مليت من التمثيل

السلااام بنات شلوونكم؟

أول مرة انزل موضوووع وتكفووون ساعدوووني ,, وايد ترددت إني انزله بس تعبت وابي مساعدة

انا متزوجة من فترة مو طويلة وعندي بنت عمرها 4 شهوور ام الله علييها .. نوومها للحين مو عدل وتحوس مشالله علييها بالليل واداوم الصبح يعني تقدروون تقوولوون اني اداوم وانا مو نايمة وهم ساعات يمر علي ويكند كامل ما انام باليوم فيه إلا ساعة او ساعتين ومو متواصلين بعد

المهم ان مشكلتي مو هني المشكلة بزوجي اللي مو راضي لا يحس فيني ولا يقدر تعبي وشقاي ,, مشكلته إن لما يكلمني او يتغشمر معاي جنه قاعد يتغشمر مع واحد من ربعه ـ،، يقعد من نومه معصب ومنفس ويعصب علي ويطفرني لين أبجي ولما ألجي يقووولي انتي صايرة دلووعة وما تتحملين وبسرعة تبجين انا اذا ماتغشمر معاج مع منو اروووح اتغشمر ؟؟ انت تغشمر عدل عشان اعرف اضحك معاااك

جد جد صاير يبط جبدي امس بس قعد تهاوش معاي وبعدهاا يييه يراضيني بس شافني ابجي جان يصرخ علي ويهدلي الغرفة ويطلع وراح حق اهله يضحك ويتغشمر وانا بس ابجي

وكان يوم زوارتنا لبيت اهلي والله ان طووول الطرييق وانا دموووعي تنزل واهوا ولا صووووبي

رحنا تغدينا وبعد الغدا طلع من بيتنا من غير ما يقوولي دق علي عقب قالي انا رجعت البيت اي شي صح ؟؟

وظليت ببييت اهلي لي المغرب .. طبعا يومها ماكان عارف شيسوي كل شوي يطق علي يسألني عن أي شي ويسده ويرجع يدق يمكن 6 او 7 مرات يدق ويسأل عن اي شي ويسده .. وكل شوي يسألني أيي آخذ بنتي أيي آخذهاا .. لييييييش تاخذهاا انزيين واااااناااااااا؟؟

لين آخر شي دزلي بوسة بمسج؟؟ واااااااااااااااايد عليييه ما ردييييييييييت عليييه

وبالليل دق قالي متى بتردين قتله بعد شوي وظل يكلمني جنه ماكو شي وانا طخييت عن الصبح

بس للحيييييين حاااااااااز بخاطري ليش يسوي فيني جذي؟؟

كافي اني ما اناااام وما يمديني آكل !! بس أيي أبي آكل بنتي تسوي لوية ومحد يعرف يهديها غيري !! تعبت فتخيلوا لا نووم ولاا أكل ولا راحة

وما يبيييني ابجي بسرعة واصيير حساسة

هذا غير ان امس امي سافرت من جذي كنت متضايقة شوي وابي احد يونسني مو يعذبني !!

كل يوووم يدبرله سالفة ويتهاوش وانا جداام اهلي واهله امثل اني سعيدة والله تعبت مت وانا امثل حتى جدامه اني راضية وساكته

آخر مرة طلعني تاريييخ 20 اغسطس لان كان عيد زواجنا تخيلووووا

واهوا كل يووم يطلع ومخليني يا ببيت اهلي يا بالببيت او طالعة مع اهلي جني للحين بنية ولا يحس !! كل اسبوع اهلي يطلعوووني لي متى .. والحين امي سافرت رااح اتعذب اكثر واكثر

أبي حل تكفووووووووووووووووووووووون ساعدوووووووووووووووووووووني :/

سوري طولت عليكم بس كنت بفضفض وابي حل للي انا فيه

الله يعينج
مبين انه ريج يحبج بس ما يعرف يعبر

قعدي معاه وقوليله انا ابيك تقدر تعبي مثل ما انا اقدر تعبك وما في احد اقرب لي منك حاول تنسيني التعب بكلمه… بطلعه ..باي شي حلو

والغشمره خف عنها وقت ما تشوفني تعبانه لانه انا ما بي نزعل من بعض على سبب غشمره ثقيله ولو حتى مو ثقيه كا في اتعب اللي فيني يخليني ما استحمل شي

وبس

مممم شوفي هذه فتره و تعدي ! ( اسم الله عليه ولدي للحين نومته خايسه ! عمره سنه و 4 اشهر !!! ) المهم الي انت قاعده تحسين فيه اثر التعب + الهرمونات المتخربطه ورا الولاده …ووالله اشياء قاعده تقولينها مرت علي ! من ناحية غشمرته …ترا الشباب شويه دفشين …و انت حاولي ما تصيرين حساسه و ضحكي معاه حتى لو قط نكته مليقه ! الريال يحب الضحك و الغشمره …و من ناحيه الطلعه معاه انت قلتيله طلعني و هو رفض ؟؟ ولا ناطره لما هو يقول من نفسه ؟؟؟ اذا ناطرته عيل عليج العوض ! يمكن هو عباله انج مرتاحه في بيت اهلج خصوصا مع بنتج الصغيرونه …قوليله مثلا اليوم انا عازمتك على العشا …او الغدا …وطلعوا و استانسو و طوفي لا تدققين على كل صغيره و كبيره . و ان شاءالله الوضع يتعدل و انت تعبانه لان بنتج اسم الله عليها مو مخليتج تنامين ….بس حاولي تضبطين نومتها شوي شوي و راح تتعدل نفسيتج ^_^

الله يعينك ياقلبى ويبعد عنك كل هم وزعل
بس ياقلبى ريلك يحبك وهذا مبين من تصرفاته
بس يبى الل يوجهه اما عن تعبك هذا شى طبيعى مع بدايه الياهل خصوصا وهم صغار
وانشالله امك بترد بالسلامه وترد لك ضحكتك
قعدى مع ريلك وتكلمى معاه وصارحيه بالل فى قلبك بس اهم شى تختارين الوقت المناسب وفهميه
شنو مضايقك
واذا ردت امك من السفر بالسلامه خلى بنتك عند امك يوم ولا نص يوم وسويله جو رومانسى وضحكى ولعبى وسويل اياها مفاجاه
والله ياقلبى مافى احسن من الكلمه الطيبه
وادعيله وادعى لنفسك وكثرى من قيام الليل وصدقينى الله بيعدلها لك

عيزت وانا اقووله عقب كل هووشة ترا ما انااام ترا تعبانة ترا مادري شنو ويراضيني ويرد ينسى ويعيييد نفس السالفة ونرجع نتهاوش على أسباب تافهة يبط جبدي لما يشوفني ابجي ويهدني ويمشي عني ويخرب علي يومي كله !!

حبيبتي هدي شوي

ترا هذا شعور طبيعي…مسؤولية يديدة و روتينج كله متغير

طبيعي مشاعرج تكون متلخبطة و تحسين دايما انج مضغوطة وما تدرين شتسوين

انا بنتي الحسن عمرها 9 شهور وللحين مرات احس نفسي في دوامة

جني كله اركض وما عندي وقت…بس شوي شوي قاعدة اتعلم اخذ الامور بسهالة

و اذا على الريال..كل واحد يختلف عن الثاني..وترا حبيبتي اكثر الرياييل يحسون تعب الام على عيالها شي طبيعي و عادي…مثل ما امج و امه اتعبو عليكم..فعشان جذي ما يحسون شكثر انتي تحسين بالتعب و الضغط
…يعني لما اهوه ما يقدر مايكون سوء نية منه…

طيب انتي ليش ما تحاولين تبادرين و تغيرين جو…قعدي معاه على رواق…انتي بادري و حسيسيه انج مشتاقة للطلعه و القعده وياه…ترا يمكن اهوه يبي يلفت نظرج حق بحركات التطفر….يمكن حاس انه ما عندج وقت حقه او شي…لما امج ترجع من السفر بالسلامة…خلي بنتج عندها يوم اذا في مجال…روحي قعدي في فندق او شي كسري فيه الروتين….تتغير نفسيتج صدقيني

و مادري انتي بعد اكيد ادرى مني..بس اذا زوجج عنده استعداد…حالوي تخلينه اشاركج الاهتمام في بنتج…طبعا على ضحك و غشمرة..مو باوامر و صراح و زعل…يعني مثل سبحوها مع بعض….عطيه اشربها حليب…او ينتبه عليها واهيه نايمه…خل احس باهميه انه يكون معاج و يعاونج

والله يهنيج و يوفقج يا قلبي

وااايد دفش مو شوية :/ والله عيزت وانا اطوف ومت وانا اقوووله خل نطلع .. طلعني.. متى نطلع؟؟؟؟ وماكو فايدة كل اسبووع يقووولي الاسبووع الياي !!!

انزين لي متى بنطر يعني؟؟ انا لو ادقق على كل شي جان ميته من القهر من زماااااااااااااان .. بس مت وانا اطوف

ومشككككورة على الرد الحلووو

أمين يارب العالمين

الله يسلمج ويخليج ومشكووورة على الرد

ببجي :/

والله مت وانا اقووله وامي قالتله بعد خلوا بنتكم عندي وروحي فندق ولا سافروا غيروا جو شوي

مت وانا اقووله خل تطلع خل نطلع .. مت وانا اقط نغزاات واقووووله مشتهية المطعم الفلاني من زمااان ما رحنا مع بعض .. عيزت وانا اقوووله خنرووحلنا السينما .. خل نتمشى بالسيارة بس مابي شي صعب .. والله حتى لما يكووون يبي يرووح الوفرة يشتري اغراض حق الحمام اللي عنده اتوسل فيه بدلع اقووله اخذني معااك والله مانزل انطرك بالسيارة يقوولي وين تيين معاي !!

انزين نرووح اي مكان كل يوم يقولي الاسبووع الياي .. امي وابوي يعزموونا ما إيي اهوا مرة يقوول معزوم عرس ومرة مواعد ربعه بيروحون المخيم وطبعا يمر اليوم لا يروح العرس ولا المخيم انزييين لييش هالحركااات مادري !!

وااااااااااااااااااااااي بس تعبت

ولما يكلمني اضحك واسووولف ومن داااخليي نااااااااااااااااااااااااااااااااااااااااااااااااا اااااااااااااااااااااااااااااااااااااار

انزين حبيبتي اهوه من الأول جذي او بس الحين مع البيبي؟

عادي حبيبتي طولي بالج عليه

قولي له انا عازمتك على العشاء خل نطلع؟

و سالفة الياهل حاولي كلما نامت تنامين معاها
هذي فترة مؤقتة .. بالتدريج راح تتعدل نومتها من عقب 6 شهور أو 7 شهور
بس راح تصير احسن شوي لما تكمل سنة
خللي الخدامة تساعدك لما تتعود عليها بنتك ، بعد شتسوين؟
قولي حق زوجك ممكن تساعدني تمسكها؟ بدون ما تأمرينه لأن الرياييل ما يحبون التأمر

الله يعينك صبري و مرحلة و تعدي

اول كان يطلعني مو وايد بس مو مثل الحييين بالمرة .. اول على الاقل كاان يقولي بطلعج او خل نطلع الحين ماكوووو كلش اهم شي الدوانية والربع والمخيم ووالله مت كل قاعدة اسوي قاعدة اطوفله وقاعدة ألبسله اول كنت وايد استحي الحين ارحم من اول وااايد وصرت احسن من قبل بس ما إييني إلا لما يبي مني هذاااك الشي !!

ساعات اكووووون معصبة واصلة حدي ومالي خلق بس هم اطوف عشان لا تصير سالفة ثانية !!

يعني مثلا توه داق علي يقولي انطرج ترجعين من الدوام عشان نتغدى وارووح المخيم ولا جنه اليوم بنتنا معطمينها وتعبانة انزين اتعب معانا شوي !! مرة وحدة يتهد وتروووووح انا ما اقوول هالحجي جدامه من جذي هنس منهده وقاعدة اقووول كل شي لان ماعندي احد اقوووله

سامحووني

الله يعينك ياقلبى وصج قلبى معاك بس حاولى فيه بالكلمه الحلوه
ونفس ماقلت لك قطى بنتك عند امك لما ترد بالسلامه وغيرى جو وياه قوليله عازمتك بمكان او حجزى ليله بفندق واخذيه هناك
وغيرى جوك وياه لا تياسين
ووسعى صدرك

" تصدقين عاد اكتشفت صج انتي دلوعه وايد مواشويه"

اقول لج شي وخليه ترجيه بإذنج الرياييل انواع فيهم الرومنسي وفيهم الغعسكري وفيهم اللي مثل اللوح لا احساس ولا مشاعر يادافع البلا وفيهم الدعله وفيهم الطيوب الحبوب وفيهم وفيهم وفيهم ان عديتهم لج ماخلص

انتي مشكلتج منج وفيج يمه موعارفه توازنين بين اولويات بنتج وريلج ولا انتي قادره تشوفين راحتج وامورج معتفسه فوق تحت وهالشي مخليج تشوفين ريلج دفش علي قولتج
الريال هذا طبعه وهذى طريقة غشمرته تقدرينتقوليله يااافلان يابعد جبدي انت لي بغيت تتغشمر معاي خاف الله فيني انا مره مو واحدمن الربع ترا انت تخرعني جذي وانا ماتحمل بس عاداشلوون تقوليله ؟؟؟؟؟ موبهوشه ولا بطريقه تنقدين فيها عليه لا يمه قوليها له بدلع وميوعه حسسيه انج انتي انثي"

يتراوالي انتي مكبره السالفه بالصيدليات يبيعون دوا اكتوفيد مال الكحه حطي نقطتين حقبنتج تطخ وتنام ونامي مثل الناس وقعدي مثل الناس وريلج هالله هالله فيه ماكوشي يسوا يخليج تشيلين عبدالقادر علي ظهرج يمه الهون ابرك مايكون وماظن بنتج طول الليل ماتنام لابد بتغفا جم ساعه مثل عيال الاوادم"

واميمتج زين سوت سافرت وخلتج اشتبين بعد عطتج ريل وعندج بيت وياهل لومانتي قد المسؤوليه جان مااسافرت وخلتج عادانتي صيري عاجله ولاتخربين بيتج بيدج ياحظييييي باجرالكل ينقد عليج ويقولون هذى لوفيها خير ماعافها الطير واعليا علينا احنا الحريم دوم مذمومات لو نشب حريجه محد يطفينا بقلاص ماي ههههههههه