|
مـوقــادرة أتحمــل بنـــات
بنات انا عندي رفيجتي .. وهي مو بس رفيجة لا أختي .. اليوم زوجها قهرها
وعور قلبهااا المسكينة ..
أول شي اهيا مع مرت حماها .. علاقتهم مو زينه ولا حتى مع حماها
مرت حماها غيووورة وكريه وحسوده وعيونها حاره بعد
رفيجتي عندها بنت وتوها اسم الله عليها ولدت من اسبوع
عبالكم مرت حماها يتها .. ولاعبرتها حتى بكلمة مبرووك ماقالت لا هي ولا ريلها
قالت طقاق فيهم ونست موضوعهم .. نيي للطامة
ريلها ماصدق على الله ولدت راح وسافر .. << ريل رفيجتي
وروح واشتر لمرت اخوه ساعة ماركة اتينن يمكن بـ 200
تقوله ليش تشتري لها تهيني ؟؟ واهيا حتى مبروك ماباركت لي
ولاتحمدت لي بالسلامة ..
يقول شسوي اخوي دق علي ووصاني
وقال ييب الساعة الفلانية ..
بنات شتسوي .. وربي اني محتره لها .. اهيا الحين تكلمني وتبجي بجي الموووت
تحس هانها وماحشمها .. تخيلو طرش لها مسج يقول لها الله يهديج ……..!
بس
الله يعينها
ويهديه
والله يسعدهم يارب ويبعد عنهم الحسد
ليكون له علاقة مع مرت اخوه استغفر الله وبس ولا شنو يعني يشتري لها ساعة ب200 هذا واهي ما عبرت زوجته ولا باركت لها قطيييييييعة >>>> منبطة جبدها
الله يعينها
اما سالفت الساعه تحرر والله
شنو اخوي قالك جيبلي الساعه الفلانيه قول ماعندي المبلغ اللي يكفي
لايكون ماجاب شي حق زوجته صج صج الله يعينها والله موقف خايس
لو بيعطي ريلها فلوسها اوكي اما جذي لأ لاترضين
ام ضاري لا ياب لها ..
انا ابي حل نحسس ريلها انه نذل وحقير
شلون بنات ..؟؟؟؟؟؟
ترا انا بأجي وأكفخه <<<<حدها قويه هههههههههه وشكله على نياته لاتعكر على نفسها اهي بس
اممممممم صج شي يحر قوليله خل يقول حق اخوه ان ما حصل الساعه بكذا مكان دورها ومالقاها ،، وانتي اخذي الساعه حلال عليج ،، قوليله انها ما تستاهلها يعني انته ترضى انه وحده ماتعبر زوجتك ولا حتى تكلف نفسها وتقولي مبروك وحمدلله على سلامتج وتروح انته تشتري لها ساعه !! خلها تولي
لو بيعطي ريلها فلوسها اوكي اما جذي لأ لاترضين |
اهوا الي مسافر ويوم الخميس بيطب الديره ياعل يطب في بطن مرت اخوه يني
واهيا نفاس عند اهلها ..
وبيروح لأهله على طووول .. يقط اغراضه
وبيعطي مأصوفت الرأبه .. غرضها لأن اخوه اكيد اللي بيستقبله من المطار
انشهد انها مرت حما قطيعة حقيرة عاد انا مرت حماي ماتسلم علي واجيب هدايا لزوجي كل ماسافرت
|
لا اللي عندج افه الله ياخذها .. صج ماتستحي
الله يعينها يارب بس والله حرة واهي لاتفكر فهالموضوع ما راح تغير شيء واللي فات مات ب انشاء الله مايعيدها
ترا انا بأجي وأكفخه <<<<حدها قويه هههههههههه وشكله على نياته لاتعكر على نفسها اهي بس |
صاجه شي يقهر
خليه يقول نسيت اشتريها واذا ملللللللزم لازم يعطيها اخوه
فهو جابها علشان اخوه موصيه مو علشانها
ولاتخليها تخرب عليها حياتها لانه خسيسه واكيد بمكرها تبي توصل لهشيء تخرب بينهم
ولو زوجها بينه وبينها علاقه ماكان قال لها لاتكبر الموضوع ولاتخلي هذي التافهه سبب في مشكله او دمعه تنزل منها
علاقتها مع مرت حماها غير…
وعلاقة رجلها باخوه غير ماله شغل اخوه وصاه بالساعه ماله شغل بعلاقتها مع حماتها