|
|
السؤال ( 1 )
شنو الشي اللي توقعتيه بالزواج والحياة الزوجية بس ما حصلتيه ؟
السؤال ( 2 )
وشنو الشي اللي ما توقعتي انج تلقينه ولقيتيه ؟
السؤال ( 3 )
انتي وزوجج ،، شنو تتمنين منه وشنو يتمنى منج ؟
اول وحده بجاوب
السؤال الأول : كنت متوقعة الزواج واااااااااااااااااااايد اسهل من جذي ، كنت معتبرة تربية العيال اسهل شي والمعاملة مع الزوج والحمولة ،، كان الزواج بنظري حيل شي بسيط وسهل وكل دقيقة وناسة وضحك بس اكتشفت انه مسؤولية ولوية بمعنى الكلمة .
السؤال الثاني : ما توقعت ان عاطفة الأمومة جذي ،، اهي حلوة بس متعبة لاني وسواسية بدرجة مو طبيعية على عيالي .
السؤال الثالث : يتمنى زوجي مني اني افصخ الحيا وأبادر في بعض الأمور ،،، واتمنى منه البيت 
وانتوا بنات ؟
اللي ماتوقعته : ان ريلي يكون بهالطريقة فاق توقعاتي بحبه لي الحمدلله
اللي انا اتمناه منه ان يظل جذي العمر كله واللي هو يتمناه مني اني اسعده وارضيه
شكرا عالموضوع الحلو
اني اطلع واقز الفير لوووووووووووول بس ما حصل لي
وشنو الشي اللي ما توقعتي انج تلقينه ولقيتيه ؟
ما هقيت اني راح اتعلق بريلي لدرجة الجنووووووون :$
انتي وزوجج ،، شنو تتمنين منه وشنو يتمنى منج ؟
ممممممممم
مادري بصراحه شنو يتمنى ريلي مني
انا اتمنى منه انه الله يسخره لي ولعيالي دووووووووم
شنو الشي اللي توقعتيه بالزواج والحياة الزوجية بس ما حصلتيه ؟
توقعت ان اهل زوجي بيكونون اكثر من اهل بس للاسف
السؤال ( 2 )
وشنو الشي اللي ما توقعتي انج تلقينه ولقيتيه ؟
ما توقعت ان يكون زوجي بالحنيه
السؤال ( 3 )
انتي وزوجج ،، شنو تتمنين منه وشنو يتمنى منج ؟
اتمنى منه بيت او شقه ,, و يتمنى مني اصير جدا قريبه من الله
السؤال ( 1 )
شنو الشي اللي توقعتيه بالزواج والحياة الزوجية بس ما حصلتيه ؟
انا توقعت ان الزواج كله وناااااااسة
وفكر فاااااضي كان عندي عصفورين طيور الحب العاشق والمعشوق
كنت اقعد بالساعات اشوفهم واشوف تصرفاتهم وشلون واحد يطير والثاني يلحقه ودايم يكونون لازقين في بعض
وكنت اتخيل ان المتزوجين مثل هالطيور حياتهم بس طلع الزواج غيييير
من مشؤليه وواجبات كل واحد اتجاه الثاني وواجبات اتجاه الاهل وعيال وتربيتهم
السؤال ( 2 )
وشنو الشي اللي ما توقعتي انج تلقينه ولقيتيه ؟
اني اكون قد المسؤلية بالنسبة لصغر سني بس الحمد لله
طلعت قدها وقدود
السؤال ( 3 )
انتي وزوجج ،، شنو تتمنين منه وشنو يتمنى منج ؟
انا اتمنى منه اني دايم اكون من اولوياته في الحياة
واكون حبيبت قلبه مافي قلبه غيري وانه يكون سندي وعمود بيتي
واهو يتمنى مني اني اكون داااااايما على يمينه وايدي بيده
نحافظ على بيتنا ونربي عيالنا ونبني مستقبلنا ومستقبل عيالنا
[/b]
أبلة رسم كتكوتة
في بحرهم عذبوني
الكويت غالية
تسلم ايدكم على ردودكم
والحمدالله انها يت على تحمل المسؤولية اللي ما كنا متخيلينها جذي ،، والله يهدي ازواجنا وعيالنا وحمولتنا وما يفاجؤونا ابأشياء تشيب الراس
شنو الشي اللي توقعتيه بالزواج والحياة الزوجية بس ما حصلتيه ؟
كنت متوقعه اني احب خالتي مثل امي و اكثر بس اهي خربت السالفه و راحت عليها ..و كنت متوقعه ان الزواج بس ترتيب و تنظيف و مجابل الريال و طلباته ..ماكنت حاطه حساب حق الليالي الرومنسيه و هالسوالف و عيد ميلاد و هالحركات
السؤال ( 2 )
وشنو الشي اللي ما توقعتي انج تلقينه ولقيتيه ؟
ان ريلي يحبني هالكثر …و انا قايله اني ماابي احب ريلي وايد ..الحين انا ميته فيه احم…و ما كنت ادري ان الرياييل عندهم رومنسيه و حركات و شموع و هالسوالف
السؤال ( 3 )
انتي وزوجج ،، شنو تتمنين منه وشنو يتمنى منج ؟
اتمنى ان انا وياه نحب بعض للابد مهما كانت الظروف
مشكورة حبيبتي على ردج