|
|
دايما نقول نبي حقوق المرأه نبي حقوق المرأه بس حتي الريال له حقوق تعالو نشوف :
ما يرفع ضغطي شَي مثل كلمة حقوق المرأة .. وبالذات في الكويت .
وهذي المشكلة طلعت متى؟ بعد 11 سبتمبر … سبحان الله ..
يعني كانوا من ألف وأربعمية سنه نايمين .. وفجأة صحوا وقالوا: وييييه … شنو هذا ؟
ترى إحنا لنا حقوق؟
منظر عام
رجال محترمين مثل الورد واقفين أمام صراف في بنك .. وتِجي أختنا في الله
اللي يقولو إنها مهضومة الحقوق) تتقدم للصراف مباشرة ولا على بالها من الطراطير اللي
واقفين من ساعات .. وبعضهم مستأذنين من عملهم. طيب ليش ما توقِّف تِمسك دور
ورا عشرين بنغالي… وثلاثين باكستاني… وخمسين كويتي…. واثنين معقبين معاهم
شوية فواتير مقاس إكس لارج .. وإذا أحد كلمها وقال لها أتفضلي يا أختي ترد عليه
وتقول: لا،ما عليه. المرأة مثل الرجال …. خليني في الطابور ….. مثلي مثلكم ؟! ….
ليش ما تقول جذي ولا بس تعنتر وبس! ونفس المنظر في الجوازات …..
والأحوال … والتأمينات .. ويقدر أحد يتكلم … يقول إنه من ظهر أبوه …. يفتح فمُّه؟ ….
على طول يسمع العبارة الشهيرة … ( عيب عليك …. إنت ما تستحي؟ ..
هذه حرمة…إنت ما عندك أهل!)) …ويضطرالراجال إنُّ ينكتم ويسكت ..
وفوقها إن المرأة تتوسط لزوجها عشان يتقدم على الرجال الباقين. في المطار مثلا ..
ما تشوفهم يطلِّعوا العوايل أوَّل .. وبعدين بقية الركاب؟
قال حقوق المرأة … ههههه
اقتصاديا
شوف الراجل.. السبع.. الغضنفر.. المفتري…له ثوبين أو ثلاثة في السنة … يروح بها العمل
ويحضر بها عزايم والاعراس، ويقابل بها كبار المسؤولين، الخ، الخ، الخ. والمرأة بسلامتها
بقيمة أدوات مكياجها فقط. تقدر تفتح محل خياطة رجالي محترم
ويا ريت تحط من مكياجها في البيت.. لأ.هذا بَس للخروج
وقيمة اصباع روج ولا علبة بودرة تساوي قيمة هاتف زوجها
وفوقها ازيدكم من الشعر قصر .. مو بيت .. من حقوقها فستان لكل فرح
و مكياج. و كوفيرة..وجزمة..وشنطه. وبعد خذ وهات
سابع بنت عمي. ملكة أخت جارتنا . ولازم هدية. واللطخ يدفع
مو مهم الفلوس يات من وين… المهم يدفع .. والدنيا ممكن تنقلب على الراجل
واللي خَلَّفوه علشان موضوع (مهم وحيوي مثل جذي
قال حقوق المرأة …. ههه
نفسيا
الزوج مطالب يكون أربعة وعشرين ساعة رومنسي ومبتسم
ولايظل جلف وإبن ستين في سبعين. ويعني شنو عنده مشاكل في العمل؟
ولا أقساط متأخره؟! والا فواتير؟! والا اغراض ما يعرفاشلون يجيبها؟
مو مهم .. واجب عليه إنه يرجع من العمل للبيت مروِّق ومبسوط وبَس
كأنه كان في شرم الشيخ مصيف مع نانسي عجرم .. ((مجرد مثل .. تف .. بره وبعيد
والزوجه بسلامتها من ساعة ما يرجع من شغله .. وقبل ما يفصخ ملابسه
شوف عيالك( لاحظوا .. اعيالك) طفَّشوني .. شنو رأيك نغير غرفة النوم؟
التلفون ما فيه حراره … جاتني رساله على التلفون يقولوا الفاتوره طلعت
أَلحق سّدِّد وقبل ما يقطعونه عن الخدمه
ومعه هذا كله ….لازم يكون رومانسي
لكنا اهي وبكل سهولة تصحى بسلامتها وقت الظهر…وتشوف الكارثة الكبرى….ويييييييه
ما عندنا صلصه…وبكل رقة تتصل….ألو ألو ..أبو خالد موجود؟ ممكن أكلمه لو سمحت؟
ألو …ويه… أنا .. منو يعني ؟… المهم … جيب معاك غدا …
ماهو إنت يا فالح نسيت تجيب صلصه معاك أمس. ولإنه موفاضي.. وطاقه جبده من الشغل.
يصدق المسكين إنه هو إللي نسي ويقول بكل شجاعة ..ان شاء الله ان شاء الله
وفوق هذا كله آخر السنه: زعلانه ومعوبسه …وين راحت تودينا هالسنه ….والله بنت خالتي راحت أمريكا
وبنت عمي ما تصيف إلا فْى أوروبا… يا عيني علينا إللي ما نروح غير يا مصر … يا سوريا
والسنة اللي غيَّرنا فيها … رحنا ماليزيا
وفي رمضان: تعبت ….أوف ……إنت داري عن شي ؟
أناأبي خدامة… أنا خلااااااااص .. ومن ثالث يوم
رمضان ……أبي اغراض العيد ….أختي جابت ملابس لها ولعيالها
شنو أقولَّك بس … وخُذ مشاوير لليييييييييييل … والراجل المسكين لما ينزل السوق
مع مرته ما يقدر يشتري ولااااا شَي حق نفسه ، لأن طول الوقت ماشي وراها من دكان لدكان
وشايل الاكياس إلين ما كتفه ينخلع. وهي تطالع فيه وهو يتطوَّح من ثقل الاكياس ..
ولا تقول له حتى بالغلط تبي اساعدك.. حتى لو بالكِذب. وآخرتها بعد ما يرجع البيت تقول إنها للحين
ما أشترت ملابس العيد !!!!!! وإذا فكَّر ينزل السوق بروحه عشان يشتري شي لنفسه
على طول يكون مشبوه ..شنو ينزلك بروحك وسط هالحريم؟
زين إنت مو كنت معايا في السوق .. أحد قال لك لا تشتري؟
قال إيه؟ …. حقوق المرأة
شرعا
المرأة لها حظ من أبوها …. وحظ من زوجها .. هذا غير أمها .. وأخوانها … وأبناءها
والراجل مطالب إنه اهو اللي يصرف عليها مهما كان عندها فلوس
وثانيا: الرجال لازم يروح للمسجد خمس مرات في اليوم .. جمع وجماعات .. حر وبرد
ليل وصبح .. لازم يروح …. بينما الهانم تصلي تحت المكيف … في غرفتها
وأجرها زي الرجال تماما …. ياعيني .. يا عيني
والله الإسلام أعطاكم اكثر من حقكم …. وياريت يِبان فيكم
إجتماعيا
عياالست كل أسبوع تروح حق صاحباتها وما ترجع إلا متأخره .. وطبعا زوجها هو اللي يوديها ويجيبها ..
(يعني تبيني أروح مع السواق في هذا الليل؟ ) ..
وسعادتها ما تبدأ تتمكيج وتسرح شعرها إلا بعد العِشا … وكل شويه تقول :خلَّصت …
وهي ما سوت شي للحين …. والراجل الغلبان جالس على أعصابه ناطرها تخلص .
أخيرا تقوله: وييييي! إنت ما نزلت السياره؟ .. وَيييي
يله عشان لا نتأخر. المسكين يركض على الدرج (عشان ما يأخرها
ويشغل السياره .. وينطرها بسلامتها مو أقل من ربع ساعة حتى تشَرِّف …
وطبعا ممنوع يقول لها: (شنو أخَّرِك؟) ولا يا ويله ..
حريم 000قهرتكم بالله
و شهد شاهد من أهلها
أنا مالى شغل
قال له حقوق قااال لو كل الريايل جذي جان هالقسم خاالي ومافيه اي موضوع ولا شرايكم 
|
المشاركة الأصلية كتبت بواسطة بتبوتااا
 اقول خل يستريح بس مو مجبور يسوي كل هذاا
قال له حقوق قااال لو كل الريايل جذي جان هالقسم خاالي ومافيه اي موضوع ولا شرايكم |
في رياييل ينجبرون والريال اشكال والوان
ساعات المره ما تحس بريلها بشغلات وايد وبس تبي تاخذ وما تعطي ومشكورعلي مرورج
بس المرة اللي تخطر الرياييل في الصفوف
لها حل
ان الجهات هذي تحط صف للحريم وصف للرياييل
ولا هل شي حلو اكون واقفة ورا ريال لاصق وانا لاصقة باللي جدامي ؟؟؟؟؟؟؟؟؟؟؟؟؟؟
|
المشاركة الأصلية كتبت بواسطة بتبوتااا
اقول خل يستريح بس مو مجبور يسوي كل هذاا
قال له حقوق قااال لو كل الريايل جذي جان هالقسم خاالي ومافيه اي موضوع ولا شرايكم |
ههههههههههههههههههههه اي والله صح
^
^
^
ههههههههههههههههههههههههه