قلبي يرقع مع العد التنازلي . آرائكم يا حلوين

السلاااااام عليكم يا بنات ويا عروسات ويا متزوجات ويا امهات كرووووش اللي مثلي

وصباح الخير جميعا

عيدكم مبارك مقدماً ،،

والله مادري شفول !! مخي وقف مادري شنو اكتب !!!؟

قلبي قاعد يرقع مع العد التازلي حق رجعة ريلي من السفر ( 5 شهور دورة خارجية )
وصادفت الدورة عقب عرسنا بشهر ،، ما قعدت وياه وايد
وحملت – الحمدلله – من ليلتها ،،

يعني راح وانا بأول اسابيع الحمل ،،

وان شاء الله راح يرد عالعيد ،، والعيد ما بقى عليه شي أيام معدوده
وكل ما نقص يوم وقرّب وانا اتصروع مادري ليش خايفه ومتوتره ،،
واااااااااااااااااااااااااااااايد ولهانه عليه ومشتاقتله ،،

اول مرة راح يشوفني عقب فترة طويله وبطني لي جدام ،، احس شكلي غلط

وحق رجعته باذن الله
رحت شريت لي نفنوف راااقي ،،
لونه اسود علاق، وصوب الصدر فيه دانتيل ابيض ،، والنفنوف طويل اسود مكسر من تحت
يعني قصة صدر ،، تحت الصدر دانتيل ،، والباجي تحت كسرات ناعمة اسود ..
وشريت عدسات ملونه ،، شوّقتني صورة حليمة بولند ،، وقلت خل اجازف _ مع اني ما احب العدسات الملونه _ بس مادري شاللي ياني قلت اجرّب

وقلت بلبس شبكتي ،، وكعب
وبروح اسوي شعري ،، واحط مكياج باذن الله
واستقبله بحلاتي وبطني ،،

اول شي بسألكم عنه ،،

هل اسوي تسريحة ( رفعة كامله ) ولاّ نص رفعة ؟؟
احط مكياجي بنفسي ولاّ اروح صالون ؟؟
بس المشكلة انه بيكون راد تعبان ومنهلك حيله طريج 14 ساعة أكيد يبي يرد ينام على طول حياتي
يعني ماراح يجابلني وايد ،، وانا ماراح اخليه لأنه صج بيكون تعبان حزتها من طول الطريج ،، فاهمين علي !!

مادري اسوي مكياج بالصالون ثاني يوم ولا شنو ؟؟ ولاّ اظل على اني احط مكياجي بنفسي واروح اسوي شعري !!؟

والشي الثاني ،،

اذا يا بالليل ،، اكيد بيرد يوعان ،،
ودي انا اسوي بيدي اكله عشان ياكل ،،
( باستا- و كيكة ) ..
مع عصير فرش ،،
واحط ماعون فاكهه

هل اني اسإله قبل لا ايي شنو تبي عشا ،،

لأنه ودي اسوي وهم بنفس الوقت مابي تصير فيني ريحة طبخ اذا رحت اسخّن الأكل !!

مادري اسوي من الليل واخليه بالثلاجة واطلعها واحطها بالمايكروييف !!؟ واقدمها !

واااااااااااااااااااااااااااااااااااااااااااااااي بنات
مادري شلون راح استقبله ،، صراحة مادري شبسوي ،، قاعده اتخيل نفسي
هل اني راح اركض والمه حيييييييييل ،، ولأ بس اسلم عليه وام التكانه والثقل ( ام عيال يعني )
ولاّ بقعد اتنح !!
وين انطره اكون يعني قاعده بالصالة اشوف تلفزيون على ما ايي ،، ولاّ شسوي

امبيــــــــــــــــــــــــــــــــــــــــــــــ ــه والله مادري ،،
شلون راح استقبله ؟؟

ادري بنات بتقولون شفيها هذي الحمدلله والشكر ،، وايد افكار في مخها ومتخربطه ولويه
بس صج احس نفسي بهبب !

وياليت يا بنات تشاركوني بموضوعي
وتقولون لي رايكم وتعليقكم على كلامي

وهم اذا في اي اضافات- نصيحة

اي شي اسويه ،، ياليت تفيدوني

ربي يوفقكم

وعسى ربي يرده بالسلامة ويحفظه ويخليه يااااااااا رب

تقبلوا ازعاجي وشوشرتي

عيدكم مبارك مقدماً

والله ما عندي رد
لكن الله يرده بالسلامه

يوصل بالسلامة

حبيبتي انت نفس حالتي انا سافر زوجي وانا حامل بشهرين
ورجع وانا بالخامس عاد شكلي غلط

وما راح اقولج شلون تستقبلينه خليها عفوية
انا لما دخل زوجي لميته وقعدنا نبجي

بصراحة كنت ابجي من شوقي له والشي الثاني لان كان ضااااعف حده وجسمه اينن
وانا بطة

بالنسبة للطباخ انا انصحج طبخيله وخليه ولما يوصل سخنيه وحطيه

وسويلج حلو من الظر والسلطة بعد بس لا تحطين عليها الدرسنغ الا لما تقدمينها

وعسى الله يهنيج

بعد عمري مشكووره يكفي مرورج ودعائج

الله يسلمح

الله يفرحج على طوول و يخليه لج يا رب

مايندرا عن عفويتي ذاك اليوم ،، هقوتي اني بتنّح ! من كثر ما اني مو مصدقه انه رد
بالنسبة للضعف بعد عمري اهو ضعيف بس شكله راح يردلي حدا حالته كسييييفه ورايح فيها من الدق اللي داقينه بالدورة

حبيبتي مشكوووورة

آآآآآآآآآآآميــــــــــــــــن

مشكووووورة

بصراحه انا عندي تكسخين سوي تسريحه رفعي شعرج احلا بس اذا انتي تعرفين تضبيطين المكياج انتي سويه وخليه ناعم ولبس وكشخي وطلعي انتي وياه المطعم عزميه هناك احس والله من الطبخ والريحه لاحقه علي الطبخ وسويله ليله رومانسيه.. والله يوفقج

مكياجي حق روحي خفييييف ونااااااااااااااااااااعم عاااادي
لأني ماعرف احط ،، يعني اني ارسم عيني واحط شدو الوان وهالسوالف ما عرف

ومشكلة الصالون صراحة اخاف انهم يهولون فيني ،، ( متعقده من عيني صغيرة ) ،، وحطتهم للعين ،، فأخاف
ومو حلو علي المكياج اللي وايد ،، فمادري !

حرام وين اعزمه ،، حده بيكون تعبان لأنه رحلته 14 ساعه متواصلة عمري الله يعينه عالطريج
لا وبعد ليلة رومانسية !!
والله ودي لووووووووووووووووول ،، بس حرام مابيه ينهلك مرة وحدة
الرياييل يتعبوم بالسفر ،، اول ما بيدوّر الفراش عشان يغط في سبات عميق !

الله يرده لج بالف سلامه

وتقر عينيج بشوفته

حاسه فيج انا ريلي يدرس برا وكل جم شهر هذي حالتي

وعلى تجهيزاتج مثل ما قلتي كيكه و عصير واكله خفيفه احسن شي لانه احتمال حتى الاكل ماراح يقرب له من التعب

خل تجهيزاتج الصجيه حق ثاني يوم بس اول يوم كشختج البسيطه يعني لبسي النفنوف ورفعي شعرج احس شكله ارقى

والله يوفقج ويسعدج يا رب

أول شي قرت عينج مقدماً

شوفي حبيبتي الريال راد من السفر تعبان وولهان

يعني اهم شي يكون شكلج مرتب لبسي نفنوف حلو ومكياج بالبيت لأن الرياييل بشكل عام ما يحبون المكياج الوايد

بس شعرج سويه بالصالون خليه تكسير كسرات كبار ولا نص رفعه يعني شي ناعم والعدسات

واهم شي تضبطين العشا بدون لا تسئلينه خليها مفاجأه … بس اهم شي تسوين أو تطلبين شي يحبه

وحطي على الطاولة شموع

وشتسوين وشلون ردت فعلج هذي خليها طبيعيه

لا تفكرين وايد عشان لا تصير مصطنعه

تعشوا وسولفوا وبعدين بينام على طول من التعب

يعني أحلى شي النعومة والشموع والعشا

و بس

الله يجمع بينكم علي خير ان شاءالله
ويرده لج سالم معافا

بخصوص الاستقبال
لاتسوين تسريحه ولاتصيرين اوفر
التسريحه للعرس لمناسبه رسميه او ساعه روئان

اما ياي من السفر 14 ساعه يبي الحمام عليييييييي طوووووووووووووووووووووول ويتنقع بالبانيو
انصحج اول حاقه جهزيها له الحمام السنع ترسي البانيو ماي وحطيله بابل باثوهالحركات الحلوه

ثاني حاقه العشا
ليش عوار القلب؟
في شغلات تنطبخ من الظهر ووتتسخن اي شي بالفرن
او طلبي

ثالث حاقه بالنسبه ليج انتي
الستايل اللي اخترتيهوايد حلوماشاءالله

ولو ان مراح يلاحظ شبكتج
ووقتها غلط
برايي اول ليله خليج علي الفنو ف والشخه والحمام السنع
ومكياج حلووو كلش كلش حطي بس مكياج عين لاتصيرين اوفر

وخلي الشغل العدل والكشخخخخخخخخخخه السنننعه حقعقبها بليله

الله يسلمج ،، تسلمين حبيبتي

عسى ربي يوفقه ويخلص دراسته بسرعة ويردلج بالشهادة ويكون على ظول معاج يااا رب

انا 5 شهور وضاق خلقي ،، فمابلج دراسة ،، عسى ربي يهوّنها عليج ويوفقكم ويجمعكم واييب الشهادة الكبيرة
موفقين يالغالية

ايه انا قلت جذي من التعب يمكن ما يبي ياكل ،،
راح اسإله ان شاء الله شنو وده ياكل ،، لأنه بطنه خاس من الfast food يا عمري ولاّ جبن سلايدز يا حبيبي
اخاف انه يبي مجبووووووووووووووووووووووووس لوووول
عاد اهني انا اتوهق ،، لأنه يبي مجابيس واشتاق حق هالأكل الدسم

وشكلي برفع شعري لأنه راح يطلع مع النفنوف والشبكة رووعه ،، مو متخيلة النفنوف والشبكة والشعر مفلول !!

بس تعرفين صالون زين اسعاره حلوه وتسريحاته راقيه ؟؟

مشكووره حبيبتي على ردج علي

يا قلبــــي!!!

قرت عيـــنج و انشــالله آخر مرة يبعد عنج

شوفي حبيبتي انا اقووول دام اهو بيــي بالليــل حطــي مكيااج خفيف و ترى حلات المكياج بالعدسات و الرموش و الحواجب و الباجي ما يبيله شي انا نفسج ماعرف بالمكياج و سويت هالشي تعرفين شــنو ين على شكــلي لان الرياييل يحبون الكشخة البسيــطة و شعرج سويه روماني و رفعيـــه سويه بالصالون و المكياج سويه انتي صدقيني دام ريلج يحبج و مشتاقلج راح تعجبيـــنه حتى لو لابســـه خيــــشة فاهمـــة علـــي؟؟

لا تتعبيـــن نفســـج بالتفكيـــر و خليـــها بعفويتها و الله يخليكم لبعض و لا يحرمكم من بعض و يبلغكم بولدكم معرس او بنتكم عروووس

بويه نبيّج حبيبتي

ايه انا ماحب المكياج الوايد وهم اهو ،، احلى شي النعومة ،، وانا اصلا ملامحي ناعمة فما يصلح لي المكياج الوايد الحمدلله

هم اعجبتني فكرة تسريحة الشعر اللي قلتي عنها ،، بس ابي صالون حلو

والأكل ،،
خلاص ماراح اسإله ،، وكنت حاطه في بالي اللي قلتي عنه ،، شموع واكل خفيف وبس

عسى ربي يوفقج حبيبتي مشكوووورة