رفيجتى الغاليه

بنات انا عندى صديقه كانت جارتى وصرنا أكثر من خوات احبها واموت عليهاوهى عندى بغلاة روحى واحاتيها وأهتم لها لاتضايقت بس بنات انا قلبى انكسر منها من موقف صار هى كانت بتسافر واحنا نوعنا نروح ونجى لبعض ومرة كنت رايحه لها وشفت سيارة زوجها عندالباب ودقيت لها قلت لها حياتى زوجج بالبيت مابنزل خليهاعقب بعدمالفيت براس الشارع شفت سيارة زوجها الثانيه سكت وحركت عقب ماراحت هى موصيتنى أباشر خدامانها خاف يحتاجون شى ماشيات اوحتى لوبغيت شى يطبخونه لى هى حبيبتى بس مرة من المرات مارة كان خدامتها تقولى ماما ترا أنتى لماجيتى اخرمرة ترا بابا
ماكان فوق بس لاتقولين لما هى قالت ياويلكم ان قلتو لماما وسكت اناجعمت الخدامات وزفيتهم رغم انى عارفه انهم صج واناتأكدت وقتها بنفسى نفس الحركه كررتها معاى لمارجعت من السفر وقتها صج لما رحت اقهويها قالت زوجى موهنى نزلى بس أنا تضايقت والله حسيت انى نزلت نفسى حيل وهى ماقدرتنى صعب لماتحب أحد وتنصدم فيه انا حبيتها وللحين اموت فيها بس انامابغيت اقولها خداماتج قالولى جذى والموقف جذى انا احبها خفت تزف خداماتها ويروحون وتتم هى بدون خدم وصعب عليها تتوهق مابى لها البهدله بشى هى غاليه على قلبى واحبها رغم انى سحبت نفسى من حياتها نهائى لانى ماحبيت أناقشها او اضايقها حتى لو على حساب نفسى هالفترة فى نوع من التودد قاعد يصير انا ابى واحس انى مجروحه منها والله احبها واموت فيها بس هى كسرت فينى كانت تقدر تقولى لاتجين موتخلينى اجى وعقب يصيرهالموقف شسوى بنات تعبانه والله وهى حبيبتى بس موقادرة شالدبرة؟………………………………………….. ..

موعلى كيفك حبيبى تبتعد وتخون وعدك والله لوحبيت غيرى لأقتلك و أموت بعدك

ماأعيش الدنيا دونك دنيا مابيها عيونك

مافهمت؟؟

وانا مافهمت شكو سيارة زوجها لحظة بقراها ثاني مرة

ما فهمت ؟ انتي تبين تزورينها واهي ما تبي تستقبلج ؟؟ هذه السالفة ؟؟؟؟ جذي قصدج ؟؟
ياقلبي لو كان حبيبك عسل لا تاكله كله … و كثر السلام يقل المعرفه
تغلي شوي لا تلزقين فيها كل شوي
اي ولاحظت شنو اموت فيها واحبها !! شنو الاسلوب هذا ؟؟؟ كلماتج مو حلوه ..
قولي اعزها اغليها .. احترمها .. احب رفجتها اي .. بس موت فيها !

[quote=نور النهار;7394163]مافهمت؟؟[/quo

حبيبتى انا بس بغيت احد يفكر معاى بصوت عالى تعبانه ومتضايقه الموقف انا شرحته برايج شسوى وانتى مافهمتى شنو ماقريتى عدل يمكن اقرى وقولى لى الحل حياتى ماقصرتى على مرورج حبيبتى

يعني انتي رحتيلها واهي مااستقبلتج والا العكس

صاجه معاج حق يمكن هى تضايقت من زيارتى أنا وعيالى لها بس والله ماعتبت دارها الالماهى تعزمنى وتصر على لاتلومينى لاقلت احبها انا اعزها حيل هى اختى واكثر تخيلى تقوم فينى وتحاتى عيالى وحتى بولاداتى هى تقوم فينى وانامعاها نفس الشى بس الشى اللى كسر فينى موقفها لماصرفتنى عرفتى صعب لماتنكسر نفسج من اخت

هى عزمتنى وعقب ماوصلت دقيت لها وقلت لها سيارة زوجج موجودة انا بروح بيتى وهى ماقالت لى لا تعالى زوجى راح بسيارته الثانيه لا انالمالفيت لقيت زوجها سيارته الثانيه رايح فيها يعنى عزت على نفسى تعزمنى ولماوصلت لها صرفتنى انحرجت حسيت جنى نزلت نفسى حيل

هذي مو رفيجة في شي اسمة اعتذالر بادب وانتي راح تقبلينة وانت اذا رحتي لا تاخذين عيالج يمكن اذوها ومنحرجة تقولج مادري اتوقع جذي

انتي وايد حساسه عادي يمكن كانت متضايقه او عندها حوسه او زوجها جريب يرجع ترا الواحد مو كل وقت له خلق يستقبل الناس انا عن نفسي ساعاااااااااااااااات ابي اقعد بروحي لو اختي واهي اختي واموت عليها تدق اقولها مشغوله عادي وانتي لا تروحين لها خليها اهي تيج وسلامتج ولا تفكرين ولا شي

التمسيلها العذر .. حبيبتي دامج تحبينها وتعزينها حيل لاتخلين سوالف جذي تاثر على علاقتكم .. ميخالف طوفي ماتدرين يمكن فيها شي بيومها

انا عندي رفيجتي من ايام الدراسة وقريبة من بيتي واعز من اختي وتدري عن اللي مايدرون عنة اهلي وزوجي كل ماتصير حزة روحتي عندها يقولي ركضي طقي الكرت عندها واللة اليوم اللي ماشوفها فية او اسمع صوتها اتضايق والماسنجر على طول شغال ومعاي بالمنتدى

اممممم
فشلااا بس يمكن لان انتي وايد قاطا نفسج عليهااا
وثاني شي لازم ماتروحين لها الا اذا اهيا قالتلج تعالي غيرا لاتروحين
بس لازم اتواجهين رفيجتج وتقولينلها عن الخدم عشان تحاجيهم بس انتي حلفيها ماتسفرهم يعني خل اتحاجيهم
لان هذولا قاعدين يطلعون اسرار البيت ترا غلط
واكبر جريما انج تسكتين

خليها على راحتهااااا

والتمسيلها العذر

صاجه يمكن من محبتى لها خنقتها خلص سلامتها اهم شى راحتها الله يحفظها هى وعياله ويرزقها ويعوضها باللى احسن منى يارب ويجعل لهامن كل ضيق فرج يارب