النيو لوك

السلام عليكم ورحمة الله وبركاته
شلونكم بنوتات؟؟؟
طبعا كلكم تعرفون إنا الوحده لما تطلع من الاربعين أو فتره النفاس لاااااازم تغير بروحها او على قولتهم النيولوك.. لأسباب عده أهمها أنا الريايل يحبون التغير… بس السؤال اللي يطرح نفسه اهوا .. لو الوحده حابه شكلها شتسوي؟؟؟؟
عالعموم انا صج ماودي بس تماشيا مع العرف السائد عندنا بحاول أغير… وأتمنا تعطوني أفكار..أو اللي جربت تفيدني بتجبرتها وتقولي شنو سوت ؟؟

ماكوو التغيررر بالنيولك فتره النفاااس يا انج تصبغين شعرج او اغزين خدودج اذا محتاجه
ماعتقد في تغيرر غيرر جذي من غيرر عاد كشختج اللي عند حمولتج وكشختج عند رجلج
وتغيرر لداار اهم شي اشتري اغرض الدار من الديبااج والكسسوارت واللحخخخ؟ انتي عارفه
وانشاءلله طالعه من الشرر

اًصبغي أو قصي شعرك و أعملي ستايل يديد و ألبسي لزوجج اللي ما كنتي تلبسينه فترة الحماال

صبغي شعرج وقصيه واذا انتي بيضه روحي سوي برونزاااج اذا يحب ريلج مؤقت طبعا وروحي اشتري قمييص نوم شي يديد اتحسين انج راح تتجرأين علشان تلبسينه وماكنتي من قبل لابسه نفس الستايل واذا تقدرين حجزي فندق

اصبغي شعرج وقصيلج قصه

اشتريلج قمصان واندرويلات يديه

غيري من طريقه الميك آب

اخذيج ملابس للبيت يديه

وآخذيلج ديباج يديد ومن هالسوالف

وانا بعد وياهم ههه

طالعه من الشر ان شاءالله
اذا حابج شكلج جذي
لا تغيرين حيل
بس على الاقل قصي شعرج
واشتري لج قميص نوم يديد وحلو
وغيري بالغرفه وخلاص
اسمه تغيير

بعد عمري مشكورين عالرد بنات ..

حياج واذا تبين اي شي انا في الخدمه

تسلمين ياقلبي أم سدن :*
عاد أنا ماعرف الا طريقه وحده للميك اب مادري شلون راح اغيرها هههههه

انا مومفكره اغير لون شعري ولا راح اقصه صراحه ماحب اغير ستايل شعري حاليا خله يتعفاى شوي من الصبغات والكيماويات خصوصا انه شاف الاشقر والاحمر والبني علي فخلاص الاسود موشين اذا حملت فيه وولدت وطلعت من الاربعين وانا شعري نفس اللون مايضر ان شاء الله بس يمكن اقص قذله كت لان قذلتي طويله واكيد راح يتغير شكلي حيل وطبعا بدله كشخه ومكياج سنع الوان جديده وعدسات وعطر وبخور سنع وكفر جديد ومفارش جديده وقميصين نوم وكم بجامه للبيت وخلاص…انا الي احاتيه مو التغير بالشكل لا والله احاتي جسمي شيلمه شيلمه لووووووووول وكرشتي واحاتي السواد والبقع اللي صارت الحلمه صارت سوده والركبه والكوع والمناطق الحساسه استغفرالله مو انا يبيلي غسال وتشحيم بالنفاس يالله ارد شوي لوني القديم …

انا شخصيا قصيت شعري بعد الاربعين و تحسفت و زوجي ما عجبه لانه لا انا ولا اهوا نحب التغيير بس عاد سويت نيو لوك حق كبتي و شريت بجايم يديدة و حللللللللللوة و كليوم كنت ابس وحده عاد انتي شوفي ريلج شنو يحب يشوف عليج و اشتريه

مولازم تغيرين بشكلج اذا عاجبج

غيري باللبس

حطي ميك اب بصالون يوم ردتج لبيتج و تسريحة جديدة

كافي اللبس الجديد والكرشة راحت اكبر تغيير

آثار الحمل وعمايله السودة كنت احاتيها راحت بروحها عقب جم شهر

والوزن انا شخصيا قدرت انزله بالاربعين

وحمدلله على سلامتج

لووووول اي والله ياحصونه الكرشه ومادراك مالكرشه انا شخصيا كرهت جسمي بعد ماولدت لانا مارد مثل قبل الله كريم انشالله نرد مثل قبل واحسن
السواد قالولي من نفسه يروح مادري انشالله يفيدونا البنات.. بس يمكن البطن شوي صعب يرد.. انا بعد ماودي اقص شعري او أصبغ لانا بادي يتسنع من الفيتامينات اللي كنت اكلها فتره الحمال.. ومن زمان عندي قذله .. شكلي بقص قصه على طوله وعلى قولة البنات (ماقصروا) قمصان نوم وكفر وتجديد بالغرفه.. وشكلي بحط مكياجي عند خبيره عشان تغيرني والعدسات تغير بعد..

ووووووووووووووواي على المرة ،، الله يعينها على نفسها

أنا احاتي طلعتي من الأربعين شلون بغير استايلي

انا ولا مرة صابغة شعري .. وماشالله شعري حلو وناعم اخاف اصبغة يخترب..وريلي يحب الصبغ بس هم يقولي حسافة اذا اخترب .. يعني شسوي…..

وانا الحين بالغصب قاعدة اطوله يعني مابي اقصه..

وحاطة في بالي اني اغير ملابسي كلها البيت والطلعة .. واغير الكفر واكسسوارات الغرفة

ولازم اطلعلي فنتك عاد بس ليحين مومفكرة شنو..