|
|
مراحب بنات والله الوحدة احيانا تكون سنوات زواجها مو بسيطة بس ما تعلمت الكثير وهذى انا وحدة منهم
الحين انا وحدة عندى شريجة واهى للى ماخذته على
والريال قاعد يوقف بصفها ويدافع عنها وجنه خايف عليها لا اعضها 
طبعا لانى ذكية حدى وللى بقلبى اقوله وشغالة هجوم ليمن الريال كش منى
وانا امام خصم عنيد وذكى الا وهى الشريجة الاخرى لانها عكسى تماما باردة ومتماسكة وتدافع عنى جدامه وتدعيلى جدام سمعه وانا اعرف مافى زوجة تحب شريجتها وهذا شى بديهى صح
انا ابى اكون الاحب الى نفسه والاقرب لقلبه
.gif "Eh S(14)")
لان اهو حقى قبلها وابى اكون ذكية واتمسكن مثلها 
شنو اسوى شلون اتصرف يا ترى اطلب منه يمدد جلساته معاى او اخليه براحته اصد عنه او اقرب منه
انا احتررررررررررررررت معاه
لا تبينيله انج ملسونه و ماخذه حقج بإيدج
خليه يتحسف انه خذا عليج
روحي كلميه و قوليله انا راضيه عليك و ليلحين احبك
كسري خاطره
مو تتهاوشين معاها
بالعكس اصلا اذا انتي قاعده تتهاوشين و اهيا مسويه روحهاا مسكينه راح يقول طاع الفرق و حده انثى رقيقه و الثانيه لسانها اطول منهاا لوووووووووووول
صيري ذكيه
ما اجيب طاريها ولا حتى 1% من قعدتنا
اصلا اذا صار عندي ينسى ان متزوج غيري
واذا طرشت مسج له او اتصلت اسوي روحي ما قريت ولا سمعت
عشان جذي هو ينبسط عندي اكثر ويرتاج ماشاء الله
وعمري ما سبيتها او جرحتها بالكلام لاني اخاف ربي
وبالنهاية
العدل واجب عليه بالوقت والمصرف
انا يا فوفو ما ابى الظلم بس الشريجة تستخدم اسلحة ضدى والريال الحين ما اشوفه من وووووووووووووووين يعنى وين العدل
ولا اخذ مصروف ولا حتى اتصالات
ولما اقوله انت تبينى يقول اى
يعنى شنو رف عالاحتياط؟
بعد الله ما يرضى
كل شى ماخذته اهى وانا ببيت ابوى
حاولي تكسبينه بصفج و تسالين عنه و تجابلينه
صدقيني النكد والحنه اتطفش الرجال من بيته اكيد ماراح يمرج مايبي يعور راسه يبي يجلس عند شريكتج لانه مايسمع منها حنه ونكد
فا انتي ابدي شطارتج واكسبيه بحسن تعاملج معاه وصدقيني هو بنفسه راح يتغير
خليه يطلع منج ويقول اشلون انا هديتها وتزوجت
عاد انتي وشطارتج
والله يا اختي قهرررررررررر زياده على انه ماخذ علي قاطني في بيت اهلي ومايعدل لا بالراحه ولا بالمصرف عيل شتبين فيه؟؟
تحبينه؟؟ تحملى
ماتحبينه؟؟ بالطقااااااااااق
بس اهم شي الساااااالفه يبيلها طوووووله بااااااال وسعه صدر وشويه ذكاء
كلنا ندري ان الشريجه تحر وحرتها تطول بس بقولج نصيحه وعن تجربه
امي يتيمه ام وتربت عند مرت ابو مو كويتيه شديده وناااشفه والوالده اهي اللي كانت تربي خوانها وخواتها ولما تزوجت الوالد كان يبي بنت عمه وماتدري بس لان صارت بينهم مشاكل وانقطعت العلاقات خلاها
تخيلي طلعو عليها اشاعات الدنيا وكانت مكسوره ظهر لا عزوه ولا سند بس من اخذته واهي واصله باهله ولسانها حلو وياهم تخيلي لما كانت حاما باخوي الثاني وكانو مسافرين كانت تدزله مراسيل حب وغرام بترد العلاقات وصار لها اللي تبي تزوجها بس تخيلي عماته ولا وحده حضرو عرسه ولا حريم خوانه كلهم كانو عندها نفس الليله وماصار الصبح الا الوالد عنده يتفطر
والمره كانت حلوه وكان يموت عليها بس من حركاتها وخبالها ماطولت عنده (( مايخرب على المره الا لسانها ))
والحين البيت والخير كله صفى للوالده لانها صفت النيه لله وصبرت وماعقب الصبر الا الفرج
زينيله الجو وصكي حلجج عنها ادري صعبه بس مع الوقت بتتعودين
لا اله الا انت سبحانك اني كنت من الظالمين ( تبعد الهم من القلب)