ما سبب عشق بعض الرجال المتزوجين من بائعات الهوى؟؟؟

السلام عليكم و رحمتة الله و بركاته

الموضوع من العنوان

ليش بعض الرياييل المتزوجين يتركون زوجاتهم و يسافرون للحرام؟؟؟
لا تقولون إهمال الزوجة قد يكون سبب و لكن في بعض النساء المتزوجات ماقصروا مع أزواجهم و مع هذا رياييلهم يسافرون للحرام…
شنو اللي يسوونه هالبائعات و حنا ما نسويه؟؟ ناقص شي ما سويناه؟؟ إذا من ناحية الجمال أعتقد هالشي ماله تأثير لأن الوحده تقدر تعدل من شكلها ولبسها والأسواق مو مقصره كل شي موجود…

الحين أخواتي نبي نتناقش شنو نسوي لأزواجنا عشان ينسون بائعات الهوى؟؟ أو بمعنى ثاني شنو الموجود عند بائعات الهوى و موجود عندنا؟؟؟

كل وحده تحط فكرة مهما كانت عميقه أو بسيطه…
من جميع النواحي سواء دلع، لبس، أو حتى من الناحية الجنسية

بإنتظار ردودكم…

تعديل:
أو بمعنى ثاني شنو الموجود عند بائعات الهوى و >>مو <<موجود عندنا؟
آسفه عالغلطه

عين فارغه !!

رجاله ما تملا عينهم غير التراب

ماكو سبب بس الي يسوي جذي بعيد عن ربه اولاا ثانياا غرته المظاهر !

حسباله انه هالبنت (( بائعه هوى )) راح تونسه اكثر من حلاله مايدري انهاا تمثل عليه عشان فلوسه اخاف بس من زود جماله !

وفي صج ريايل حريمهم ما يمتعونهم عشان جذي يلجأون للحرام ,, وطبعاا اكبر غلط الي يسوي جذي بدال ما يصارح مرته ويصححون الامور يزيدونهاا مشاكل :

انا انصح انه الوحده اول شي تفهم ريلهاا وشنو يعجبه وشنو يحب وما يحب واهم من كل هذا المناااقشه والمصارحه بينهم ,,

انا ماحط نفسي بمقارنه مع هذول واذا بيسوي شي ربي بيحاسبه ويعاقبه

والله حبيبتي مو قاصرنا شئ كفاية أخلاقنا وديننا والله العظيم اني أعرف حريم مو ناقصهم شئ ملكات جمال بمعنى الكلمة ومولعين أصابيعهم العشرة شموع للريال وفوق هذا اكتشفوا الخيانه من أزواجهم أنا من وجهة نظري هذا خلاص اتعود على الحرام من قبل الزواج وقلة الوازع الديني وعدم التربية الصحيحة ومريضين نفسية وهذا انسان ما يتعاش معاه وهبلة الي تكتشف من زوجها خيانه وتكمل معاه أصلا كفاية انها تخاف لا ينصاب بمرض مثل الايدز ويصيبها معاه الله يجيرنا بس

بنات الهوى على قولتج هواء ضايع واللى يخربط مصيره اشاء الله بيتوب البلاء من الزوجة اللى تخربط

الله فوق كل ريال يدور على هالخرابيط حتى لو زوجته مقصره هذا ما يبرر موقفه لو صج تقصيرها مأثر عليه جان كلامها مره ومرتين وعشر واذا ما عطته اللي يبيه يتزوج بالحلال ولا يوصخ نفسه بهالاشكال

السبب الاول بعده عن الله وقله دينة
الشي الثاني ان هالبائعات الرخيصات يكونون بالغالب ممثلات محترفات في اظهار الرغبة — فتثير في الرجال رجولته وفحولته فيحس انه مرغوب ولو بفلوسه !!
وماكو سبب يخلي الرجال يسافر عشان يدور هالقذارة الا دنو نفسه لان الرغبة اذا ماارتبطت بالود والحب والعشرة والثقة والامان تكون رغبة حيوانية بحتة — والا شنو يعني انه يرتبط جسديا بوحده غريبه عنه ومتأكد انها عاشرت شكثر غيرة وقد تنقل له اقذر امراض العصر !!

الحمد الله الذي عافانا والله يهدي كل مسلم ضال

معاج بكل كلمه

على حسب شخصية الرجال ودينه !!

اذا مافيه وازع ديني وخوف من الله << اهني تغريه المظاهر وبائعات الهوى ..

ياعمي اذا ما تخاف من ربك !! خاف على نفسك وزوجتك من هالامراض الي من هالاشكال المؤرفه ..

الله لا يبلانا يارب .. ويتسر على بنات وشباب المسلمين ..اللهم امين ..

صج لي قالوا ان الريال ما تملي عينه الا تراب كل الريايل عيونهم زايغه عشان جذي الوحده المفروض على طول متكشخه ومتزينه وكل موضه تطلع تسويها طبعا بالبيت ونصير حق ريايلنا عرقوز يالله نعجبهم لان الريال بطبيعته يحب التغير علشان جذي كل يوم سويلج ستايل

انا اقول لج ليش

لانهم ماعندهم سالفه فراااغ او يمكن هبال
لو عندهم شوية عقل جان خافو من الامراض والبلاوي الزرقه

الله يهديهم انشالله

الموضوع حلو بنات ندري ان اهو ماراح عند بائعات الهوى إلا عشان اهو ما يخاف ربه بس ليييش؟

لو تشوفونهم هذيل ماعندهم كلمه لا ولا عندهم انا تعبانه ولا عندهم ممنوعات وانتو تدرووون في اشياء حرام ما يقدر يسويها مع مرته وبعدين الريال يبي وحدة شاطرة او فاهمه وهذيل تلا قينهم من وهم مراهقات عارفيين ومتثقفييين و عارفيين نقاط الضعف واستغفر الله من واحد لي واحد عارفة نماين الرياييل ام احنا الشريفات العفييفات على ويهنا ما نتثقف إلا عقب ما نتزوج عرفتو
والحمدالله على الإسلام

<صاجة

اقولكم بصراحه المسئلة كلها انه تحت ضيج .. وحتى لو الزوجه اضيج بس الريال يروح يشوف غير عباله بتكون اضيج

يعني المسئلة كلها متعه .. هذا اذا المرة مو مقصرة ..