وين تفضلين السكن ؟

السلام عليكم ورحمة الله وبركاته

ودي تفيوني .. شنو أحسن السكن بأول الحياة الزوجيه .. بشقه بروحج ولا مع أهله ؟
خصوصا اذا الأم اطلبت من الولد وزوجته يسكنون عندها بدون إجبار ؟

عفيه أبي رايكم وتجاربكم

بصراحة أنا أقول السكن بروحج وايد أحسن

بالنسبه لي افضل اسكن مع اهل ريلي
دام انهم موظاريني بشي وانا زينه معاهم الحمدالله الحياه تمشي جذي
شوفي اللي يريحج وسويه

مشكورين .. ومادري شاللي يريحني ليلحين .. فأبي تجاربكم وشوركم :$

و الله السكن مايفرق اذا بروحنا ولا مع الحموله اهم شي الراحه تلقين ناس ساكنين بروحهم و مومرتاحين و ناس مع الحموله و مرتاحين و العكس و ساعات اتكون المشكله اذا صارالسكن مع الحموله اهو المشاكل بين الحموله و المره اما بالنسبه لي ماتفرق عندي اذا بروحي او مع الحموله انا ساكنه مع الحموله و الحمد الله مرتاحه و خصوصا انه زوجي شغله يتطلب منه السفر بالسنه كذا مره فا احسن لي اقعد مع الحموله ولا بروحي

انا مع السكن بروحج واذا مع أهله تكونين معزووولة

انا افضل بروحج مهما كانوا زينين معاج الاحسن تعيشين بروحج لتفادى الحجى والكلام اللى ماله داعى حتى لو حلوين وطيبين هم بصير حجى

واتمنالج حيات سعيده ومستقره

انا كنت اتمنى اسكن مع اهله بس سكنت بروحي بطلب من خالتي عشان ناخذ راحتنا والحين قوليلي سكني عندهم اقولج مستحيل لاني تعودت اني بروحي مع ان خالتي تينن

اول الزواج بدايته افضل ويا اهل الريل دام مابيني وبينهم مشاكل بس طبعا اكون معزوله بدور ..
بعدها عاد افضل السكن بروحي بعد جم سنه .. اكون تاقلمت اكثر عالوضع والمسؤوليه

آنا نفسج بالضبط كنت اتمنى عندهم بس خالتي الله يرحمها طلبت بروحنا عشان ناخذ راحتنا
وخالتي تيينن شويه عليها الله يرحمها بس الحين افضل السكن بروحج احسن والله يوفقج

والله انا افضل عند أهل الزوج.. بالنسبه لي وااايد أريح

يااااليتني ساكنه بروحي جان زييييين
والحمدالله على كل حال

بروحك افضل لك وافضل لها بس لاتقطعونها واما اذا كانت بروحها وزوجها متوففي افضل معاها لان الوحده صعبه عليها

شوفي انا احسنلج انج تسكنين عند الحموله اول سنه على الاقل
لا تحاتين طباخ ولي طلع الريل عندج ونيس خالتج ام ريلج
بس الحجي خوفج ريلج ايوزله ةالوضع ومايطلعج بشقه اذا تبين تطلعين

مشكورين يا قلبي ما قصرتوا .. واللي عندها إضافه لا تتردد