هل تقبلين الارتباط به ؟

بنات بصراحة و اختصار

هل تقبلين الارتباط و الزواج من شخص مطلق و ما عندخ اعيال و انتي بنت في منتصف العشرين من عمرج و اهو في بداية الثلاثين << يعني اعمار متقاربه

و معلومة انه استمر مع الاولى لسنة و نص ؟؟

ابي رايك بصراحة

اي عادي اذا كان زين وخلوق وخوش واحد ..مو شرط ان مطلق يعني واحد مو زين يمكن ما تفاهم مع مرته الاولى والله مو كاتب لهم يكملون

اهم شي الاخلاق والدين بعدين اتيي باجي الاشياء

والمطلق حاله حال الـ مو متزوج بس ان عنده خبره بالزواج اكثر

اي مافيها شي بس بشرط اعرف شنو اسباب الطلاق ..
واذا طلع العيب مومنه وهم طلع خلوق ومحترم وافق ..
وجنه العيد عندي ..

ما تخافون انه يفكر بالاولى

او

انتي تفكرين لما يلمسج انه لمسها بالطريقة نفسها

سوري على اسلوبي بس خايفة

[B]كلش لأ شكو ..!!

يعني بتقنعيني اللي ما سبق لهم الزواج وتزوجون بنات ما يعرفونهم ماكانو يكلمون قبل الزواج ؟؟ ولا كان يلمس رفيجته

(( مو كلهم ..البعض منهم )) والبنات ولا فكروا بهالشي اهم شي اخلاق الولد.. لو كل وحده بتفكر جذي جان ولا وحده تزوجت

واذا اهوه كان راح يفكر فيها جان ما طلقها وردها واهيه بالعده

ولا تفكرين هالتفكير كلش ولا تخافين صلي استخاره وتوكلي على الله [/B]

والله انتي استخيري ياقلبو وراللي يرتاح لج قلبه سويه

على حسب اخلاقه واهم شي تسأل عنه عدل و لازم تعرف اسباب الطلاق واذا كلسي اوكى ليش لا انا اعرف اكثر من وحده صارلها نفس الشي وتزوجو وحدهم مرتاحين مع انه جم وحده صج مو سنعه بس الريال متحملها عشان ماله خلق يطلق مره ثانيه فماج الا الدعاء انه يقربه لج اذا فيه خير

انتي استخيري اول شي وسألي عن اسباب الطلاق و الله يسهل

يا معودة الرياييل ما يندرا عنهم يعني شدراج اذا ما كان متزوج مالمس وحدة..لكن انا نصيحتي لج انه اذا انتي ارتحتي له وسألتو عنه وطلع خلوووق توكلي على الله ..والله يوفقج..ياااااااااااارب

اذا اخلاقه زينه ويخاف ربه ليش لا

اشكركم خواتي على ردودكم الطيبة

صارلي يومين و انا اروح و ارد و اقراهم و افكر فيهم

و الله يكتب اللي فيه الخير

لا تنسوني من دعائكم

اي ليش لا دام ما عنده عيال

ياما حريم تزوجوا مطلق

اذا اخلاق زينه ليش لا توكلي على الله