|
|
السلام عليكم ورحمة الله وبركاته
بصراحه ماني عارفه شلون ابتدي لانه هذي اول مره اكتب فيها موضوع بس بقولكم اللي بقلبي وابيكم تساعدوني لاني والله تعبت من التفكير
انا عمري 22 واشتغل وقاعده اكمل دراستي وانخطبت عن طريق الاهل من واحد يصيرلي من بعيد ولهذا السبب ما سألو عنه عدل عدل يعني كانت الفتره اللي سالو عنه فيها جدا قصيره المهم ما لكم بالطويله .. صارت الملجه شهر 3 وانا من داخلي ما كنت مقتنعه بالبدايه ورفضت بس كلهم يقولون لي اني دلوعه وكله ترفضين اللي يتقدمون لج وبعد ضغط من امي وعمتي استخرت وتوكلت على الله ووافقت ,, عقبها باربع اشهر صار الزواج وبالضبط تاريخ 17 / 7 اللي طاف كان عرسي تم الزواج على خير بس انا لي لحد اليوم هذا ماكنت مرتاحه كلش المهم كنت اتعوذ من الشيطان .. مر اول يوم وكان بالنسبه لي اتعس يوم بحياتي لاني سمعت من بنات شكثر انه راح تصير بينا سوالف حلوه وكلام عن حياتنا بس انا ماصار لي شي حلو كل السوالف اللي سمعتها كانت تنكد علي وتجيب الهم والغم … صار ثاني واهو دش الحمام وانتو بكرامه وانا خذيت تلفونه وتعبثت فيه مع انه الشي هذا مو من طبعي والله بس ما ادري ليش صار شي لا شعوري ومديت ايدي وخذيته ويا ليتني ما خذيته … لقيت فيه ارقام بنات يمكن 12 وحده والوقاحه انه كاتب اسم البنت والعايله والوضع طبيعي عنده وشفت مكالمات صايره بنفس يوم العرس الفجر الظاهر وانا نايمه استغفلني وطلع يكلم … وشفت مسجات من بنات شكثر ,,, عقبها رديت التلفون مكانه وقعدت ولا جنه صاير شي وانا من داخلي احترق لما طلع من الحمام عزكم الله ابتسمت بوجهه وهو ماعبرني وهذا زاد الطين بله .. بعدين وداني بيت اهله وقعدت عندهم لي الساعه 2 الفجر ودزلي مسج نامي عند خواتي مالي خلق ارد بيتنا .. بذمتكم بنات في وحده بثاني يوم عرسها يصير فيها جذي !!!
بس انا خذيت الوضع عادي ودزيتله مسج وانا ما انام الا ببيتنا عقبها رد وخذاني على الساعه 2.30 ورحنا البيت وطول الطريج بالسياره ساكتين وقبل لا نوصل الشقه سألته انت ليش تزوجت ؟؟ جان يقولي عشان افرح امي وابوي قلت له بس جان يقولي وعشان اكون بيت وعايله .. عاد انا هني دخلت بالموضوع جان اقوله شوف يا اذا انت تبيني زوجه لك واصونك ابيك انت بعد تصوني واذا كان في شي من حياتك الماضيه باقي بحايتك لحد الحين ابيك تنهيه عشان نعيش صح ويكون بينا ثقه وصراحه وقام قسم ويحلف بأغلظ الايمان انه ماعنده خرابيط وانا هني عرفت انه هالشخص جذاب لاني انا شفت بعيني سوالفه ومحد قالي شي .. المهم قلت له بالنهايه انا قلت اللي عندي وانت كيفك
وصلنا البيت وكان الفجر يأذن قمت توضيت وصليت واستخرت بعد مره ثانيه .. اليوم الثالث كنا حاجزين عشان نروح البحرين لانه انا ادرس هناك وكان عندي اختبارات … وصلنا البحرين وانا طول الطريج بالطياره كنت ابجي احس حياتي جامده ومو نفس البنات اول مايتزوجون يستانسون كانت العكس
بالبحرين انا اكون طول الوقت بالجامعه وما اطلع الا بالليل الساعه 10 يعني الله واعلم اهو شنو يسوي من وراي .. لما ردينا الفندق اهو على طول حط راسه ونام وانا قعدت ادرس ولما شفته نام سحبت تلفونه مره ثانيه قلت يمكن اهو خلاص انهى كل علاقاته ولما شفت والا ما تغير شي وطول الوقت اللي انا بالجامعه اهو كان يكلم فيه
عقبها انا صار شي بداخلي مايبيه احس اني كرهته حيل حيل حيل والله ماله اي شي بقلبي وقررت اني بس ارجع الكويت اطلب الطلاق ..
ومريت الايام علي كأنها سنين ومافيه بينا اي كلام كله ساكتين
ولما رديت الكويت رحت بيت ابوي على طول من المطار لي بين ابوي
وقلت لامي كل شي وقلت لها انه نفسي طابت منه واني عفته وما ابيه
بس المشكله انه امي وعماتي وخالتي وابوي والكل يقولون لي عطيه فرصه .. وانا قلت لهم لو كان في شي بداخلي له والله عادي بعطيه فرص مو فرصه بس انا طاب خاطري منه لدرجه محد يتصورها
ومن هذاك اليوم لي اليوم وانا عند امي ومحد دق من اهله وتصوروا امس امه دقت على امي وقالت لها روحي شيلي اغراض بنتج من الشقه 
بذمتكم هذا شنو يعني ؟؟؟ الناس بايعيني ليش انا اشتريهم ؟؟؟
بس مشكلتنا الناس الكل يخاف من كلام الناس ويخافون انهم يقولون هذي مطلقه .. انا قلت لهم انا عادي عندي وراح اتقبل كل شي بس مابي اعيش مع هالانسان
ودي انكم تفهموني وتعطوني رايكم وشنو اسوي ؟؟
اسفه اذا طولت عليكم بس مالي الا الله ثم هالمنتدى افضفض فيه
اختكم : شيماء
بعد عمري دام اهله قالو لأمج تاخذ اغراضج خلاص بيعيهم مثل ماباعوج .. والله اللي طبعهم جذيه ماهم حسوفه ..
وانتي الحمدالله باين عليج الطيب والخير .. وصدقيني انه بيندم بعدين ..
انسي الهم وابتدي صفحة جديده مع نفسك .. وخليج داااااااااايم قريبه من ربج ..
والله يعوضج خير يارب
ياااااارب تهون عليج
طمنيني عن اخبارج وعسى الله يوفقج لاانشالله
اختي ريلج غافل ولاهي ومصيرة بينسى هل المايعات
لو كل الحريم بيتطلقون علشان الخيانة مابقى بالكويت متزوجات
ميثاق الزواج غليظ وكبير عند ربج لا تنهينة من اول هزه
الحل
اياااااااااااااااااااااج والتفتيش بالجوااال مهما يصير ولاتنسيين قول الرسول ولا تجسسوا؟؟؟
2- اطلعي الاحسن من المايعات باللبس وبالاخلاق وبالروووح المرحة وصدقيني انتي تطلعيين بنظرة
العاليه
3- الاطفال لهم جانب ايجابي لتمسك الاب بالاسرة فباشري بالحمل
هذي حياتج تمسكي فيها واسعي في بنائها
ويااااااااما رييياييل ماخلو بنت ماكلموها وهمو متزوجيين
واكبروا واعقلوا ولا مايطالعوون الا حريمهم الحيين وهذا شايفتة بعيني
موفقة.gif "Eh S(8)")
|
المشاركة الأصلية كتبت بواسطة سعودية قلبها كويتي
 الله يعينج ويصبرج ياقلبي
بعد عمري دام اهله قالو لأمج تاخذ اغراضج خلاص بيعيهم مثل ماباعوج .. والله اللي طبعهم جذيه ماهم حسوفه .. وانتي الحمدالله باين عليج الطيب والخير .. وصدقيني انه بيندم بعدين .. انسي الهم وابتدي صفحة جديده مع نفسك .. وخليج داااااااااايم قريبه من ربج .. والله يعوضج خير يارب |
لاتدعييينها الى ابغض ماحلله الله وهو الطلاق
اختي مافي مثل الريل هو الي يعز لا الابو والا الاخو هذيلا يعزونج من بعيد لبعيد
اما زوجج هو الي يعزج والمسؤول عنج
صدقيني ان الحب والموده ماتجي الا عقب الزواج وهذا وعد الهي وجعلنا بينهم موده ورحمه
ومعنى هاذي لايه ان الحب مايجي من شهر او شهرين يبيله فتره
واذا كان على صديقاتك انهم عاشوا احسن ليله وانواع السواليف والكلام الحلو هذا يرجع لشخصية الولد
لانه فيه رجال يستحون ولا يتكلمون ويمكن رجلك من هالنوع
واما سفرتك للبحرين انتي قلتي بعظمة لسانك انا طول الوقت بالجامعه والله اعلم أهو شي سوي >>>وهذا اكبر دليل
انك ماشفتي عليه شي
ومسالة مايصير بينا كلام حلو وسواليف ياشيماء صدقيني انتي تقدرين تغيرنه ترى الرجل مثل الطفل انتي تعودينه على
اللي تبين يعني انتي ابدي وحاولي تسوين اشياء مثيره وصدقين راح يتغير معك
ومسالة مادق علي وانا عند اهلي اكيد زعلان عليك على طول رحتي أهلك ولا عبرتيه ولا عطيتيه وجهه والرجال على
فكره عندهم كراامه يعني مثلا بقولك وش الي يدور براسه هالحين >>>>ليش اكلم شيماء واهي لا عبرتني وعلى طول
بيت اهلها لا لازم اهي الي تدق علي وتقول تعالي انا وش سويتله علشان تسوي فيني جذي
يعني ياشيماءانا اقول تعوذي من الشيطان وارسلي على رساله حلوه علشان يمكن تحرك فيه شي وارسليلوه تهنئه عن رمضان وقولي هذا اول رمضان احس لوه طعم علشانك ومن هالكلام صدقين مثل هالكلام راح يغير بوه أشياء كثيره ولا تسمعين كلام النااس الي تقول اهم شي كرامتك لا بالعكس ذولي ماراح ينفعونك لا صرتي مطلقه صدقيــــــــــــــــــــــــــــــــــــــــــــــ ـــني الطلاااق ماراح يفيدك بشي بالعكس راح يحطمك وانتي صغيررره بعمر الزهور
وعد مني ياشيماء لو تسوين الي قلتلك عليه ررراااح يتغير وربي راااح يتغير
استخيري الله في امر طلاقج وشوفي اللي قلبج وعقلج يتفقون عليه والله يوفقج ياحياتي ويعوضج خير
وان شاء الله ما يصير الا اللي فيه الخير
فكري عدل قبل كل خطوة ..
بس انا مستغربه منج حبيبتي ؟؟
انتي ماعندج صديقات متزوجااات ؟؟ ماتروحين ماتجيين ماتسمعيين سوالف؟؟
اذا كل اللي تعرفينهم يقولون لج بدايات زواجاتهم عسل يطلعوون نصابيين …وكل وحده تتفشخر وتسوي انه وخروا عني وهي الله يعلم فيها …
شي طبيعي الخلافات بدايه الزواج نتيجة اختلاف التربيه والمحيط والاطباااع … شي طبيعي لأنها حياه جديده بالنسبه لكم ثنينكم ومابعد تتأقلمون عليها ومابعد تعرفون الطرق السليمه لحياه سعيده…
اذا انتي صديقاتج من النوع اللي يتفشخروون ويطلعون انفسهم سعيداات … انا كللللل صديقاتي متزوجااات … وحنا اكثر من خوات … فكل وحده تدري بالثانيه فوقها وتحتها ….مافي وحده منهم ماواجهت صعوبات بدايه حياتها …
وحده منهم تقووول انا تعبت تعبببب ماحد تعبه لمن عدلت زوووجي … وانا الحييين قمه السعااده مو بس لانه تعدل … بعد لأنه هالعدااال من تعبي ….
وحده توها مكلمتني بتسافر هي توها متزوجه … تقولي شروق ادعي لي استانس … ادري ماراح استانس كل السفره بتصير هواش ….
بنت عمي باسبووع عرسها يقولها قومي طبخي لي مجابيييس …. ولما بيت اهلها يجيبون لهم الطباخ جاهز ع اساس معاريس يعني … يقوم يرجعه … يقول لها مابيج الا انتي اللي تطبخيين ….
وحده ثاانيه هي زوجها يشتغل بمنطقه غير منطقتهم فيجي بس بالويك اندس … تقول وطول الوقت ع المباراة والا مع ربعه ماشوفه … جا يووم يعني اني بكشخ يمكن يعطيني وجه … تقوم تكشخ وتقعد جنبه … توها حاطه راسها ع كتفه … الا يقول لها ترى والله مو وقته … المباراة مرره حماس << فييييييييه اقوى؟؟
تبيين بعددد اسولف لج والا خلاااص؟؟؟
ترى انا مو متزوجه … ومن كثر ماسمع سوالف خلاااااص صرت اخاااف …. بس بيني وبينج؟؟ ودي اتزوج واجرب هالاشيااء… ابي اعرف اقدر اتجاوزهم واصيير ناجحه بحيااتي ؟؟ والا اصيير ضعييفه واستسلم نفس ماانتي قاعده بتسويييين …
رجعي لزوجج وحااولي تسويين المستحييل عشاان تلحسين مخه ويبيع كل الدنيا عشانج مو بس سوابقه
سوري ع الاطاله بس والله اكثر شي يأزمني وحده بعمرج وعمري تتطلق ع اسباااب دارجه وطبيعيه
طبعـــــــــهـــــــ
حبيبتــــــــي نصيحهـــــــــــــــــــ
وانا ما ابي انصحج النصيحهــــ هذي لأنهــــايمكن تدمر بيوتـــــــــــ
إذا انتي مو مرتاحهــ ولا اهو ومو مهتــــــــــــــم
خالي ومرتهـــ كانو جذي والمشكلهـــ أنها حامل فحرام يضيع البيبــــــــــــــــــــي
خلاص حبيبتــــــــــــي قولي لهم انج ما تبينهـــــــ ومو مرتاحتلهــــــــــــ
والله يعيـــــــــنج قلبـــــــــي
انا اقول صبري و لا تتطلقين و اذا صار و رجعتوا لبعض لا تستعيليين و تحملين !
استخيري الله وكثري من الاستغفار لانه يفك الكرب (مجرب)
والله يكون بعونج