبتني …
وي سبحان الله شفت شلون الفروق بين البيوت
من زوجة اب الى ام طيبة واب متسلط
ومن ام جافة ويتم وغيرة وغيرة
لالالالالالالالالازم نقدر نتغلب على الماضي وما نخلي احد يستغل نقاط ضعفنا
انا نقطة ضعفي حاجتي للحب والحنان
من كثر ما طلبتها من ريلي اخرتها
مل مني وقالي لالالالالالالالالالالالالالالالا تترجين مني الحب خلا
المهم لا تظلمون عيالكم بسبة عقدكم
حرام
نورث غلطات اهلنا لعيالنا اللي مالهم ذنب(( علمي نفسج))
الله يعينكم بنات
واشكركم على هالمرور الحلو وهالمشاركة اللي فتحت عيني على شغلات واااااااااااايد
واختي الل ما تقدر تطلع من البيت بسبة محاولة الخطف يبا انتي كبرتي تغلبي على الماضي عيشي حياتج
الحياة مع الخوف موووووووووووو شئ
سالي مجرب ولا تسالي طبيب
الحياة الحلوة بدون خووووووووووووف
عشان تحسين بمعنى الامان
الله يبصبرنا ويقوينا نتغلب على ضعفنا ونستفيد من اخطاء اهلنا