تخطى إلى المحتوى
الرئيسية » مع ولا ضد السكن ابهالمكان ؟

مع ولا ضد السكن ابهالمكان ؟

قوة بنات

خليجية

بنات هل انتوا مع ولا ضد السكن بعمارة ؟؟؟؟؟

انا شخصيا ساكنة عند حمولتي
ولو بطلع منهم بشقة ثانية هم بسكن بشقة عبارة عن دور في بيت عايلة بس انشالله اطلع في بيت اتوقع عقب قرووون مو قرن خليجية
احس هالشيي أأمن من لو اسكن بشقة بعمارة ما تدرون منو يدخل ويطلع منها

بتقولون احنا بشقتنا قافلين علينا الباب
بس اتوقع في صيحة ولوية وازعاج من بره وتصادفون ناس ما تدرون نوعيتهم بالأسنصير بالدري وبالدخلة والطلعة

رفيج زوجي تدرون وين ساكن ؟؟؟؟؟؟؟
بشقة بعمارة بالسالمية من العمارات اللي بشارع المطاعم على قولته مرتي ما تطبخ واسهل لنا بالأكل من المطاعم اللي تحتنا
ولخوفه على زوجته اذا وصلت العمارة قبله بالذات بالويك اند والمكان كله شباب يخليها تنطره بالسيارة على ما يوصل وينزلون مع بعض !!!

اختي ساكنه بشقة ملك ماشالله تهبل وجم مرة تقولي اذا ما شريتوا بيت تعالوا اشتروا شقة بعمارتنا
اقولها مستحيييييييييييييييييل مع ان عمارتها ماشالله مستوى بس هم اخاف
اهي تدري فيني خوافة خليجية
اقولها اخاف من العمارات اقولها ما تخافين تصير مواقف ما ادري شلون صايرة ؟
تحرشات مثلا وحده من سكان العمارة تتحرش بزوجج ،، واحد يتحرش فيج ولاا في بناتج !!!
بالذات بعمارتها حمام سباحة ويصادفون هاللي يتسبحون صاعدين ونازلين

رفيجتي ساكنة بعمارة الشقة اللي جدامهم تقول الزوج مينن زوجته تعالي كل يوم بالليل وسمعي السب والصراخ وتكفخ البيبان

سؤالي
هل انتوا عادي عندكم تسكنون بشقة بعمارة ؟؟
واللي ساكنين بعمارة شنو المواقف المو حلوة اللي مرت عليكم ؟؟؟

اول زواجي سكنت عند حمولتي لمدة سنتين تقريبا وعقب طلعت اجار في بيت دور كامل

اهل البيت فوق وانا الارضي

وبصراحه ما جربت اسكن بعماره وان شاء الله ما اجرب

شخصيا ساكنين بعماره لان عايشين بفرنسا .. فاحس ان تعودنا على مبدأ الحياة بشقه بعماره لووول و كان عندي قبل الزواج ان عادددييييي اسكن بمشروع سكني فخم بس اهم شي ان يكون داخل الديره

قام ريلي و اشترى شقه بمشروع سكني كله كويتين و مادري جم دور و نادي و حمامات سباحه على اساس اني متقبله

الحين عقب ما تزوجت مادري احس وع ابي فيلا و حوش بعد لووول حدي راهيه
فشوفي لو حدتني الظروف عادي اقبل بالوضع بس مؤقتا .. اما حق على طول ما اتوقع اقبل

انا ماجربت اسكن بعماره بالكويت
بس انا هني بامريكا بعماره
صج ساعات تشزفين اشكال
بس مالنا شغل فيهم يعني امشي جني ما اشوف احد ولا اسمع احد
شوفي اذا عن سالفه التحرشات كل مكان تصير هالتحرشات ، يعني مو بس بالعماره ولا غيرها ، يعني شي طبيعي قبل لا تسكنين فيها اكيد عارفه الموقع عدل ، عارفه من اغلب سكانها ، عارفه الايجار ، عارفه المنطقه بعد بكبرها مو بس مكان العماره يعني ، منطقه سكنيه والا تجاريه وغيره ، يعني اشوف وايد ناس ساكنين بعماره عادي عندهم مرتاحين ماشاء الله ، اهم شي جيرانج اللي يمج هاديين مالهم حس

واذا كانت شقه ببيت يكون احسن بعد خاصه اذا كان صاحب البيت كويتي ، تحسين انه نظيف مهتم فيه اكثر من غيره ، وما يسكن اي ناس فعادي يعني مافي مشكله

ماجربت ولا افضل هالشي
والله موكل عمارة عمارة ولا كل بيت بيت , يعنى فى عمارة مستواها ممتازة خاصه اللى اغلب مؤجرينها اجانب امريكان , بنت خالتى فى عمارة اللى معها كلهم فرنسين اتقول مالهم حس اهى الكويتيه الوحيدة والعمارة صخه , عمارة ثانيه ميزات حلوة وعلى قولتج حمام سباحه وغرف ووسع بس الله لايراويج عفسه قايمه ماتقعد ازعاج على مدار الساعه ماتخلصين , انا ابدا ضد فكرة ان الكويتى يشترى شقه لسبب ان ممكن يشربك مع جار سبحان طلع جارا مايعرف حق الجيرة من نظافه من ازعاج , توقع الغير متوقع , انزين الحين انا شريت بالله شطلعينى انا وقشى من الشقه لو ايجار والله من ثانى شهر او يالله السنه اليايه طالعين بس شرا الشقه صعبه والله لزقت فيها . وانا افضل السكن مع الناس الطيبه ترى مرات فى بيوت حمد الله والشكر خاربه ماتدرين موشرط يطلعون عيال حلال والله , قبل ما ايى امريكا كنت ساكنه فى شقه على البحر حلوة ماعلامها شى وكنت فى بداية زواجى بس الله لايوريج على ما اووووصل الشقه يكون وراى موكب الامير موصلنى , طبعا يوم الخميس انسى اوصل الساعه تسع على اان موقعهها بارز وهاديه بس للاسف بصراحه اغلب الشقق اللى على البحر مافيها امان حتى لو فيها سيكيورتى , اذكر مرة نازله تونى واصله من الجاامعه وقت المغرب زوجى بعد ماوصل ولا وراى واحد انا ماشفته وهو وراى ياى بقلقص نفسه بالاصنصير بس ماقدر ويلحقنى من خلال السلم ويكسر على باب الشقه اللى انا مت كان وقنها يمكن تسعة تعس سنه مت واى ماعرفت اتصرف , بس بصراحه المنطقه لها دووووووور وايد بين العوايل افضل مكان بصراحه وسلامتكم
لا طبعا كلش مو عادي خليجية ما احب وأخاف

انا ساكنة بشقة اجار بالدور الثاني والدور الاول حق صاحب البيت والحمدلله

واللة غريبة انا ساكنة بشقة ومرتاحة
هلا مي انا الصراحة ساكنة بشقة في بيت من تزوجت … حمدلله وايد مرتاحة و ابدا انا ما احب اسكن في عمارة مادري اخاف لان العماير تلم
دور في بيت عايله ايه
عماره خوف
انا اول ما تزوجت قال ريلي نقعد في شقه بعماره بس الحمد الله امي الله يرحمها ما رضت قالت تحط لها شقه في بيت احسن
و سكنا في صباح الناصر قريب من بيت اهلي واهله
والحين بعد 3 سنوات طلعنا على شقه في بيت و الحمد الله مرتااحه .. مني ليما يطلع لنا البيت خليجية
طبعا القعده في بيت احسن بكثير .. ما عندي احد ومعروف منو الداخل و الخارج ومدخلي مننفصل .. والحمد الله خليجية
ما اتوقع كلش اني ارووووح اسكن بعماره .. لان العماره ما تدرين الشين والزين يدشها
البيت او الدور من بيت افضل من الشقه اكيد
انا ماجربت عمارة انا سكنت بشقتبن كلهم كانو دور في بيت عايله
لان زوجي رافض هالفكرة نهائيا ان احنا نسكن بعمارة
انا اخوي ساكن بعمارة بالمهبوله يمه تخرع لما ازورهم والله اخاف اخلي زوجي يوديني ماروح بروحي
عماره مستحيييييييييييييل حتى لو كانت عروس البحر !!
الوسوم:

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

هذا الموقع يستخدم Akismet للحدّ من التعليقات المزعجة والغير مرغوبة. تعرّف على كيفية معالجة بيانات تعليقك.