المـــــــــــــرأه السنعه والشاطره تدخل ابي نصيحه

السلام عليكم ورحمة الله وبركاته

اعتبروني اختكم الصغيره وابي نصيحه منكم

انا بتزوج قريب وكثير اللي يقولون لي لاتعودين زوجج انج تقطين معاه لان باجر راح يتعود ومايصرف عالبيت ولا على عيالج

بس انا احس انها فشله بعدين يقول عني بخيله

والصراحه ماابيه يكون زوجي اتكالي هي موسالفة بخل بس ماابي كل شي يصير بعدين على ظهري ,,, لاني بتوظف وانا ماعندي مشكله بالعكس احب التعاون بين الازواج والمره احس لازم توقف مع ريلها ..شرايكم

حبيبتي خليج على طبيعتج تصرفي مثل ماانت تحبين… مالج شغل بكلام عوديه ولاتعودينه كل وحده وتجربتها وانت مع الوقت تعرفين شنو طبع زوجج..واردد اقولج خليج على طبعج.

اشكرج حبيبتي على ردج

أنا أشوف حبيبتي ان ماتعوديه على الشي هذا بالفعل لأن لو أتعود بعد كذا بيشيل يده من كل شي
والله يتمم لك زواجك على خير وانشالله تسافري وتنبسطي

حبيبتي ماقصرتي على مرورج

انا عندى لا تعودينه بشروط يعنى هو يدفع الايجار هو يصرف على البيت هو يدفع للخادمه هو يصرف على عياله
وانتى شوفى ميزانيته >>>>وحاولى دايما قبل لا ينتهى الشهر تطلبين منه وتقوليله ماعندى فلوس عشان يتعود على انه هو متحمل المسؤوليه
صدقينى ومن تجربه شخصيه وعلى كذا انسان مو بس ريلى حتى اخوانى واخوانه الريال على شنو تعودينه خلاص يتعود
انتى خلى معاشج لج واذا بتصرفين تعزمينه مكان تسويله مفاجاه تشتريله هديه تشترين لعيالج شئ حابته وزايد ما يقدر ريلج يشتريه
حابه تشترين للبيت شئ وميزانيه ما تكفى >>>>>>صدقينى الريال اذا تعود على انه مرته تصرف بيقط عليها كل شئ وبعدين هو يدور على وحده يصرف عليها >>>>الريال بطبيعته يحب يكون هو المسؤول واللله خير احنا بالكويت مدلعين الرياييل مو بس بالمصرف حتى احنا اللى نسوي كل شئ للبيت هو ماعليه الا يروح دوامه وطلعاته وبس والباجى على المسكينه اللى دايما داقه الصدر
لا تقولين بخل او ما بخل انا كنت اقول مثلج واتضح انه الريال ما يفكر جذيه مثلنا الريال تفكيره غير بيقول هذى ميته علي وتبى بس رضاي خلينى ازيد علييها وراح يحس انه ما عندج مشاكل لو بيضغط عليج وهو يرتاح >>>>>ونصيحتى لج مو بس المصرف عليه حتى دايما خليه يروح معاج الجمعيه او اكتبيله الاغراض هو يشتريها وهو يوديج الاماكن اللى ما تحتاجين تروحين فيها بسيارتج مثل طبيب او زواره يعنى خليه مسؤول عنج بالكامل >>>>وطبعا هذا مو بالغصب لكن بالكلام الحلو وشطارتج ودايما حسسيه انه معاشه اكثر من معاشج وانج ما تقدرين تسوين شئ من غيره
انا اعرف وحده ساعات ريلها يقولها روحى اشترى الشئ اللى تبينه من المكان الفلانى تقوله ما ادل وما اعرف اضيع وتسوي نفسها بريئه عشان هو يوديها مع انها تدل كل مكان بس ماتبيه يلها عنها باشياء ثانيه مالها فايده ويتكل عليها
والف مبروك مقدما وخلج مراه سنعه اهم شئ الريال يحب النظافه والمراه اللى قد حالها واللى جدامه تصير كلها انوثه وبريئه والله يتمم عليكم امين

لا دخلين نفسج ماكو شي اسمه بخيله بس ما يمنع انج تشترين اغراض البيت من فتره لي فتره مو كله كعتمده عليه يعني لا طلعتي وشفتي شي عجبج للبيت وبأمكانج تاخذينه اخذيه مايمنع
بس سوالف تدفعين اجار اذا كنت ساكنه اجار لا نصيحه ولا حتى نص ولله رفيجتي كانت تدفع اهيا 200 واهوا 200 ياها شهر قالها ماقدر بدفع قسط سيارتي وسيارة اختي متوهق دفعتي انتي هالشهر مهيا ملزوومه تدفع 400 واخته شووفي شعندها مهيا داافعه كلش مو ملززومه اهوا ريال ويدبر رووحه علشان جذي احنا نقوول لا تعودينه

حبيبتي نسيت اقوولج الف مبرووك ومنج المال ومنه العيال ولحد يخرعج ويوزج تصرفي بالتصرف الي يعجبج مالج شغل بأحد اخذي راحتج مو كل شي تقولين لا فشله وفشله

اشكركم مزيونه ومشمشه والله استفدت واااااااااااااااااااايد

بس اذا قالي دفعي او وين يروح معاشج او اصلا معاشج رايح على خرابيط شقوله

حبيبتي صدق لا تعوديه انو انتي تدفعي او تتكلفي بشي

انا قايله لزوجي اذا توظفت مايهمني ال مصاريف

ممكن انك مره تعزيميه ع عشا في مطعم تسوين له مفاجاه عيد ميلاد عيد زواج …. زي كذا

وعوديه انك تطلبي انتبهي والله نصيحه

انا شفت امي المسكينه ابوي خلاص صار يضغط عليها عشان تصرف على البيت وطلبات اخواني هي الي تعطيهم

اقولها لانك عودتيه حتى لو عاندت وتقول ماعندي يضغط عليها انتبهي

واذا قالك عن راتبك قولي اظن انو لي وانشالله مايروح في خرابيط لانو انا اتعب واكيد ماراح احطه في خرابيط وليش انت مو واثق فيني

اقلبيها عليه
وشوفي انتي اول شي انطباعه كيف وش بيقولك

انا معاج حبيبتي ان المره لازم تساعد ريلها بس مو بكل شي عشان لايتعود وشوي شوي يصير كله فوق راسج بس اذا كان ريلج معاشه مايساعد لازم توقفين معاه ليما تعدل وضعه والله يوفقج ويهديه لج امين

أنت لازم تعرفين طبع زوجك لو كان اتكالي فأنصحك لا ولو العكس قطي معاه وساعديه لاكن نصيحتي لك حتى لو ما كان اتكالي وقطيتي معاه بيتعود ويرمي كل شئ عليكي

قال تعالى "وتعاونوا على البر والتقوى ولا تعاونوا على الاثم والعدوان"

وتحياتي لج ياقلبي والله يوفقج في زواجج

هلا اختي

كلام الاخت مشمشه اتبعيه ولا راح تندمين ان شاء الله