اوامر الزوجه للزوج في بيت اهله —– اشرايج فيها

هل تتامرين على زوجج اساسا مثلا ييب ماي شيل بنتي سولها مميه ناد الخادمه
اشلون يم اهله؟؟؟؟؟؟؟؟؟
انا الصراحه ما احب هالشي بس اذا اهو قايم على طريج ييبهالشي واذا كنا في بيتنا بس يم الناس ما احب اتامر عليه احس ان ينزل من قيمته ومن قيمتي
اشرايكم بالهي واشرايكم بالزوجات الي يسوون هالشي؟؟؟
مشاركاتكم بلييييييز اول مره اطرح موضوع لا تفشلوني

الصراحة ماني متزوجة, بس إذا شخصيا بسوي شي جذي يكون على طريجه, ومو جدام الناس, وجدام أهله أحسها قوية!!!

والصراحة اللي تتعمد تسوي جذي لريلها هذي عديمة احترام واحساس وحيا, وصراحة يبيلها تأديب بعد, يعني هذا اللي ناقص!! تتأمر على ريلها, واللي جدامها شنو مو تارس عينها ولا يشتغل عندها>>>>>> اشتطت شوي

تعجبيني
هذي وحده اعرفها وكل ماشوف هالشي انقهر الريال زين ومحترم ودي اقوله اهو يعز عليي وما ابي احد يتكلم عليه
اليوم تقوله قوم سو مميه حق ولدك واو تعال اخذه انا انقهرت جان اقولها اشرايج ياخذه وسوي مميه ونومه بعد
على طنازه الصراحه ما سكت
ودي اقول حق امه

يعني ممكن لو شىء ضروري تقولي لو سمحت معلش مو فاضية ممكن تشيل البنت مثلا اظن عادي

والله ماقوله لا قدام اهله ولا بيني وبينه شسالفه ماخذه واحد خبل والا اهبل

مستحيييييل أتأمر عليه جدام اهله .. بروحهم ينطرون الزله علي بعد فوق هذا أتأمر؟؟

بس اذا كنا بروحنا اقوله لو سمحت حياتي ممكن بطريجك تعطيني هالشئ او ممكن تساعدني بهذا بس بأدب طبعاً والزواج تعاون مافيها شئ بس جدام الاهل نووو وااي

لا طبعا

مستحيل اتأمر علية جدام احد

وليش اهي شفيها ما تسوي المميه

اكيد مشغوله بسوالف والحش لووول

لا والله ما اقوله لا في البيت ولا برا البيت

حريم اخر زمن لووول

>__<

اي و الله صاجه انا مثلج

دام اهيا وريلها متفاهمين الله يهنيهم

ليش تقولين لامه وتصير مشاكل واهيا وريلها كيفها

ما اتأمر عليه بس عادي يعني اقوله شيل بنتي اكون مثلا بلبس اختها او اكيد مشغولة بشي يعني انا اخطبوط اشيل وحدة والبس وحدة خاصة بناتي ادعل يا انا يا ابوهم ما ينفع احد ثاني ياخذهم ..
وجم مرة بنتي تحن تفتخ من البجي يشيلها عني اكون خلاص عيزت منها ياخذها يطلع فيها تسكت ..
بس ما اطرشه يسوي شي ثاني حليب ما حليب اصلا شعرفه ..
وطبعا طيعا ماكون قاعدة متزبرة وهو يعابل باليهال .مع ان الحمدلله اهله واهلي كلهم يعاونون حريمهم .يعني مو عيب عندنا لي قام بعياله باجر اهمه يقومون فيه .

ما اتأمر عليه بس اطلب منه بأدب مثل واللي يعافيك اوالله لا يهينك يعني مساعده بس مو تطلب او اوااامر

وااااااااااااااااااي عادي شنو فيها يعني اهوة ما يطرش عليج جدام اهلة انة عادي يوم كنت ساكنة مع خالتي بحجرتي كل شي معتمدة على ريلي يجيب لي اياة حتى الماي

بالشقة بروحنا وكرشي اشطولها واذا كان قايم على طريجة اقوله " حبيبي ما عليك امر ممكن مثلا ماي او ممكن تاخذ هالشيء معاك "

جدام اهله اذا في شيء يعني مثلا ما يقدر يسوي الا ريال يعني مثلا شيء ثقيل يشيلة اقوله وقبلها اقول ما عليك او ميخالف يعني بأدب .

وما اكثر منها الصراحة الا اذا مثلا انا اكون معذورة حامل مثلا او معاي اغراض وابي يساعدني بالباقي

مو لهالدرجة
مافيها شي الزوج يساعد زوجته حتى الزوجة مو خادمة لي طاعت زوجها
تعاون

بالنسبة للسؤال الاصلي
لازم شوية احترام للزوج قدام الناس مو تخلونه يتحسف على معاملته الطيبة لج بالبيت