الريال عقب الطلاق .

الريال عقب الطلاق شلون نفسيته تكون نفس المرة ولا …………عادي ..طناش…….خاصة لما طلاقهم يكون فجأة وحنة من الأم؟؟؟؟؟؟؟؟؟؟؟؟؟؟؟؟؟؟؟؟؟

والله جنج قاعده تتكلمين عن ولد خالي مسكين نفسيه ززززززززفت وكله ساكت لا اكل ولا غبره تقريبا سنه والطامه الكبرا ان طليقته تزوجت انهار زياده المسكين بس الحين يقولون صار احسن قام يروح الدوانيه ويطلع ويه اخوي وعيال خالي يعني اشوا بدا يتأقلم الله يصبرا ياربي ويعوضه

اكيد راح يتأثر لأنه اول واخر يتم بشر بس انا اتوقع مو نفس المره لأنه الريال سهل يبني بيت ثاني ويتزوج وييب عيال بس المره المسكينه منو بياخذها بسرعه ؟؟ خصوصا انه نظره الناس حق المطلقه عندنا وايد صعبه حتا لو كان الغلط من الزوج هم ينظرون لها نظره مو حلوه وهذا من اهم الاسباب اللي تخلي المره تتأزم نفسيا اكثر من الرجل والرجل عادي يقدر يعيش حياته بسهوله مو نفس الحريم المساكين
فا اتوقع المره تتأثر اكثر من الرجل في اغلب الحالات

الله يعوضه خير بي معلش سنو سبب انفصالهم؟؟؟وحاول يردها عقب؟؟

ايييييي والله صاجة….الله يعين المرة….

والله يختي علي حجيهم انا لاشفت ولا سمعت بس هذا اللي يقولونه انه اهي تتعمد تسويله مشاكل وتطلب منه طلبات تعجيزيه قروض وغيره والام اساسا مو حابتها من البدايه وصممت ان ولدها يطلقها واهي بصراحه ماصدقت ماصار سنه تزوجت وجنه العيد وهو خانت حيلي يحبها وصج صج تعبت نفسيته بالمره

على حسب مقدار الحب وطبيعة الريال…

في ريال يحب يستقر…الطلاق يكووون صعب عليه ويتعب…

وفي ريال لا مبالي..يطلق ويقط اليهال وماله شغل…سواء منه او منها الطلاق مو مهم..ومو شرط يطلق لسبب…انه يبي يلعب..يمكن سبب جايد لكن طبيعته لا مبالي..عنده عااادي…

بس اكيد يتأثر…مثل المرة ما تتأثر..لكن رده فعله تتختلف…

اذا كان سبب الطلاق من الام اكيد يبي يتأثر بس هم عندهم طلعات ودواوين يلهى شوي اما اذا كان هو ما يبيها اتوقع ما ينام من الوناسه وبيقول فراقها عيد خصوصا اذا ماكان فيه اطفال يربطهم ببعض
والله يصلح كل زوجين مع بعض يارب

مره سالت ريلي هالسؤال لانه يعرف وايد رياييل مطلقين يقول ان الريال يتاثر اكثر من المره عقب الطلاق حتى لو جدام الناس عادي

مادري ليش يمكن لان المره تلهى مع عيالها اما اهوا البيت يفضى عليه مره وحده لا عيال ولا مره

على حسب العلاقة بينهم اذا هو يحبها او عايفها

اذا يبيها وحس انه تسرع بالطلاق شي اكيد راح تتعب نفسيته

ترى حتى الريال يخاف على بيته وعياله مو بس المره واذا

طلقها لانه ما يبيها شي اكيد راح تلاقين نفسيته عاديه لانه ما طلق

الا ناويله على وحده ثانيه

تحياتي

مثل ما قالت يا بختي
على حسب مقدار الحب
اذا كان يحبها من صج انا اتوقع انه يعتزل الناس ويمكن يفكر يهاجر لوووووووول

ماظنيت انهم يحسون اصلا مايفكرون الا بنفسهم وبس

والله اذا يحبها وماطلقها الا وهو مجبور او مغصوب من زن امه على اذنه
ليل نهار…اكـــيـــــــــــــــــــــــــــــــــــــ د
راح يتاثر ويضيق صدره
بس اذا كان مايحبها وماصدق افتك منها لا عادي بالعكس يفرح

[quote=كويتية انيقة;7827600]على حسب العلاقة بينهم اذا هو يحبها او عايفها

اذا يبيها وحس انه تسرع بالطلاق شي اكيد راح تتعب نفسيته

ترى حتى الريال يخاف على بيته وعياله مو بس المره واذا

طلقها لانه ما يبيها شي اكيد راح تلاقين نفسيته عاديه لانه ما طلق

الا ناويله على وحده ثانيه

تحياتي معاج

شوفي الرياييل انواع بس الاصل واحد وانهم يكابرون حتى لو يتأثرون ماراح يبينون فمن جذي ناخذ عنهم فكره ان كلهم عديمين احساس وهالشي مو صحيح

واتوقع اللي يطلق مرته وبينهم عيال راح يتأثر وايد سواء يحبها او مايحبها والسبب تعود يدش البيت ويشوفهم وحركه وازعاج واحساس مستمر وفجأه بعد الطلاق يفضى البيت عليه ف اكيد راح يتأثر

اما اللي يطلق وما بينهم عيال ماعتقد يهمه الطلاق او تتأثر نفسيته حتى لو كان يحبها