|
|
مشتغلة على روحي قهوة عشان ما اكل ،، والحين عيني مبققة وما فيني النوم
.gif "Eh S(1)")
فحبيت اسألكم
شنو أخذ منكم قسم الحياة الزوجية وشنو عطاكم ؟؟؟
يعني بشنو استفتدوا منه ؟؟؟ من افكار ؟ اشياء فتح عينكم عليها من خلال مواضيع العضوات ؟ اغلاط كنتوا تمارسونها مع ازواجكم وانتبهتوا عليها ؟؟؟
يعني لاي درجة مواضيع القسم نبهتكم وغيرت منكم ومن تصرفاتكم ؟
وشنو اخذ منكم او ضرتكم فيه بعض المواضيع ؟
بالنسبة لي انا
استفدت بعض السوالف في معاملتي مع زوجي ،، وشلون اتعامل معاه واتجرأ وياه اكثر
بس خذا مني وقتي ،، وايد اجابل هالقسم وقسم الحمل والولادة ،، وكل ما اسكر اللاب توب ارد افتحه لوووووول ،، غير جذي احيانا في مواضيع تشكك بعلاقتج بزوجج او تشككني فيه ،، حتى من يشوفني معصبة عليه يقولي اي لعب بمخج هالمنتدى
استفدت بليالي الرومانسيه والنصايح الزوجيه بشكل عام
لاني
<<< مو متزوجه دااشه لقافه ههههههههههههههههههههه
استفدت وقت زعلنا شلون اضبط نفسي واصبر وبعدها اتناقش
ووايد اشياء استفدتها لاذكرت برد لكم
والله ماقصرن البنات اللي فادونا بشغلات حلوه مثل الفناتك والاغلاط اللي كنا غافلين عنها بكل شي
بس الشي اللي قاهرني انه فتح عيوني على زوجي حييييييييييييييييييييييييل قمت اغار عليه بشكل جنوني من سوالف بعض البنات اللي ازواجهم يخونونهم وهم زينين معاهم مادري احس صارت فيني وسوسه
بس اخذت منه الشي الزين اكثر
والله يوفق الجميع وموضوع حلووووو وتقبلي مروري
وخلاني احب رجلي اكثرر واقول الحمدلله ع النعمه اللي احنا فيها
واشياء وايد
والله اني حمدت ربي وشكرته
من شاف بلاوي غيره هانت عليه بلواه
ويعطيج العافيه
بس والله جد يخلي الواحد يحمد ربه علي كل حال
وهم في نصايح حلوه يستفيد منها الواحد
وهم يفتح عين الوحده علي زوجهاا ومايخليها تغفل عن اشياء ممكن دور حولها واهي ماتدري
وانا بصراحه اشكر كل بنت كانت لها مشاركه هادفه وهم كانت لها نصايح بنائه لبنات كانوا يمرون بمشاكل
والله يشهد يا مي استمتع بمشاركاتج دايم
والله يخليلج زوجج وعيالج ويرزقج علي قد نيتج
اللي يشوف مصايب غيره تهون عليه مصيبته
الله يكفينا واياكم شر المصايب
واللي اخذه مني المنتدى وقتي يعني طلعاتي حيييل قلة وما عدت اتكلم بالتلفون مثل اول لادق علي احد اتحجج واقول مشغولة
وصارت مشكلة بيني وبين زوجي ليش اطول بالشبك وين تتدخلين
والحمد لله مرت هالسالفة على خير
وانا مشاركة بعالم حواء بس من شاركت يكويتيات قلة حيييييل مشاركاتي نعاهم يمكن ما ادخله الا كل اسبوع مرة
وايــــــــــد وايـــــــــــــــــــــد
أشكــــــــر كل العضوات اللي يفيدون غيرهم بمشاركاتهم ومواضيعهــــم
عسى الله لا يحرمهم الأجـــــــر
ما أنكر إن بعض المواضيـــع خلتني أشك بريلي
بس جد قبل لا أعرف المنتدى
أحس جني خبله ما أفهم شي
ولا حتى أعرف أســـــولف
أما بعد ما عرفت المنتدى
كنت قارئه بس
والحين قارئه وعضوه فيه
أحس أعرف أسولف وأعرف أفكر صــــح !
والمواضيـع اللي بالمنتدى تنبهني على أشياء
أكون غافله عنها أو مو حاطتها ببالي بالأسـاس
ومشكوووره مي عالموضوع
قبل لا اعرف المنتدى اذا شافني ماي هاسبند معصبة عليه يقول:
قعدت مع الشيطان؟؟
الحين صار يقول : قعدت ع المنتدى؟
من كثر مااقرا عن خيانة الازواج
اقول اش معنى زوجي غير هالناس
يمكن عنده سوالف ماادري عنها
وتعلمت المزيد من الفهم لسلوك الزوج يعني ممكن نعرف اشلون يفكرون الازواج فنفهمهم اكثر
وقمت أحس ان زوجي مافي مثله لما اشوف مشاكل غيري
بالنسبة للنت بشكل عام فعلا اخذني من الناس
عالعموم الله يوفق الجميع ويفرج همومهم
1- حب واحترام الحموله ( تقدير الخاله )
2- شكر الله عز وجل على نعمة الاستقرار الاسري
3- الاهتمام بالزوج وما اخلى اليهال وتعب الدوام حجه لأهمالي فيه
4- فن التعامل مع الناس بشكل عام
5- التفنن بالليالي الحمراء
بس السلبيات اهي :
1 – النت اخذ اغلب وقتي لدرجة ريلي أخذاها فرصه وقام كله يروح الدوانيه 
2- الشك بالزوج بخيانته لي من كثر ما اقرا مواضيع الخيانه
مشكووووره ميونه حبيبتي على موضوعج الحلووووو 