|
السلام عليكم
تمنيت مايكون هذاااا اول موضوع لي للمنتدى الرااااااائع بس مو بيدي
ابقولكم سالفتي تكفووون والله تهت مالي الا الله ثم انتم دايم تلقون الحل الصح عس الله لا يحرمني منكم
بدخل للموضووووع على طول
انا وزوجي المصون قاعدين نأثث شقتنا وتو مبلشين بصبغ الحائط انزين وين المشكله انا اقولكم
كنت ناويه اصبغ بنفسجي بكيوي ميته على اللون وكان الكل ذامني لا تصبغيين مو حلو ومن الحجي الزاااايد
انا اصريت احب اللون مافيها شي كيفي انا حره
المشكله مو هني المشكله انه غرفة الخدم ملوووت عمتي جدام شقتي هم قاعده تنصبغ وزوجي عشان مو مطمن للصبغه
شنوووووووووو سوى الله يهديه قام وصبغ غرفة الخدم ملووت عمتي نفس صبغة صالتي اللي انا طالبتها علشان يشوف
ولمن طلعت فووووق بشوف الشقه انصدمت لمن شفت الغرفه نفس اللون اللي انا ابيه لصالتي وكان زوجي وام زوجي معاي
وتناقشت معاه قلتله لييييييييييش جذي انا اللي طالبه الاول وترووح تسويها نفس صالتي ولااااااااااا مع منو غرفة الخدم اه اه اه
يالقهر واللله بغيت اموووت من القهررررر وام زوجي تضحك بارد قلبها وتقوووول الله حلوووه ماتوقعت اللون جذي يطلع
مشكور حبيبي على الصبغه الحلووووه ؟؟؟؟؟؟؟؟؟؟؟؟انزين انا وين رحت
والله يابنات كتب لكم وان اارجف من القهررررررررر وتخانقت معااه توقعوااا شنووو يقول ؟؟؟؟؟
احسن لج علشان تتطمنين للصبغه الحين اشرايج فيها ؟؟؟ قلتله شنننووووو خلاص مابي اللون والله كرهته مابيه
ابي اغير لوووون صالتي قالي مالج شغل منو بيدش غرفة الخدم ماحد رااااح ايشوفهم انتي عليج بصالتج وبس؟؟؟ قلتله انا
تقارني بغرفة الخدامات امهات خيسه لا اشراااايك اجيب قنفاتي واحطهم بغرفتهم مو احسن تطلع فله جان يقولي انتي مره
طمااااااعه<<< طبعا هذااا الكلام بيني وبينه ؟؟؟؟؟؟؟؟؟؟؟؟؟؟؟؟؟
والحين معصب لاني متخانفه معاااااااااااااه
ولا ازيدكم من الشعر بيت اتقوول ام زوجي اي احسن لا تصبغين علشان عجبني اللون بحطه حق صالتي
وانا قااااااااااااااااعده على اعصابي تكفووووووووووووووون دلوني شنوووووو الحل معااااااااه وشلون اجيه بالطريقه
اللي تخليه يقتنع من كلامي يا انه يغير صبغة الخدم او صالتي هذا الحل الوحيييييييييييييييييييييييد؟؟؟؟؟؟؟
رجيتكم لا تفشلوووني ابي رددودكم اللي تبرد على قلبي المحترررررررررررررررق
اعذوروني اذا كلامي مو مركب ترى والله من القهرررروسلامت قلوبكم الحلووووووووووووه
شوفي هو شي يقهر صراحه
بس مدامج توج متزوجه لا تكبرين الموضوع ترا بالنهايه صبغ مو اكثر
تقدرين تمشينها عادي
او تساحلينه بطريقه غير مباشرة مثلا تحطين بطوفه منهم لون غير على بو بتدخلين لون ثاني
و طوفه ثانيه ورق جدران و طوفه لوحات كبيرة جذي يعني
تغييرات و بعدين حبيبتي مهما كان انتي شقه عروس مهما حطوا الخدم ماراح يصيرون نفس شقتج
مادري لا تكبرين الموضوع مع زوجج و تزعلينه
دقي عليه حبيبتي و اذا فتح لج الموضوع قوليله انا بغيت نتميز بشقتنا حبيبي مابغيت احد نفسنا جذي من هالسوالف
ساحليه و بالنهايه صبغ تقدرين تبدعين بالاثاث
و لا تضايقين نفسج
وطالع حلوو طيب انتي ليش مسويه مشكله حتى لو احد شافهاا قولي صبغناها عشان نشوف االلون طالع حلو لا
واذا ماتبينهاا خلااااااص قولي ابي اغيره ابي على لون القنفاات او الجلسه
وغيري كل شي ودام خالتج تبي الصبغ عجبهاا خلاااااص عندج عذر انشاءلله يوافق ياقلبي
ولاتبينين لحد انج متظايقه
ادري انه شي احر بس هدي علشان تقدرين تفكرين بلون ثاني احلا من الاول
ولا تتهاوشين مع زوجج لانه الهواش ما ييب الا العناد عند الرجاجيل كلميه بالهداوه والكلام الحلو وراح اسوي لج الي تبينه
والله يوفقج معاه ويبعد عنكم المشاكل
بصراحه !! صج مو عارفه شرد عليج كل شوي اكتب وامسح ..
بس ماحبيت اطلع بدون رد
الله يسخره لج يارب ويوفقج
على شنو تنقهرين
ترا الخدامه انسانه حالنا من حالها بس الفرق بينا وبينهم
ان الزمن والحاجه الزمتهم انهم يخدمونا
شوفي هو شي يقهر صراحه
بس مدامج توج متزوجه لا تكبرين الموضوع ترا بالنهايه صبغ مو اكثر
تقدرين تمشينها عادي
او تساحلينه بطريقه غير مباشرة مثلا تحطين بطوفه منهم لون غير على بو بتدخلين لون ثاني
و طوفه ثانيه ورق جدران و طوفه لوحات كبيرة جذي يعني
تغييرات و بعدين حبيبتي مهما كان انتي شقه عروس مهما حطوا الخدم ماراح يصيرون نفس شقتج
مادري لا تكبرين الموضوع مع زوجج و تزعلينه
دقي عليه حبيبتي و اذا فتح لج الموضوع قوليله انا بغيت نتميز بشقتنا حبيبي مابغيت احد نفسنا جذي من هالسوالف
ساحليه و بالنهايه صبغ تقدرين تبدعين بالاثاث
و لا تضايقين نفسج
حبيتي انا مو تو متزوجه صارلي 6 سنوات وعندي 4 اطفال بس بنيت فووق وكبرت شقتي االلي قبلها كااااااانت حيل مجكنمه
حبيبتي انا صح كلامج بس اللي يقهر انه مسوي نفس الصبغه والديكوووور كلش شي يقهرررر
وشكرا ياقللبي على المرور الطيب
شلونج حبيبتي الحين؟
اي والله انا معاج انه شي يقهر ويبط الجبد بعد ويزززززعل
ولا اهوا شكو يصبغها بغرفه الخدم وصج ماله عذر لو يمي كفخته
بس الحين اهوا سواها وخلص يمكن على قولته بحسن نيه انه بس يبي يشوف ويجربها
الحين انتي مولازم تزعلين وتضيقين خلقج بكل هداوه قوليله انت ماخذت رايي بالاول ولو انك قايلي يمكن انا الي اقولك خنجربها
بس لاتحاولين تبينين له انج منقهره لانه ماينفع موقفج بالعكس قوليله اعجبك ذوقي؟ واذا قال اي قوليله خلاص انا لي ذوق وانا مستحيل اطلع شقتي بشكل مو حلو
وانتي بسالج شرايج باللون طلع الي تبينه ولا لا؟؟ وانا من رايي شوفي درجات ثانيه من نفس الالوان او غيري بالطريقه وبالاخر مع الاثاث يتغير كل شي
هدي ولا تعصبين فكري شلون تخلين هالموقف من صالحج بس لاتخربين على نفسج بموقف مايستاهل