رجع زوجج من السفر اشلون تستقبلينه ؟

اشلونكم يا حلوات
ابي اسألكم اذا زوجج كان مسافر مع ربعه ورجع اشلون تستقبلينه ؟ انا زوجي لازم له بالسنه سفره مع ربعه ويقهرني يقول لي بس بقعد 10 ايام ولا اسبوعين ويقعه جريب الشهر بس طلعا من غير رضاي
انا وحده لازم قبل مايسافر اتهاوش معاه لاني ما اكون راضيه بس يسافر غصبن عليي واصلي وادعي انه مايسافر بس ماكو فايده يسافر وارضخ للامر الواقع وكان نادر ما يتصل وااذا رجع استقبله استقبال حلو وكاشخه بس طبعا اكون مبلغته اني راح اطلع مع رفيجاتي سواء رضى او لا
بس السنه الي فاتت سافر ماليزيا عناد فيني اول سنه 2024 بس خليته ينق لي مبلغ وقدره وانا بعد خاشه لي فلوس حق الهياته وهو سافر شبه مفلس بس عناد بس تحاطط مع ربعه وسويت روحي مو مهتمه طبعا انقهر حسيت فيه وكان وايد يتصل عليي وارد عليه ببرود حتى كان يقول لي انه مل بيرجع وكنت اقول له لا اقعد استانس وناستك اولى طبعا لاني كنت كله هايته مع رفيجاتي عشان انسى ما افكر فيه
وطبعا قالي انه بيرجع باليوم الفلاني المغرب رديت عليه ببرود اوكي حياك الله طبعا هالمره قعد 10 ايام
وطبعا باليوم الي رجع فيه كنت مستأذنه من دوامي وطلعت مع رفيجتي اتغدى معاها بره فجاه الا متصل عليي وينج انا بالبيت جان اقول له اي انا مع رفيجتي قاعده اتغدى معاها بره انت قلت بترد المغرب -طبعا انا ناويه بالاساس حتى لو رجع المغرب اقابله ببرود -جان يقول كنت بسويها لج مفاجئه واتفاجأ ما القاج جان اقول له اوكي الحين بدفع الحساب وارجع ورجعت سلمت عليه بس ببرود وكلمه ورد غطاها وغيرت هدومي ولبست بجامه بيت عاديه ومسحت مكياجي وطبعا كان متلهف عليي وانا كنت حيل بارده معاه بالمعشره ما بينت له اني متلهفه عليه عشان يتأدب لووووووووول
انا الصراحه عارفه زوجي مو مال خرابيط بس الناس شبتقول يسافر ويخليها اكيد عنده خرابيط فاقوم اطلع مجمعات وقهاوي ومطاعم عناد عشان اذا شافوني الناس وخصوصا الي يصيرون له هايته وماعندها ريال سنع يمسكها وهم اطلع عيالي
والشيطان ما مات ادري انه مايخربط بس اخاف يصير هالشي لا سمح الله ويخترب بيتي
عاد هالسنه ماسافر عشتوا بيقعد معانا
نصيحه اذا ازواجكم سافروا مع ربعهم سياحه لا تستقبلونهم استقبال سنع لانه راح يتمادون لا تشطون روحكم
اذا كان السفر دراسه او علاج اي سووا كل الي تقدرون عليه عشان استقبالكم لهم يطلع اوكي

لا تخافين حبيبتي هذا الحاصل !!!!!!!!!!!!!!

يسلموووووووووو بس مهما كان هذا ابو اعيالي واكيد بستقبله لانه واجب علينا

حياكم حبوبه ادري ابو عيالي بس اذا اهو مو حاط لي اعتبار شحقه احط له اعتبار واهتم له موووووووووووكفو

صح كلامج !!

يسافر بدون رضانا ونرجع نستقبله بكل شوف ولهفه واحنا متعدلين له !! يعني كأن نكافأه ونجازيه على اللي سواه ؟؟

شغلج عددددددددددل ^_^

الله يهدي ازواجنا جميع

هلا حبوبه rawona عيزت وانا اقول له هالحجي بس للاسف ماكو فايده يقول لي انا بسافر رضيتي ولا كيفج واذا مو عاجبج روحي لاهلج شوفي الحقاره الي فيه عاد انا عناد اقول له بالطقاق بس انا بعد اذا سافرت بطلع مع رفيجاتي 24 ساعه وبهيص وبستانس رضيت ولا طق راسك بالطوفه

حلا وذوق انا هذا الي بوصل له احنا كانه جذي نشجعهم ونكافأهم
الورد والريحان الله يسمع منج
حياكم

والله على طول اداعي وادعي والله كريم وهذا الي راح يصير بس يقول بسافر بقوله الله وياك دربك خضر بس هالسنه الظاهر ماله نيه يسافر والله يهديه

نشوف باجي العضوات اشلون استقبالهم

نشوف باجي العضوات اشلون استقبالهم

انا ريلي يوم رد من السفر رحت المطار واستقبلته لا وازيدج من الشعر بيت لميته وبسته وكان معاي اخوي

ويوم رديت البيت كشخت له

اذا انتي زوجج مو معبرج فمو معناته انه الريايييل كلهم مو معبرين حريمهم

خلو كل وحده تتعامل مع ريلها مثل ما تبي لحد يأثر على احد

عسى الله يهديه لج

لا تزعلين مني حبوبه

هلا بريتي
قريت لج كذا مشاركة وتلفت نظري ردودج

بالنسبة للاستقبال
زين تسوين
يعني الاخ يتمشى مع ربعه يغير جو
ولي رد
احط ليتات عرس
وارقص بالشارع علشانه ؟
وصح حلو الوحدة تستمتع وتتسوق وتزور رفيجاتها فترة سفر زوجها
خاصة انها مو ملزومة تستئذن ولا تنطر موافقة من زوجها.
انا لو سافر يتمشى باستقبله بحمدلله ع السلامة وواجد عليه بعد.ولا اسأله عن سفرته ولا شنو سوى.

يامعودة مالج شغل بكلام الناس
كثير من الازواج يروحون سياحة مع ربعهم
انا لو بكيفي جان سافرت بعد بروحي.

الله يهدي زوجج ويسخره لج ويبارك لج فيه وبعيالج