|
|
بنات بقولكم موقف حلو صارلي ويا زوجي العزيز الي حدي احبه واموت عليه
عسى عيني ماتبجيه يارب ،، والله يخليه حقي ويخلي ريايلكم لكم يارب وعساكم تعيشون بسعاده ،،
بقولكم على سر والله احنا البنات نعرفه بس مادري ليش نستصعبه احيانا او الشيطان يخلينا نحنج مرات بس نعصب على رياييلنا ،،
الريال شنو يبي من المره غير الريج الحلو والكلام الحلو والدلع والدلال له
ولا قال شي المفروض نقول حاضر ..
خل اقولكم موقفي الحلو الي صار صج ان شي بسيط بس بنظري احلى شي
ريلي يوم الخميس الي طاف وداني الافنيوز وتغدينا بمطعم ليلى انا وياه وقالي اشتري الي تبينه وعطاني 200 دينار هديه حقي
المهم امس راح الافنيوز مع اخوه وكان حاط له مبلغ معين ان يشتري فيهم له ملابس وطبعا اهو غرامه الماركات
قالي كنت حاط ابالي اني اصرف كل الفلوس لي لاني من زمان موشاري لي ملابس
بس يوم شفت مسجج الحلو حدي استانست وقلت لازم ما انسى الغاليه ام عزوز تستاهلين ماي عيوني
المهم انا شنو دزيت له ؟؟
(( كتبت له : حبيبي مو تبخل على نفسك بشي عشانا انا وعزوز واشتر الي بخاطرك فيه ياعمري ياحياتي انت )) ..
في اسهل من هل كلمتين ؟؟ ما اتوقع بس والله تأثيرهم حيل حلو وحدي كنت مستانسه لمن رجع قعد يراويني ملابسه وكان خاش لي هديه بالكبت
انا قاعده اشوف اغراضه واقوله واااااااااو يهبلون حدهم حلوين وعليك بيطلعون احلى عليك بالعافيه ياعمري
تستاهل ..
المهم قاعده ابدل جان يطلع لي جيس ck
ولابعد عمري شاريلي جنطه وبوك حدهم حلوين ،، قالي شفت منج هالمسج وحدي استانست منج
فقلت لازم ما انساج 
فقلت لازم اعود نفسي ان اكون ويا زوجي جذي واتعامل وياه بالاسلوب الحلو عشان انا وياه نرتاح بحياتنا ..
الي عندها موقف تقووله
فيدونا اهل الخبره
الله يتمم عليج …
مشكووووورة …
ولا يحرمكم من بعض
ويحرسكم من العين
يارب
تسلمين حبوبة على الموضوع الحلو
والتذكير الراقي
يزاج الله خير حبوبة
فديتج
يا ام السنع كله
وكل ما قالج شي قوليله حضر وان شاءالله وتامر امر يا الغالي
حاولي ماتكدرين خاطره بشي ..
|
المشاركة الأصلية كتبت بواسطة شيخة الحلوة
 عسا ربي يجعلكم قرة عين لبعض
ولا يحرمكم من بعض ويحرسكم من العين يارب تسلمين حبوبة على الموضوع الحلو فديتج |
بعد قلبي تسلمين لي على هالدعوه الحلوه كلج ذوق ياذوق ،،
الله يسلمج ياقلبي حياج الله نورتي الصفحة بكلامي الراقي
وبذوقج ،، مشكورة وايد وايد
والله يتمم عليكم ويهنيكم
مع التحية…………
انا هذاك اليوم ريلي تاخر بالليل وطرشتله مسج كتبت فيه ( الغالي مايدري ان في ناس يحبونه وسهرانين الليل ناطرين يشوفون عيونه الحلوة ) تدرون شسوه دق علي على طول وقال والله لو ادري انج ناطرتني جان رديت من زمان
بس تدرون اني يوميا انطره وما انام الا لما يرد وهو يدري بهالشي بس المسج اثر فيه حيل
تاخذين قلبه بالكلمه الحلوهويسعدج بحيااتج