حماتي والتفلسف الزايد!!!! انقذووووووني

مساء الخير شلوونكم ؟

انا ما احب القيل والقال بس حبيت افضفض واخذ ارائكم

انا عندي اكثر من حماة وانا ماحب احتك فيهم وايد لانه طبعهم مو اجتماعييين وعشرييين فيهم ثقالة طينة شوي

احاول اجاملهم واوجب بس لانه كنت متوقعه شي وطلعوا شي

لكن عندي حماتي اللي وايد تصرفاتها معجبتني

دائما تحاول تتفلسف جدامي عن اي شي وتعطيني حكم ومواعظ ونصائح مع اهي اول الناس من يحتاج لها ! مع انها والله يابنات ماتوجبني وفيها نحاسة موطبيعيه وحركات مو سنعه

مشيت معاها وايد

علشان بيتي وزوجي واهله

بس اخر مره حسيت انها قامت تتدخل بخصوصياتنا شوي مع اني والله ما اتدخل لا بحياتها ولا بحياة اي كان !

استغربت واستنركت منها هالتصرف بس طوووووووووفت

وماعطيتها ويه اكثر !

فابي رايكم شلوون احط حد بدون عوار راس وتحفر وقيل وقال

وانا صج استغرب من بعض البنات

يا اختي مثل ما تبين حمولتج تعاملج عاملي بنات الناس !!!!

الله الهادي ويثبتنا على طاعته ويهنيكم بنات

وعلى فكرة حمواتي الباجي فيهم من اطباعها بس اهي توووووووب اهما اطيب منها شوي ولي اني انا ما اطيح الميانه وايد

ماشالله ليش لازم الحموات جذي يصيرون :/

مع ان انا مو جذي مع مرت اخوي اصلا كلش ماتدخل بحياتهم ولا لي شغل فيهم

المهم انا اقولج

انا حماتي قبل كانت فلللللم الافلام

تخيلي مناشبتني بريلي يقولي ييبيلي ماي تقوم تركض تييبله ولا عالغدا قال طاوليني الفاكهه تقوم من مكانها بس عشان تعطيه صحن الفاكهه والله لو ريلها قالها ييبيلي جعمته :/
وكانت يوميا تدق على ريلي اللي انا مرته يمكن مادق هالكثر عليه
وهم وصلت فيها انها ادرعم دارنا بدون لا احم ولا دستور عاد الواحد يسكت مره مرتين بس مو اكثر

المهم انا ما كلمتها ولا واجهتها كل اللي سويته اني تفاهمت مع ريلي وقتله ماصاارت شالحاله انا ابي ارتاح معاك مابي كل يوم نجره بسبة اختك وخليته يفج عنها ومايعطيها ويه وانا بعد صرت كلش ما كلمها لما عاد اهيا حست وماقامت تزودها

وانا اقول الحقرااااااان

شوفي ياقلبي احسن شي حق هالمشاكل التطنيش يعني اخذيها على قد عقلهاا واذا قالت شي غيري الموضوع ولا ردي عليهاا رد عادي من غير خصوصيه وبجذي بتريحين مخج منهاا

عطيها طاااااف (( طنش …. تعش …. تنتعش ))

أنا عندى قناعه أنه أى شي يزعجنى أواجهه وأنهيه
يعنى أحط حد وأتكلم أشكرا لو سمحتى لى هنى وخط أحمر أنتى حماتى وعلى عينى وراسي بس خصوصياتى لاتتدخلين فيها وبس
والله الصراحه مريحه ياخوات

دششي من هني وطلعي من اهني
لمن تمل
وخلي علاقتج فيها رسمية

طولي بالج عليهم واتبعي الاتي

1- اذا تتيمعون اسبوعيا بدال لا تقعدين 6 ساعات قعدي 3

2- لمن تتدخل باشياء خاصه باسلوب راقي ومؤدب اتقولينلها رجاءً هذا شي خاص ماحب التدخل فيه

3- اما على سالفه السنع والتوجيب الله لا يعوزج لهم وطوفي عشان ترتاحين

تحيـاتي يا حلاتي

الظاهر الكل يشتكى من الحموات اول كانت الخاله الحين صارت مكانها الحماة
صدقبننى حبيبتى هذا كله من الغيره منج وكل شى يبونه حقهم ماجنه عندهم ريايل لا ويمكن رياييلهم احسن
من ريلج بس اهم مايقولون _03ba:شوفى حبيبتى اللى مثل هالنوعيه لاتردين عليهم بس اذا الشى موعاجبج كل حطيه على ريلج وبعدين اى شى يغثونج فيه قولى حق ريلج لاتخشين عنه ولاشى لان هذيله مو كفو انج تخشين عنهم ترى بالنهايه راح يقولج ليش ماقلتيلى الحين توج تقولين ..خليج قويه ترى اهم مايخافون الا من اللى اقوى منهم
الله يعينج

الله يعينج

والله والله
نصيحه اذا هم كذا خليهم من بعيد لبعيد
يعني سلام عليكم وعليكم السلام لا اكثر ولا اقل
والله العظيم اول ما عرست وحده من حموااااتي قالتي كلام فضيع عن ناس في العايله خلتني اكررررررررررررررررررهم
بالاخير كل الكلام طلع كذب في كذب وما اكتشغت الا بعد 3 سنوات وانا اي شئ اقوله لها على طول تقوله لاهلها حتى لو شئ خاص
فصرحت اتلاشها حدي سلام واسالها عن صحتها وصحة عيالها وووووووووبس
والحمد لله ارتحت

التطنيش وبس

الله يعين اشوه مع عندي حموات

طنشيها وارتاحي ودام زوجج بصفج ماعليج من احد ياربي انا بعرف هالحموات ماكو شغل والله الوحده تريح راسها وهذا اخوها اذا ماتبيله الراحه من تبيها له اجل واذا مسعده اخوي بمووت فيها

والله انتج صا جه يا ملح وسكر

خوش صوره للتوقيع ههههههههههههههههههههههههههههههههههههاهاهاهاي